Ɛsidrasi 9:13 - LAWA A BOO SONBORE

¹³ Sii mɛn yii wɔ yɛ, wɔa nya ǹ dí baraan lɛn laanka wɔa zɛ̀rɛ gole lɛ taman yii ni. A laanka bɛ yii ni, wɔa Lawa, n dɔlɔ bɔ wɔ ganaa á dɔ wɔa sii baraan lɛn dɔlɔ bɔ ǹ bǎã-n wa. N toa wɔa zaman lɛ a gialakun kɛ yii goã koo.

LAWA A BOO SONBORE 2011

¹³ Sii mɛn yii wɔ yɛ, wɔa nya ǹ dí baraan lɛn laanka wɔa zɛ̀rɛ gole lɛ taman yii ni. A laanka bɛ yii ni, wɔa Lawa, n dɔlɔ bɔ wɔ ganaa á dɔ wɔa sii baraan lɛn dɔlɔ bɔ ǹ bǎã-n wa. N toa wɔa zaman lɛ a gialakun kɛ yii goã koo.

Ɛsidrasi 9:13 ပူးပေါင်းရင်းမြစ်များ

Nehemii 13:18

Tá a ka digolon lɛn dɔn man nə́ goã ǹ nə́ zɛnaa kɛnɛn, wɔa Lawa lɛ tɔ́n koe kɛ tumaa dia wɔ laanka kiwi kɛ la. Sɛnɛ, kasɛn, bɛ̀ ka tá susu ǹ pii lɛ ziziɛ̃, ka n Lawa a foo-yoo lɛn baraa koe Izirayeli wɔ paǹ li.»

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Zɔbu 11:6

Toa bɛ̀ a na a sii-doɛ̃ a zii duriin kɛn nyɛɛ n nɛ. A giala, bɛn giala miɛ á kaka wɔ ganaa. Bɛ̀ ń bɛn woo ǹ bǎã dɔ̃, n tá re doɛ̃ kəni, mà Lawa nə n tɛn toɛ n nɛ.

Loen 103:10

A ba wɔ kuĩ wɔa sii baraan li wa, a ba gɛ̀ dòo boe wɔ ganaa, a kɔnpɛ ka wɔa sãn nɛ wa.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Galaasi minin 3:4

Kaa sii gigiã yɛ kɛ lɛ tumaa na á goã kooro? A boe la á kooro biɛ doɛ̃ wa!