Ɛsidrasi 9:7 - LAWA A BOO SONBORE

⁷ A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

LAWA A BOO SONBORE 2011

⁷ A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Ɛsidrasi 9:7 ပူးပေါင်းရင်းမြစ်များ

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

KZS2 29:6

Wɔ digolon nə́ goã bɔlɔgoondɛnan lɛa Dɛnaa Lawa wɔa Lawa yii li wa. Ǹ sii mɛn zɛnaa á baraa á la yii ni. Ǹ nə́ n la bɔ a ganaa. Dɛnaa Lawa bɛ́ giã-n bǎã mɛn nɛ, ǹ nə́ n yɔrɔ bɔyaa ǹ nə́ bɔ la, ǹ nə́ n dɔ̀ɔ̃ dia la.

KZS2 30:7

Ka nyan kɔ ka din laanka ka dɔɔ̃nɔn lɛn zɛnaa ǹ siin lɛ wa. Ǹ bɔlɔgoondɛnan baa Dɛnaa Lawa, ǹ digolon Lawa-n wa, á bɔ̀n da ǹ ganaa ka ka yii bɛ́ a ganaa lɔn.

KZS2 34:24

mà Dɛnaa Lawa a da ǹ boo á ke: «Á ke, man die koe boe Zeruzalɛmu ganaa ka a minin ni. Lɛn baraa bíi mɛn tumaa bɛ́ kiɛ̃ nɛ sɛ́wɔ kɛ nɛ, á pɛ Zudaan kii yii ni, man die toɛ a tumaa yɔrɔ yɛ.

Ɛsidrasi 9:13

Sii mɛn yii wɔ yɛ, wɔa nya ǹ dí baraan lɛn laanka wɔa zɛ̀rɛ gole lɛ taman yii ni. A laanka bɛ yii ni, wɔa Lawa, n dɔlɔ bɔ wɔ ganaa á dɔ wɔa sii baraan lɛn dɔlɔ bɔ ǹ bǎã-n wa. N toa wɔa zaman lɛ a gialakun kɛ yii goã koo.

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Zeremii 25:18

A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 32:32

Izirayeli minin laanka Zudaa minin nə́ sii baraa gigiã zɛnaa, ǹ nə́ ma foo yoo ne: Ǹ kiin ni, ǹ kiãn nɛ, ǹ Lawa a wúlu-bɔlen ne, ǹ Lawa a boo gii-dalin ni, Zeruzalɛmu minin ni ka Zudaa minin ni.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 44:9

Ka yiri na á bɔ sii baraan kɛn nɛ ka ǹ zɛnaa Zudaa gána nɛ ka Zeruzalɛmu a ziin la ǹ nɛ? Kaa díin zɛnaa ǹ sii bɔbɔnɛɛn kɛn manɛ, Zudaa kiin wɔn nɛ, ǹ lɔn wɔn nɛ, ka dinin wɔn nɛ ka kaa lɔn wɔn nɛ.

Busii pɛ 5:7

Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Ezekieli 11:9

Má á re ka lui ma ka bɔ kiwi lɛ nɛ, ma ka kɔ tɔrɔ kɔsɔn la, ma maa dɔlɔ kɛ bɔ ka ganaa.

Ezekieli 39:23

«Tɔrɔ kɔsɔn tá re doɛ̃, mà Izirayeli tɔrɔn lɛn sii baraa na á toa, ǹ nə́ woo bɛ̀rɛbaa ǹ bǎã nɛ, a giala, ǹ nə́ ma bɔlɔ tii. Bɛ lɛ na á toa má n yɔrɔ bɔyaa má bɔ ǹ la, má ǹ wɔ ǹ zɔ́ɔn gɔn, ǹ nə́ ǹ tumaa dɛ zia la.

Minin nimi 32:14

Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

Samayeli1 12:15

Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.