Filipi minin 1:28 - LAWA A BOO SONBORE

²⁸ Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

LAWA A BOO SONBORE 2011

²⁸ Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Filipi minin 1:28 ပူးပေါင်းရင်းမြစ်များ

Siin Giala 49:18

E Dɛnaa, ma nə n yii diɛ, máa n din ma kirisibaa!

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Marki 3:3

Yezu tɔ́n pɛ giĩ gɔn gere-a lɛ nɛ: «Yoo n da kànaa min din tumaa yɔrɔ-a.»

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Zaã a sɛ́wɔ 16:8

Bɛ̀ á daa ǹ mɛn waáraa, kanaa minin kɛn zɛ̀rɛ bɛ́ ka màn mɛn nɛ, á die bɛ nyɛɛ ǹ nɛ. Á die ǹ sã nyɛɛ ǹ nɛ sii baraa wɔ gɔn la, ka Lawa a peperebaa laanka a kiri-kurii ni.

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Ebrəə 13:6

Bɛ lɛ taman yii, wɔ á boe la wɔ pɛ ka foo tãbaa nɛ: «Dɛnaa n maa dɔmalɛ wole lɛa, ma a re nyɛ́ɛ biɛ màn kɔ́n nɛ wa. Minbuiin nɛ n boe la a wàa zɛnaa ma nɛ?»

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.