Ɛsidrasi 9:1 - LAWA A BOO SONBORE

¹ Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

LAWA A BOO SONBORE 2011

¹ Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Ɛsidrasi 9:1 ပူးပေါင်းရင်းမြစ်များ

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Kiin1 11:1

Salomɔn lɔ gigiã narɛ. Eziptin kii a nɛlɔ kɛ dinsɔɔ̃ bie á goã á saa wa. Á Moabu tɔrɔn dɔn goa, Amɔn tɔrɔn nɛ, Edɔmu tɔrɔn nɛ, ka Sidɔn tɔrɔn laanka Ɛti tɔrɔn nɛ.

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

KZS2 8:7

Amɔɔrɔ tɔrɔn nɛ, Ɛti tɔrɔn nɛ, Perɛzi minin ni, tɔrɔn kɛn ǹ nə́ bíi Evitin, Zebuzu minin ni, ǹsɛn mɛnɛn nə́ ke ǹ ba Izirayeli tɔrɔn lɛa wa, ǹ tɛnɛn yii goã koo gána lɛ nɛ.

Ɛsidrasi 10:2

Yeyieli a nɛgiĩ Sekania ke, Elamu tɔrɔ goon lɛa, bɛ́ tɔ́n pɛ Ɛsidrasi ni kɛnɛn: «Wɔsɛn nə n baa bɔlɔgoondɛnan lɛa, wɔa Lawa lɛ-n wa. A giala, tɔrɔ kɔsɔn mɛnɛn bɛ́ gána lɛ nɛ, wɔsɛn nə́ bɛn nɛlɔn wɔ wɔa lɔn lɛa. Sɛnɛ, bɛ wɔ paǹ li, foo-doa tá tɔn a tan Izirayeli wɔ lɛa.

Ɛsidrasi 10:8

A kɔnpɛ ka nyɛɛnaandɛnan laanka min golen boo ne, kànaa ka lɛawaa sɔɔ, min mɛn bɛ́ a re die wa, ǹ dɛnaa a mànan tumaa nə n sii la, ǹ dɛnaa dinmaa nə n na, wɔ bɔ goa wole zaman lɛ ganaa.

Nehemii 13:23

A din biikoo lɛ dɔ gɔ́ɔ̃ nɛ, má Zuifun yɛ ǹ nə́ lɔn goa, bɛa lɔn lɛn nə́ Asidɔdi minin lɛa, Amɔn tɔrɔn laanka Moabu tɔrɔn lɛa.

Nehemii 4:3

Sɛnɛ, wɔ́ wɔa Lawa lɛ nyankɔ, wɔ́ bǎã-lɛduə̃lin koa bɛn nə́ bǎã lɛduĩ penleen laanka tèlò ne, màn mɛn bɛ́ toɛ, ǹ kiwi lɛ tamaa a zia damaa wolen lɛn ganaa.

Nehemii 4:7

Bɛ lɛ nɛ, má tɔ́n zaman lɛ doa kungɔn lɛ kio fulu-a tanlɛ yii li. Má ǹ doa bii-a ka ǹ gɔyan nɛ, ǹ sɛmiɛ̃n nɛ, ka ǹ san nɛ.

Nehemii 9:2

Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Loen 106:35

Ǹ nə́ woo ǹ sii kaa kun ka tɔrɔ kɔsɔn nɛ, ǹ nə́ n daraa ǹ landa siin ganaa.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 23:23

Maa lon a dia dí-a wole lɛ n die ka nyɛɛnaan boe, a wɔ ka-n gána kɛ nɛ, Amɔɔrɔ minin laanka Ɛti minin wɔ lɛa, ka Perɛzi minin ni, Kanaan minin ni, Ivii minin ni ka Zebuzu minin ni. Ma á re bɛa tɔrɔn kɛn lɛn dii, ma ǹ bɔ ka nyɛɛnɛ.

Bɔ bɛ̀rɛbaa nɛ 33:16

Man die doɛ̃ wàa dɔ li dɔn, mà wɔ tá kɔɔ̃nɛ n ganaa, ma din laanka maa zaman kɛ nɛ? Bɛ̀ n din tá tɔ we wɔ nyɛɛnɛ, wɔ bie re doɛ̃ bɛ lɛ li wa? Hiĩ! N nə n die nyɛɛ wɔ-n dɔn, mà wɔ ba goon ka tɔrɔ gialakun kɛ kɔ́n nɛ kanaa kɛ gɔ́ɔ̃-n wa, ma din laanka maa zaman kɛ nɛ.»

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Zeremii 26:10

Zudaa gána nyɛɛnaandɛnan bɛ́ ǹ nə́ bɛa boon lɛn ma, ǹ nə́ n toa kii kion ǹ nə́ woo Lawa a kion. Ǹ nə́ tɔn nə n sɔkɔn Lawa a kion a wɔ ǹ kiɛnlɛ dii kɛ lɛ-a.

Zeremii 26:16

Gána nyɛɛnaandɛnan lɛn laanka zaman lɛ tumaa tɔn kɛ pɛ Lawa a wúlu-bɔlen lɛn manɛ ka Lawa a boo gii-dalin lɛn nɛ: «Giĩ kɛ doamaa bie ka gɛ̀-n wa. Sonbore, a na á boo da wɔ nɛ ka Dɛnaa Lawa, wɔa Lawa tɔ nɛ.»

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Malakii 2:11

Taãnɛ, Zudaa minin nə bɔlɔgoondɛnaabaa zɛnaa lɛ kɔ wɔ paǹ li wa, ǹ nə́ sii bɔbɔnɛɛn zɛnaa Zeruzalɛmu ka Izirayeli gɔɔ̃ din tumaa nɛ, ǹ nə́ Lawa a bǎã sonbore lɛ puusə kɔ, ǹ nə́ lɔn wɔ, ǹ mɛnɛn bɛ́ dìn guguru koe.

Minin nimi 23:9

Bɛ̀ má n toa gɛ̀fun mìi ni, má ga zaman kɛ ganaa, bɛ̀ má n toa kelen mìi ni, má n yii doa la, a n zaman lɛa, zaman mɛn nə́ ke giã nɛ a mìi ni, á n doɛ̃ mà asɛ a goon ka tɔrɔ kɔsɔn kɛn nɛ wa.

Minin nimi 25:6

Bɛa biikoo kɛ lɛ nɛ, bɛ̀ Izirayeli minin lɛn goon nə́ ke á daa n dɔ ǹ dɔɔ̃nɔn lɛn bii, Madiã gána lɔ goon nə́ kun ni. A Muizu laanka Izirayeli zaman lɛ tumaa toa wuu pii kɔn yɛ ka Lawa nɛ ǹ kion kɛa kiɛnlɛ-a, ǹ yii bɛa min paa lɛ yɛ.

Timəə dí-pɛn 18:9

Kaa Lawa, Dɛnaa Lawa bɛ́ gána mɛn lɛ koe ka la, bɛ̀ ká dɔ walan ǹ mɛn waáraa, tɔrɔ kɔsɔn mɛnɛn bɛ́ a nɛ, ka nyan toa ka n saa bɛn giã ǹ gɔn bɔbɔnɛɛ kɛ li wa.

Timəə dí-pɛn 23:8

Ka nyan toa Edɔmu minin kɛn tìĩ bɔ ka nyin ni wa, a giala, ka dɔɔ̃nɔn manɛ. Ka nyan toa Ezipti minin kɛn tìĩ bɔ ka nyin ni wa, a giala, ka n ká goã gùlin lɛa ǹ gána nɛ.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,