Ezekieli 7:2 - LAWA A BOO SONBORE

² – Nsɛ minbuiin a nɛ, n too kɔ! Masɛ Dɛnaa Lawa n kɛ pii Izirayeli gána tumaa nɛ: «Á nya kəni! Kaa wɔ nya Izirayeli gána tumaa!

LAWA A BOO SONBORE 2011

² – Nsɛ minbuiin a nɛ, n too kɔ! Masɛ Dɛnaa Lawa n kɛ pii Izirayeli gána tumaa nɛ: «Á nya kəni! Kaa wɔ nya Izirayeli gána tumaa!

Ezekieli 7:2 ပူးပေါင်းရင်းမြစ်များ

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

KZS2 34:7

Walan, á wúlu bɔ ǹ bǎãn nyɛnaa á ǹ kaa. Á wúlu bɔ ǹ gɔnɔn yiyiɛ ka dì nyínin ni, á ǹ yɔyɔrɛ, á da yon gìĩ kɔɔ̃n tã ǹ bǎãn ziziɛ̃ Izirayeli gána tumaa nɛ, á tɔn woo Zeruzalɛmu.

Izayii 47:7

Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 51:13

Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Busii pɛ 4:18

Maǹ gɔn diɛ wɔ ganaa, wɔ a boe la wɔ á n gòan boe kɔn doɛ̃ wa. Wɔa gɔn nyɔmɔɔ dɔ. Wɔa lɛawaa dɔ, wɔa wɔ nya.

Ezekieli 11:13

A ma toa Lawa a boo gii lɛ diɛ, Benayia a nɛgiĩ Pelatia gã. Má tɔ́n bɔ má mɛnaa tán ma lɛ la, má n lɛ dɛ kɔsɛkɔsɛ má pɛ: «E, Dɛnaa Lawa! Izirayeli minin mɛnɛn nə goã, man die bɛn dɔn tumaa dii?»

Ezekieli 12:22

Minbuiin a nɛ, wàa na á baa ǹ tá suusu kɛ diɛ Izirayeli gána wɔ paǹ li: – Biikoo á ke kiɛ̃, sii nyaa lɛn kɔn nə́ ke a ná a tɔn nə n zɛnaa wa.

Ezekieli 21:2

– Minbuiin a nɛ, n yɔrɔ dia gusin a lɛ̀gɔn la. Sɛ̀ pɛ gusin a lɛ̀gɔn la dɛnan kɛn ganaa, n paraa wɔ gusin a lɛ̀gɔn la a daã kɛ wɔ paǹ li.

Ezekieli 21:25

Zia nɛn lɛn man die Zii lɛa goon siɛ ǹ wo Amɔn tɔrɔn kiwi Rabaa kɛ gialaa, ǹ kɔsɔ dɔ saa, ǹ wo Zeruzalɛmu kiwi kɛ gialaa Zudaa gána nɛ, kiwi mɛn lɛ bɛ́, ǹ nə́ kungɔn dɔ ǹ ná a lɛnpɛnɛ nɛ.

Ezekieli 21:4

Min tumaa á re doɛ̃ kəni, mà masɛ Dɛnaa Lawa din ni ma tɛ lɛ da, min kɔn dɔ a re boe la a nimi wa.»

Ezekieli 21:7

– Minbuiin a nɛ, n yɔrɔ dia Zeruzalɛmu la. Yoo ǹ wúlu bɔ ǹ bǎãn kɛn gialaa, n maa boo da Izirayeli gána ganaa.

Ezekieli 35:5

A giala, ka dinin Edɔmu minin lɛn man ká goã Izirayeli minin lɛn biɛ zɔ́ɔ duduu. Sii bɛ́ á Izirayeli minin lɛn yɛ ǹ mɛn pinaa, ma bɛ́ má ǹ sii baraa lɛ a dɔlɔ bɔ ǹ ganaa ǹ mɛn pinaa, ka n ká n gɔn kũ bɛ lɛ ganaa, ká Izirayeli minin lɛn dɛ.

Ezekieli 40:2

Lawa a sii-nyaa gɔ́ɔ̃ nɛ, má woo ma din yaa Izirayeli gána nɛ. Á ma da kele sasasa goon mìi ni walan, gusin a lɛ̀gɔn la. Mànan mɛnɛn nə goã bɛa kele lɛ a gusin a lɛ̀gɔn la, maǹ ka kiwi kɔn a kionən bɛ́ lɔn.

Ezekieli 7:1

Dɛnaa Lawa a boo dɔ ma li á pɛ:

Ezekieli 7:3

Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Matiə 24:6

Ka á re miɛ mà zia tá kunu hinlaa, mà a tá sɔsɔɔ ka ganaa. Ka baran toa bɛ nyɛ́ɛ da ka ganaa wa. Bɛ doamaa nɛ a n zɛnaa, sɛnɛ, kanaa a nya bie ka bɛ-n bɔrɔ wa.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Sii-nyaan 20:8

Á re woe minin yiri siɛ̃ kanaa gùrù sii din tumaa nɛ, Gɔgə ne ka Magɔgə ne. Á re ǹ lɛ soekɔn ziabaa yii li, ǹ tá re mɔnɛɛ ka yìsi mu lɛkoro lɛ-a ǹ nyɔɔsɔ̃ bɛ́ lɔn.

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.