Ɛsidrasi 10:11 - LAWA A BOO SONBORE

¹¹ Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

LAWA A BOO SONBORE 2011

¹¹ Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Ɛsidrasi 10:11 ပူးပေါင်းရင်းမြစ်များ

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

Ɛsidrasi 10:10

Lawa a wúlu-bɔle Ɛsidrasi lɛ yoo á pɛ ǹ nɛ: «Ka goã bɔlɔgoondɛnan lɛa wa. Tɔrɔ kɔsɔn wɔ lɔ lɛa kɛ na á wusoo á màn da Izirayeli minin zɛ̀rɛ li.

Ɛsidrasi 10:12

Zaman lɛ tumaa ná a lɛ si ka lɛn gole ne kɛnɛn: «Taãn nɛ. A n wɔsɛn bɔlɔ-a, wɔ sii lɛ zɛnaa a kɔnpɛ ka n boo lɛ nɛ.

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Nehemii 13:3

Izirayeli minin lɛn bɛ́ ǹ nə́ bɛa dí-pɛ boo kɛ lɛ ma, min woo min, ǹ dɛnaa n tɔrɔ kɔsɔ min lɛa, ǹ nə́ bɛa dɛnaa na ǹ nə́ bɔ Izirayeli ganaa.

Nehemii 9:2

Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 7:3

Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ka kaa giã ǹ gɔn laanka kaa zɛnaa ǹ siin bɔyaa. Ka bɛ nɛ, ma á re toɛ ka giã gána kɛ nɛ.»

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»