Filipi minin 1:8 - LAWA A BOO SONBORE

⁸ Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.

LAWA A BOO SONBORE 2011

⁸ Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.

Filipi minin 1:8 ပူးပေါင်းရင်းမြစ်များ

Zɔbu 16:19

Maa siére din tá lon gɔrɔ dinin, maa wɔ gii-dali tá lon.

Izayii 16:11

Bɛ lɛ taman yii, ma foo á ziziɛ̃ nɛ Moabu a paǹ li. Maa ginii n ka tùtu wuu bɛ́ lɔn. Man gini Kiiri-Herɛsi la.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Luku 1:78

A giala, wɔa Lawa á wɔ narɛ, a piɛ̃maa-n ka bǐɛ̃baa nɛ. A bǐɛ̃baa n wɔlɔ fúlu lɛa, kiɛ wɔ ganaa ka wasa bɛ́ lɔn.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 9:1

Masɛ Pooli, man *Krita wɔ lɛa, man taãn pii, ma a soɛ boe wa. Yiri Fu bɛ́ boo diɛ ma nɛ ma yiri mɛn nɛ, bɛ dɔ n pii ma nɛ, mà sonbore ne ma á re pii.

Korɛnti2 13:9

Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

Korɛnti2 6:12

Man gɔ́ɔ̃ tii ka ganaa wa, sɛnɛ, kasɛn man ka kaa wɔ tii masɛ ganaa.

Korɛnti2 7:15

Ka bɛ́ ká a lɛ si lɔn, ká kũ doɛ̃ lɔn, ká nyɛ́ɛ baa nɛ ka gɔ̀nɔn bìn-diɛ nɛ, bɛ̀ a yiri daa bɛ nɛ, màn nə miɛ a ka narɛɛ a golebaa li.

Galaasi minin 1:20

Ma bɛ́ boo mɛn diɛ ka-n ke, man diɛ Lawa din yɔrɔ-a, ma bie soɛ boe wa.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 4:19

Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

Filipi minin 2:1

Bɛ̀ foo-doa á yii Krita nɛ, bɛ̀ foo tãbaa á yii a kɔn-narɛɛ nɛ, bɛ̀ koa-kun tá ka laanka Yiri Fu bii, bɛ̀ bǐɛ̃baa laanka sii toa kɔn nɛ á yii a nɛ,

Filipi minin 2:26

A gɔ́ɔ̃ goã a ganaa parsiini, mà a wusoo a da ka tumaa yaa, a giala, ka bɛ́ ká a busu kɔ mɛn boo ma, bɛ lɛ ná a yiri lɔlɔkɔn.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Kolɔɔsi minin 2:1

Sonbore, ma bɛ́ dí kaka mɛn nyɛɛ ka a lɛa, ka Lawodisee minin ni, ka min gigiã kɔsɔn mɛnɛn bin bɛ́ ǹ ma yɛ duduu wa, man giɛ li ka bɛ dɔ̃.

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Tesaloniki1 2:5

Wɔ bin lɛn bebele ǹ boo da min kɔ́n nɛ wa, ka dinin tá bɛ doɛ̃. Wɔ bìn da ka ga là li ǹ taasiɛ-n wɔ gɔ́ɔ̃-n wa. Lawa n wɔa siére lɛa.

Tesaloniki1 2:8

Ka sii n kɔɔ̃n wɔ ganaa miɛ̃ lɛn, bɛ lɛ-n wɔ́ lɛ kɔ wáa wɔ á Lawa a Boo Tii Kɔɔ̃n kɛ pii ka nɛ, bɛ dinsɔɔ̃ bie wa; sɛnɛ, wɔ́ lɛ kɔ dɔn wáa wɔ tá wɔ dininmaan nyin koe ka taman yii, a giala, kaa sii kaka kɔ wɔ ganaa á la yii ni.

Timote2 1:4

N wuu mɛn pɛ lɛlɛ, bɛ̀ ma yiri daa bɛ nɛ, a n ma gɔ́ɔ̃-n parsiini, máa ma wusoo ma n yɛ, màn mɛn bɛ́ toɛ, ma kã ka nyɛnyɛɛ nɛ.

Filemɔn 1:12

Man wusii diɛ n la. Onezimu kooro bie ma á diɛ n la wa, sɛnɛ, Onezimu mɛn bɛ́ goon kanna ka ma din gɔ̀nɔn siĩ paǹ kɔ́n nɛ.

Filemɔn 1:20

Ma dɔɔ̃n-giĩ Filemɔn, sonbore, ma nə n nyankoe, n Dɛnaa Yezu lɛ taman yii, bǐɛ̃ kɛ zɛnaa ma nɛ. Ma foo kɔɔ̃n kɔ Yezu Krita a lɛa.

Zaã1 3:17

Bɛ̀ min pàãma goon yii nə ǹ dɔɔ̃n ganaa laadoo-dɛnaa lɛa, a nə́ n tiɛ̃ a ganaa a din gɔ́ɔ̃ nɛ, a n siɛ lɔn a pɛ mà Lawa narɛɛ tá asɛ foo ne?