Ɛsidrasi 9:12 - LAWA A BOO SONBORE

¹² Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

LAWA A BOO SONBORE 2011

¹² Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Ɛsidrasi 9:12 ပူးပေါင်းရင်းမြစ်များ

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

Ɛsidrasi 9:2

A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Bɔ bɛ̀rɛbaa nɛ 23:32

ka baran lɛ kɔ kɔn la wɔ ka ǹ dinin ni wa, ka nyan wɔ ka ǹ dìn ni wa.

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Suusun 20:7

Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Timəə dí-pɛn 23:6

Sɛnɛ, kaa Lawa, Dɛnaa Lawa nə n too kɔ Balaamu lon wa, á ná a lɛn baraa bii lɛ din bɔyaa á baa lɛn bǐɛ̃ bii lɛa, a giala a tá ka narɛ.

Timəə dí-pɛn 23:7

A ka toa kanaa kɛ nɛ, ka nyan toa ka ga bɛa tɔrɔ màn paa kɛ lɛ a là nyantoro laanka a yii-nyɛɛ yɛ li duuduu wa.

Timəə dí-pɛn 7:3

Ka nyan toa kɔn-wɔ ka kaa kun wa: ka nyan kaa nɛlɔn kɔ ǹ nɛgiĩn la wa, ka baran ǹ dɔn nɛlɔn goa, ka ǹ kɔ kaa nɛgiĩn la wa.