Ezekieli 7:3 - LAWA A BOO SONBORE

³ Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

LAWA A BOO SONBORE 2011

³ Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

Ezekieli 7:3 ပူးပေါင်းရင်းမြစ်များ

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Izayii 47:7

Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.

Zeremii 13:14

Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Ezekieli 11:21

Sɛnɛ, min mɛnɛn taasiɛ bɛ́ tɔn doa-n dì mànan laanka sii bɔbɔnɛɛn kɛn ganaa, ma á re bɛn zɛnaa ǹ siin lɛn dɔlɔ diɛ ǹ dinin mìi ni. Ma din Dɛnaa Lawa a da ǹ boo ne.»

Ezekieli 16:38

Lɔ naarɛn laanka ǹ mɛnɛn bɛ́ gɛ̀ dii, bɛn doamaa bɛ́ ka dɔlɔ mɛn nɛ, ma á re bɛ lɛ tɔrɔ diɛ n mìi ni. Ma á re mà boe n ganaa maa foo yoo kɛa pinaa, a giala ń ma sã.

Ezekieli 16:43

A giala, n nə n taasɛ n lɛlɛ ǹ kɛ-n wa. Bɛ lɛ nɛ, n sii kɛ lɛ tumaa zɛnaa n masɛ foo yoo ne. Bɛ lɛ nɛ, má n zɛnaa ǹ sii kɛ lɛ a dɔlɔ da n din mìi ni. Ma din Dɛnaa Lawa a da ǹ boo ne. Táa ma nə n bɛa sii gɔgɔrɛ kɛ lɛ zɛnaa n da n zɛnaa ǹ sii bɔbɔnɛɛn kɛn lɛn la.

Ezekieli 16:59

Masɛ Dɛnaa Lawa n kɛ pii: N sii mɛn zɛnaa, man die bɛ lɛ miã zɛnɛɛ n nɛ. A giala, n liɛ mɛn wɔ, n bɛ baa sii lɛa wa, n lɛ kɔ kɔn la lɛ ziziɛ̃.

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Ezekieli 21:25

Zia nɛn lɛn man die Zii lɛa goon siɛ ǹ wo Amɔn tɔrɔn kiwi Rabaa kɛ gialaa, ǹ kɔsɔ dɔ saa, ǹ wo Zeruzalɛmu kiwi kɛ gialaa Zudaa gána nɛ, kiwi mɛn lɛ bɛ́, ǹ nə́ kungɔn dɔ ǹ ná a lɛnpɛnɛ nɛ.

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Ezekieli 24:14

Ma din Dɛnaa Lawa má pɛ. Man die zɛnɛɛ dɔn, màn ná a ba n boe lɛ wa. Ma á re makara boe n ganaa wa, ma a re wusii ka ma kio dɔ-n wa. Ǹ tá re kiri we ka ganaa a kɔnpɛ ka kaa tɔ wɔ ǹ gɔn laanka kaa zɛnaa ǹ siin ni. Ma din Dɛnaa Lawa a da ǹ boo ne.

Ezekieli 33:20

wàa na á baa ka á pii mà Dɛnaa Lawa a zɛnaa ǹ sii na a pepere wa? Ka Izirayeli tɔrɔn lɛn, man die kiri kuri ka gogoonmaa la, a kɔnpɛ ka a zɛnaa ǹ sii ni.

Ezekieli 36:19

Bɛ lɛ n ke, má ǹ sasawaa má ǹ kaa gána kɔsɔn nɛ, má ǹ pɛsɛ̃. Bɛ lɛ n dɔlɔ lɛa ma bɔ ǹ ganaa, á kɔnpɛ ka ǹ dinin giã ǹ gɔn laanka ǹ zɛnaa ǹ siin ni.

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Ezekieli 5:13

Ma foo mɛn yoo ke, yǎa ma a nyɛɛ ǹ bǎã yii. Man die n foo nyɛɛ ka dinin lɛn la, ma maa gɛ̀ dòo bɔ ka ganaa. Ka á re doɛ̃ ka bɛ-n kəni mà ma din Dɛnaa Lawa n má boo da ka nɛ, a giala ma foo na á goã yoo-n ka li kaa lɛ-tii kɛ lɛ a lɛa.

Ezekieli 7:2

– Nsɛ minbuiin a nɛ, n too kɔ! Masɛ Dɛnaa Lawa n kɛ pii Izirayeli gána tumaa nɛ: «Á nya kəni! Kaa wɔ nya Izirayeli gána tumaa!

Ezekieli 7:27

Kii á re gɛ̀ koɛ, a kiodɛnan tá re foo ziziɛ̃ ǹ mɔnaan we, gána lɛ a minin gɔ̀nɔn tá re bìn diɛ. Man die ǹ kuĩ ǹ zɛnaa ǹ sii li, ǹ doamaa bɛ́ ka dɔlɔ mɛn nɛ, ma bɛ da ǹ mìi ni. Bɛa biikoo li kəni, ǹ tá re doɛ̃, mà ma din nə Dɛnaa Lawa lɛa.

Ezekieli 7:4

Ka makara a die ma kuĩ, ma ka toa walan wa. Ka sii mɛn zɛnaa, man die bɛ lɛ a dɔlɔ diɛ ka mìi ni. Kaa sii bɔbɔnɛɛn kɛn lɛn dɔlɔ á re kuĩ ka dinin mìi ni. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.»

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.