Ɛsidrasi 6:14 - LAWA A BOO SONBORE

¹⁴ Zuifun min golen lɛn nə́ boo la ǹ nə́ woo nyɛɛnɛ ka kion lɛ a doe ne, ka Lawa goã á ná a boo gii-dali Azee laanka Idoo a nɛgiĩ Zakarii da a pɛ ganaa lɔn. Ǹ nə́ kion lɛ a dɔ gɔn nyɔmɔɔ á kɔnpɛ Izirayeli a Lawa a gɔn-waa nɛ, ka Pɛrsi gána a kiin kɛn dɔn gɔn-waa nɛ, Siirusu ni, Dariusu ni ka Artagizɛrɛsɛɛsi ni.

LAWA A BOO SONBORE 2011

¹⁴ Zuifun min golen lɛn nə́ boo la ǹ nə́ woo nyɛɛnɛ ka kion lɛ a doe ne, ka Lawa goã á ná a boo gii-dali Azee laanka Idoo a nɛgiĩ Zakarii da a pɛ ganaa lɔn. Ǹ nə́ kion lɛ a dɔ gɔn nyɔmɔɔ á kɔnpɛ Izirayeli a Lawa a gɔn-waa nɛ, ka Pɛrsi gána a kiin kɛn dɔn gɔn-waa nɛ, Siirusu ni, Dariusu ni ka Artagizɛrɛsɛɛsi ni.

Ɛsidrasi 6:14 ပူးပေါင်းရင်းမြစ်များ

Ɛsidrasi 3:8

Bɛ kio, ǹ dɔ lɛ̀ paa a mui a paabaa ǹ wɔ Lawa a kion lɛ li Zeruzalɛmu, Salatieli a nɛgiĩ Zorobabeli ni, ka Zozadaaki a nɛgiĩ Zozoe ne, kun ka ǹ dinin miã Lawa a wúlu-bɔle gialakunun ni, *Levii tɔrɔn nɛ, ka min mɛnɛn nə bɔ bɛ̀rɛbaa ǹ bǎã nɛ ǹ nə́ daa Zeruzalɛmu, ǹ nə́ dí lɛ giala kɔ. Levii tɔrɔn min mɛnɛn nə dɔ lɛ̀ fuə, ka lɛ̀ fuə ka kio ne, ǹ nə́ bɛn kaa Dɛnaa Lawa a kion dí lɛ a ga ma walan ganaa.

Ɛsidrasi 4:24

Bɛ na á n baa Lawa a kion lɛ a dí a golee lɛa Zeruzalɛmu. Bɛa dí a golee lɛ belebɔ, yǎa á woo dɔ Pɛrsi gána a kii Dariusu a kiibaa lɛ̀ paabaa ǹ wɔ ganaa.

Ɛsidrasi 4:3

Sɛnɛ, Zorobabeli ni, Zozoe ne, ka Izirayeli a kɛdɛnan lɛn gialakunun ni, bɛn nə́ pɛ ǹ nɛ kɛnɛn: «A kɔnbɔ, ka laanka wɔsɛn nə kion dɔ kun wɔa Lawa wɔ lɛa wa. Wɔ dininsɔɔ̃nɔn doamaa nɛ wɔ kion dɔ Izirayeli a Lawa, Dɛnaa Lawa lɛ wɔ lɛa, ka Pɛrsi gána a kii Siirusu pɛ wɔsɛn man lɔn.»

Ɛsidrasi 5:1

Ǹ kɔn pinaa, Lawa a boo gii-dali Azee ne, ka Lawa a boo gii-dali Zakari kɛ nɛ Idoo a nɛ lɛa, bɛn nə́ Lawa a boo gii da Zuifun kɛn manɛ nə́ goã Zeruzalɛmu laanka Zudaa kiwi. Izirayeli a Lawa mɛn goã kunun ǹ ni, maǹ nə́ boo lɛ da ka bɛ tɔ nɛ.

Ɛsidrasi 5:13

Sɛnɛ, Baabilonii gána a kii Siirusu a kiibaa lɛ̀ bibinaa li, kii Siirusu lɛ pɛ, mà wɔ wusoo wɔ Lawa a kion lɛ dɔ.

Ɛsidrasi 5:2

Salatieli a nɛgiĩ Zorobabeli laanka Zozadaaki a nɛgiĩ Zozoe tɔ́n yoo ǹ nə́ kaa Lawa a kion lɛ a dɔ la Zeruzalɛmu. Lawa a boo gii-dalin nə́ goã kunun ǹ ni, n doe ǹ lɛ.

Ɛsidrasi 6:3

«Kii Siirusu a kiibaa lɛ̀ bibinaa li, á goã á boo da Lawa a kion kɛ wɔ gɔn la Zeruzalɛmu: kion lɛ n die wusii a n dɔ, a n baa bǎã lɛa, bǎã mɛn nə́ ke, ǹ nə́ Lawa a wúlu boe a nɛ. Ǹ die ǹ kion lɛ giala wɔ tán kaka. A wo lon die a goã mɛtərə pɔsɔɔ, a gùrù kunun dɔ goã mɛtərə pɔsɔɔ.

Ɛsidrasi 6:8

Ka bɛ́ re sii mɛn zɛnɛɛ bɛa Zuifun min golen lɛn manɛ, Lawa a kion lɛ a dɔ gɔ́ɔ̃ nɛ, bɛ wɔ paǹ li, maa boo á ke: min mɛnɛn bɛ́ Efrati tà a lɛ̀nyɛɛn gɔn la, bɛn bɛ́ nyin giɔ̀mɔ mɛn sarɛɛ, á n doe kii ganaa, bɛa kii gɔn màn kɛ lɛ nɛ, ǹ tá re boe ǹ bɛa minin kɛn lɛn guĩ saa nɛ doɛ̃ sɔnbɔraanɛ, ǹ nə́ ǹ ba a bɔ lɛ diɛ wa.

Ɛsidrasi 7:1

Bɛa siin kɛn lɛn kiɛ̃ kio, Pɛrsi gána a kii Artagizɛrɛsɛɛsi a kiibaa biikoo li, giĩ goon ne, a tɔ n Ɛsidrasi. Seraya a nɛ n ka Ɛsidrasi lɛ nɛ, Azaria wɔ n ka Seraya nɛ, Ilkiya wɔ n ka Azaria nɛ.

Ɛsidrasi 9:9

A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.

Nehemii 6:15

Kungɔn lɛ a doe na á nya lɛawaa posoorowenpaa gɔ́ɔ̃ nɛ, *Eluulu mui a lɛawaa fuəwensoorobaa ǹ wɔ pinaa.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Azee 1:1

Dariyusu a koa kii lɛa lɛ̀ paabaa ǹ wɔ a mui sɔrɔbaa ǹ wɔ a lɛawaa bibinaa, Lawa a boo gii-dali Azee Dɛnaa Lawa a boo kɛ da Salatieli a nɛgiĩ Zudaan gánadɛnaa Zorobabeli ni ka Lawa a wúlu bɔlen goleedɛnaa Zozoe, Zozadaaki a nɛgiĩ ni, á pɛ:

Azee 1:8

Ka wo kele la ka da ká gɔn nɛ, ka maa kion dɔ nɛ. Ma foo á re kɔɔ̃n koe, ma á re tɔ goleebaa yii, Dɛnaa Lawa na á pɛ miɛ̃.

Zakarii 1:1

Pɛrsin kii Dariyusu a kiibaa lɛ̀ paabaa ǹ wɔ a mui kiwisibaa ǹ wɔ li, Dɛnaa Lawa boo da ka Idoo a nɔ̀ɔn, Lawa a boo gii-dali, Berekia a nɛgiĩ Zakarii ni.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Zakarii 8:9

Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.