Filipi minin 1:5 - LAWA A BOO SONBORE

⁵ A giala, ka n dɔ ma lɛ Boo Tii Kɔɔ̃n kɛ a laakalaa gɔ́ɔ̃ nɛ, a saa a giala kɔ waáraa ganaa a da pelo ǹ yaa.

LAWA A BOO SONBORE 2011

⁵ A giala, ka n dɔ ma lɛ Boo Tii Kɔɔ̃n kɛ a laakalaa gɔ́ɔ̃ nɛ, a saa a giala kɔ waáraa ganaa a da pelo ǹ yaa.

Filipi minin 1:5 ပူးပေါင်းရင်းမြစ်များ

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Rɔmu minin 15:26

A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Korɛnti2 8:1

Wɔ dɔɔ̃nɔn lɛn, Lawa a bǐɛ̃baa ǹ siin nə n zɛnaa Masedoanɛn Lawa a sɔmɔn nɛ ka yɔrɔ mɛn nɛ, ma n zoɛ̃ máa ka bɛ dɔ̃.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Filipi minin 1:12

Ma dɔɔ̃nɔn lɛn, sii mɛn ma yɛ, má n zoɛ̃ máa ka dɔ̃, bɛ lɛ na á toa Boo Tii Kɔɔ̃n kɛa laakalaa woo nyɛɛnɛ.

Filipi minin 1:16

Bɛn man zɛnɛɛ, ka kɔn-narɛɛ nɛ, a giala, ǹ tá doɛ̃, mà man kànaa maa yɔ-bɔ kɛa lɛa Boo Tii Kɔɔ̃n kɛ taman yii.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Filipi minin 4:3

Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

Filemɔn 1:17

Filemɔn, bɛ̀ n tá giɛ ma ganaa sonbore, n miã dí-nyali lɛa Yezu Krita nɛ, Onezimu lɛ kũ ka n pɛ mà masɛ Pooli ni.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.