Ɛsidrasi 3:10 - LAWA A BOO SONBORE

¹⁰ Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

LAWA A BOO SONBORE 2011

¹⁰ Kion-dɔlen lɛn bɛ́ Dɛnaa Lawa a kion lɛ goã daɛ, ǹ nə́ Lawa a wúlu-bɔlen kaa bii-a, wúlu bɔ ǹ mɔnaan nə́ ǹ ganaa, bɛnɛn nə́ ǹ gɔn. Levii tɔrɔn kɛn Azaafu tɔrɔn lɛa, ǹ nə́ bɛn dɔn kaa bii-a, fɔlɔ màn wuu bɔlen nə́ ǹ gɔn ǹ nə́ diɛ loen li, ń giɛ ǹ tá Dɛnaa Lawa guguru koe a kɔnpɛ ka Izirayeli gána a kii Davida a gɔn-waan nɛ.

Ɛsidrasi 3:10 ပူးပေါင်းရင်းမြစ်များ

KZS1 15:24

Lawa a wúlu-bɔlen Sebaniya, Zozafa, Netaneyeli, Amasayi, Zakarii, Benaya ka Eliezɛɛrɛ, bɛn man bɛn pii Lawa a goo lɛ yɔrɔ-a. Obɛdi-Edɔmu ka Yehiya man nə́ goã kiɛnlɛn lɛduəlin lɛa goo lɛ li.

KZS1 15:27

Davida tuntun mɔnaa gole wɔ kɔnlɛ ka Levii tɔrɔn mɛnɛn bɛ́ goo lɛ guĩ, loe-lɔlin ni ka Kenaniya guĩ-gũlin goledɛnaa kɛ dɔ nɛ. Davida Lawa a wúlu-bɔlen mɔnaa yii nɔnɔɔ wɔ doo.

KZS1 16:37

Bɛ kio Davida pɛ Asaafu ni ka Levii tɔrɔ gialakunun kɛn nɛ maa ǹ giã kunu Dɛnaa Lawa a lɛ kɔ kɔn la ǹ goo lɛ li. Walan, ǹ doamaa nɛ ǹ nə dí nya, lɛ kurəə ná a ba la wa, ka ǹ bɛ koɛ kɔn la lɛawaa yii li lɔn.

KZS1 16:42

Eman laankaa Yedutunu n bɛnɛn pii ǹ nə́ gɔn pere dɛ ǹ mànan dii, ka sàn kɔ ǹ màn tɔrɔ kɔsɔn nɛ, ǹ nə́ diɛ Lawa a loen kɛn li. Yedutunu a nɛnyaanan man nə goã kiɛnlɛ lɛduĩ.

KZS1 23:5

duu sii (4 000) kiɛnlɛ-lɛduə̃lin lɛa, á duu sii bɔ mà bɛn nə Dɛnaa Lawa tɔ bɔ ǹ loe lɔ ka sàn kɔ ǹ mànan nɛ, a ǹ mɛnɛn zɛnaa bɛ lɛ taman yii.

KZS2 35:14

Bɛ kio, Levii tɔrɔn lɛn nə tɔn Lawa a wúlu bɔlen wɔ kɔrɛ kɔnlɛ ka ǹ dininmaan wɔ nɛ. Taãn nɛ, Lawa a wúlu-bɔlen mɛnɛn bɛ́ Aarɔn a kion minin lɛa, bɛn man wúlu màn lɛ piɛ̃ koe ka siĩ nyɔɔnaa nɛ, a wo wasa a mɛ yaa. Bɛ lɛ nɛ, Levii tɔrɔn lɛn nə́ màn-bii zɛnaa ǹ dininmaan wɔ lɛa ka Lawa a wúlu-bɔlen kɛn nɛ Aarɔn a kion minin lɛa.

KZS2 35:15

LOE-lɔlin kɛn Asaafu a kion minin lɛa, bɛn man giã nɛ ǹ bǎã nɛ, ka Davida laanka Asaafu laanka Eman ka Yedutunu bɛ́ ǹ nə́ pɛ lɔn. Yedutunu n kii a sii-yɛle lɛa. Kiɛnlɛ-lɛduə̃lin dɔn man giã nɛ ǹ bǎã nɛ. Ǹ ba n boe ǹ dí nya ǹ bǎã-n wa a giala, Levii tɔrɔ kɔsɔn tá màn-bii zɛnɛɛ ǹ wɔ lɛa.

KZS2 5:12

Levii tɔrɔn kɛn sàn-kɔlen lɛa, Azaafu ni, Eman nɛ, Yedutunu ni ka ǹ nɛnyaanan nɛ, ka ǹ tanlɛ min gialakunun ni, bɛn man nə́ mɔnaa guguru sonbore wɔ. Ǹ nə́ gole wúlu bɔ ǹ bǎã lɛ a lɛ̀giala gɔn la, ka dindin ni tùtùn ni ka kɔnkoɛɛ̃nɛn nɛ. Ǹ genli, wúlu-bɔle paabiɛ ka fuə (120) n bii-a bɛn pii.

Ɛsidrasi 2:41

LOE-lɔlin kɛn Azaafu a tanlɛ minin lɛa: min paabiɛ ka fuəwenkiwisi (128).

Ɛsidrasi 5:16

Sesibasara lɛ tɔ́n daa Lawa a kion lɛ gòã daa Zeruzalɛmu. A kũ bɛa biikoo lɛ ganaa, a da sisia yaa, wɔsɛn man kion lɛ doe. Sɛnɛ, a tɔn nya wa.»

Loen 150:5

Ka a tɔ bɔ ka zan màn wuu kɔɔ̃nɔn nɛ, ka a tɔ bɔ ka gɔn pere dɛ ǹ zan màn wuu kɔɔ̃nɔn nɛ!

Azee 2:15

Dɛnaa Lawa pɛ doo: «Sisia kəni, sii mɛn bɛ́ re n zɛnɛɛ a saa pelo ganaa, ka n yiri koa bɛ li taãnɛ ká laan bɛ̀ ka n kɔlɔ diɛ n miã kɔrɔn Dɛnaa Lawa a kion kɛ wɔ lɛa,

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Zakarii 4:7

Á pɛ doo: «Kele kaaraa kɛ n die n sàabiɛ a ganaa? Zorobabeli, n tá re bɔyɛɛ n baa nyankɔrɔ basa lɛa. N tá re Lawa a kion a gòã daa ǹ kɔlɔ boe a nɛ. Minin tá re n lɛ dii, ǹ pɛ mà á siĩni, mà á siĩni.»

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Samayeli1 22:18

Kii lɛ tɔ́n pɛ Dowɛgi ni mà a n bɔyaa a ǹ dɛ! Dowɛgi lɛ, Edɔmu min lɛa, á n bɔyaa, a dinmaa Lawa a wúlu-bɔlen lɛn dɛ. Bɛa pinaa kɛ lɛ nɛ, Lawa a wúlu-bɔlen lɛn Lawa a dí nya ǹ mɔnaa we ǹ ganaa, a na á bɛn min pɔkiwisiwensooro (85) dɛ.