Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi minin 1:6 - LAWA A BOO SONBORE

6 Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

အခန်းကိုကြည့်ပါ။ ကော်ပီ

LAWA A BOO SONBORE 2011

6 Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

အခန်းကိုကြည့်ပါ။ ကော်ပီ




Filipi minin 1:6
33 ပူးပေါင်းရင်းမြစ်များ  

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.


Yezu tɔ́n pɛ ǹ nɛ: «Lawa foo sii dí n ka kɛ nɛ, a min mɛn lɛ dia, ka golee bɛ lɛ li.»


Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»


Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.


A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.


Man má n foo doa ka ganaa taãn-taãnɛ. Bɛ lɛ-n má tɔ́n lɛ kɔ, máa bɛ̀ ma á woe Masedoanɛ gána nɛ, máa ma á re boe ka li, bɛ̀ má n bɔyaa doo, ma da golee ka li. Bɛ̀ a na á n baa miɛ̃, bɛ̀ a n die foo kɔɔ̃n kɔ biɛ ka ganaa gunyin paa. Ka bɛ nɛ, bɛ̀ ka n die n doe ma lɛ, ka maa Zudee zii tɔ-wɔ kɛ nɛ.


Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.


Ma nə n nyɛnyɛɛ parsiini, a giala, ma á boe la man foo doa ka ganaa sii tumaa gɔ́ɔ̃ nɛ.


Bɛ̀ a n baa miɛ̃ wa, bɛ̀ Masedoanɛ minin nə́ daa kun ka ma nɛ, ǹ nə́ daa yaa bɛ̀ ka n yɔrɔ bɔ wa, maa waa ka la miɛ̃ kɛ á re sìi diɛ ma ganaa parsiini, a ka dɔn dinin pusii wa!


A laanka bɛ tumaa nɛ, ma foo á doa-n Dɛnaa ganaa kaa wɔ paǹ li. Ma á doɛ̃, máa ka a re zii kɔsɔ siɛ wa. Sɛnɛ, min mɛn bɛ́ ka yiri lɔlɛkɔn, ta ǹ dɛnaa n màn mɛn lɛa, Lawa á re dɔlɔ boe a ganaa.


A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.


màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.


A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.


A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.


A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.


ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.


Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.


Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.


Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.


Wɔ́ foo tãbaa yɛ Dɛnaa li kasɛn wɔ gɔn la; a giala, wɔ bɛ́ pii ka nɛ wáa ka sii mɛn zɛnaa, ka n bɛ zɛnɛɛ, a din lɛ-n kaa tɔn a gialaa zɛnɛɛ.


Ma bɛ́ sɛ́wɔ kɛ kiɛ̃, ma á waa-n la taãn-taãnɛ, máa ma bɛ́ n nyankoe ka sii mɛn nɛ, máa n tá re bɛ zɛnɛɛ ma nɛ. Ma á doɛ̃ dinin máa n tá re zɛnɛɛ, a kiɛ̃ maa taasiɛ la.


Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.


Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.


Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.


Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ