Ɛsidrasi 7:28 - LAWA A BOO SONBORE

²⁸ A din kɛ lɛ dɔ na á bǐɛ̃ kɔ ma ganaa kii yɔrɔ-a, ka kii a yiri kɔmala wolen laanka a kiodɛnaa dadaran nɛ. Maa Lawa, Dɛnaa Lawa mɛn goã kun ka ma nɛ, bɛ bɛ́ á foo tãbaa kɔ ma la, má Izirayeli a nyɛɛnaandɛnan sɔkɔn màn mɛn bɛ́ toɛ, ǹ wo kun ma nɛ.

LAWA A BOO SONBORE 2011

²⁸ A din kɛ lɛ dɔ na á bǐɛ̃ kɔ ma ganaa kii yɔrɔ-a, ka kii a yiri kɔmala wolen laanka a kiodɛnaa dadaran nɛ. Maa Lawa, Dɛnaa Lawa mɛn goã kun ka ma nɛ, bɛ bɛ́ á foo tãbaa kɔ ma la, má Izirayeli a nyɛɛnaandɛnan sɔkɔn màn mɛn bɛ́ toɛ, ǹ wo kun ma nɛ.

Ɛsidrasi 7:28 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

Ɛsidrasi 5:5

Sɛnɛ Lawa goã giɛ Zuifun min golen lɛn walan. Pɛrsi gána minin lɛn nə ǹ kurəə dí lɛ a nyɛɛ ganaa wa, yǎa sii lɛ a boo woo dɔ Dariusu li, a binyəə dɔ wusoo á n bɔyaa á daa.

Ɛsidrasi 7:14

Sonbore, kii lɛ laanka a yiri kɔmala wole min sɔbaa kɛ nə n diɛ, mà n wo nɔ̀n dada ka Zudaa gána laanka Zeruzalɛmu kiwi a siin ni, bɛ̀ ǹ tá koe Dɛnaa Lawa a dí-pɛn kɛn lɛ n gɔn.

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Ɛsidrasi 7:9

Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

Ɛsidrasi 8:1

Kii Artagizɛrɛsɛɛsi a pàã biikoo li, kɛdɛnan mɛnɛn nə goã ǹ nə́ soo kun ma nɛ *Baabilonii gána nɛ, bɛn nə́ ke ka ǹ tɔrɔ basan nɛ.

Ɛsidrasi 8:15

Tà ke, a mu n baa sii n yɔrɔ diɛ Aawaa kiwi li, man má minin lɛn sɔkɔn bɛ genli, wɔ́ golee walan wɔ lɛawaa sɔɔ. Má ga zaman lɛ laanka Lawa a wúlu-bɔlen lɛn ganaa doɛ̃, sɛnɛ ma Levii tɔrɔ kɔn yɛ bǎã lɛ-n wa.

Ɛsidrasi 8:18

Wɔa Lawa lɛ bɛ́ kun wɔ nɛ, bɛ lɛ na á toa ǹ nə́ tɔ́n giĩ sii-dɔ̃li goon dia wɔ la. Mayili tɔrɔ goon nə ka bɛa giĩ lɛ nɛ, Levii tɔrɔ nɛ, Izirayeli min ni, a tɔ n Serebia. A nɛgiĩn laanka ǹ dɔɔ̃nɔn man min fulukiwisi ǹ nə́ daa kun ni.

Ɛsidrasi 9:9

A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Loen 109:12

Min kɔn din baran bǐɛ̃ zɛnaa-n wa, min kɔn dɔ baran makara bɔ a nɛ toenən kɛn-a, á ǹ toɛ a kio wa.

Zonaasi 3:7

A kɔnpɛ kii lɛ laanka a kiodɛnan dí-pɛ nɛ, ǹ nə́ lɛ dia Ninivu kiwi gɔ́ɔ̃ nɛ ǹ nə́ pɛ: Minbuiinin laanka tɔɔn nɛ, ǹ nyan màn kɔn wɔ ǹ lɛ-n wa, ǹ nyan mu mi wa.