Filipi minin 1:20 - LAWA A BOO SONBORE

²⁰ Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

LAWA A BOO SONBORE 2011

²⁰ Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Filipi minin 1:20 ပူးပေါင်းရင်းမြစ်များ

Loen 119:116

N dɔ ma lɛ, ka n bɛ́ ń nə n lɛ kɔ ma la lɔn, ta ma yii á goɛ̃ koo. N nyan toa maa yii da n la kɛ sìi baa wa.

Loen 119:80

N dɔ ma lɛ, ma kɔ n foo sii boon kɛn lɛ, ka ma foo tumaa nɛ, màn mɛn bɛ́ toɛ, sìi baran ma kũ wa.

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 62:5

Ka nə n doɛ mà yǎa ka boe a bǎã nɛ. Soɛ-bɔ n kɔɔ̃n ka ganaa. Ka n Lawa bǐɛ̃ bíi ka ka lɛ nɛ, sɛnɛ, ka n dì bíi ka gɔ́ɔ̃ nɛ. *Doa.

Suusun 10:28

Min mɛn bɛ́ sii sonbore zɛnɛɛ, á re foo kɔɔ̃nbaa yii. Sɛnɛ, min baraan baran n yiri koa màn kɔn ganaa wa.

Suusun 23:18

Ka bɛ nɛ, n biɛ̃ ǹ tá re bǐɛ̃ koe. Ń foo sii á re ziziɛ̃ wa.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 50:7

Dɛnaa Lawa n die maa gú ganaa, bɛ lɛ nɛ, ma yii puusə kɔ wa. Bɛ lɛ nɛ, má n yɔrɔ laa ka kɔlɔ bɛ́ lɔn, ma á doɛ̃ máa sìi á ma kuĩ wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Zaã a sɛ́wɔ 21:19

(Piɛrɛ bɛ́ re gɛ̀ mɛn tɔrɔ we a Lawa guguru kɔ nɛ, Yezu na á bɛa boo lɛ da á bɛ lɛ nyaa nɛ.) Bɛ lɛ a diɛ kio, Yezu wusoo á pɛ nɛ: «Kɔ masɛ kio lɛ.»

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Korɛnti1 15:31

Ma dɔɔ̃nɔn lɛn, baraanɛ, gɛ̀ n ma lɛnpɛnɛ. Man bɛ pii ka-n sonbore maa din kalaa lɛa, kaa tá kun ka wɔa Dɛnaa Yezu Krita-n kɛ taman yii.

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Korɛnti1 7:34

A n talɛɛ-n kɔn taasiɛ màn paa bii ni. A din yii goon ne, lɔ hinlaa nɛniɛ mɛn bɛ́ a tɔn wɔ giĩ li wa, bɛ nə n taasɛ Dɛnaa a siin dininsɔɔ̃nɔn ganaa, a giala, a n giɛ li, mà asɛ gɔ̀nɔn laanka asɛ a taasiɛ goã Dɛnaa wɔ lɛa. Sɛnɛ, ǹ mɛn wɔ giĩ li, bɛ nə n taasɛ kanaa foo siin dininsɔɔ̃nɔn ganaa, a n giɛ li, mà asɛ nə ǹ zuũ foo kɔɔ̃n kɔ.

Korɛnti2 10:8

Dɛnaa din pàã mɛn kɔ ma la, ta má n din laakalaa ka bɛ-n boɛɛnɛ, bɛa sìi diɛ ma ganaa wa. Bɛa pàã lɛ n kaa sii a wo nyɛɛnɛ ǹ giala lɛa, a bie ka ziziɛ̃ wa.

Korɛnti2 3:12

Bɛa foo-doa kɛ lɛ miã bɛ́ ma lon, bɛ lɛ n ke ma á waa-n ma din la.

Korɛnti2 4:10

Man gɛ̀-wɔle lɛa baraabaraa Yezu a lɛa, ń giɛ Yezu a yiikoonaabaa kɛ dɔ tá n din nyɛɛ ma gɔ̀nɔn nɛ.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Korɛnti2 7:14

Má n din laakalaa Tiiti yɔrɔ-a kaa lɛa, sɛnɛ, ka sìi da ma ganaa wa. A giala, ma goã sonbore pii ka-n baraa-n lɔn, a din yii goon ne, ma din laakalaa ǹ boo mɛn da Tiiti yɔrɔ-a, bɛ dɔ́ yɛ pepere.

Korɛnti2 7:4

Ma foo á doa-n ka ganaa parsiini, ma nə n nyɛnyɛɛ ka a lɛa dɔn parsiini. Maa fuun tumaa gɔ́ɔ̃ nɛ, man piɛ̃-n ka foo tãbaa nɛ, maa foo kɔɔ̃n kɔ kiɛ̃ a bǎã la.

Filipi minin 1:14

Wɔ dɔɔ̃nɔn mɛnɛn nə goã ma yii kòso-n, ǹ gigiã foo tãbaa yɛ Dɛnaa pàã ganaa, bɛ́ toa ǹ yii wɔ n nə́ n gù we yii Lawa a boo laakalaa li, nyɛ́ɛ ná a ba ǹ ganaa wa.

Filipi minin 2:17

Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Piɛrɛ1 4:16

Sɛnɛ, bɛ̀ Krita a minbaa a lɛa nɛ min tá fuu yii, a baran sìi da ǹ dɛnaa ganaa wa, ǹ dɛnaa Lawa tɔ bɔ bɛa Krita a minbaa ǹ tɔ kɛ lɛ a lɛa.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.