Ezekieli 4:2 - LAWA A BOO SONBORE

² N nyaa, ka maǹ nə́ kũ. N nyankɔrɔ bɔ, n na a tii dɔ kaa kɔn la n kiwi nyín lɛ lɛnpɛnɛ nɛ, zia-baalin bǎãn nyín ni, ka ziabaa ǹ màn dadaran nyínin ni, n kiwi nyín lɛ lɛnpɛnɛ nɛ.

LAWA A BOO SONBORE 2011

² N nyaa, ka maǹ nə́ kũ. N nyankɔrɔ bɔ, n na a tii dɔ kaa kɔn la n kiwi nyín lɛ lɛnpɛnɛ nɛ, zia-baalin bǎãn nyín ni, ka ziabaa ǹ màn dadaran nyínin ni, n kiwi nyín lɛ lɛnpɛnɛ nɛ.

Ezekieli 4:2 ပူးပေါင်းရင်းမြစ်များ

Samayeli2 20:15

Zoabu laanka a minin lɛn tumaa daa Sebaa lɛnpɛnɛ Abeli-Bɛti-Maakaa kiwi. Ǹ nə́ tii kaa kɔn la yǎa a mìi la yoo á dɔ kiwi lɛ a kungɔn li. Zaman mɛn tumaa goã kun ka Zoabu ni, bɛn man nə́ goã kiwi lɛ a kungɔn lɛ giala gɔsiɛ, màn mɛn bɛ́ toɛ, a bɔ a kaa.

Izayii 22:7

Zeruzalɛmu, n nyankɔrɔ basan kɛn tumaa piɛ̃maa-n ka n zɔ́ɔn ziabaa ǹ wotoron ne. Ǹ sùidɛnan kɛn yɔrɔ bɔmaa nɛ, maǹ doa nɛ n kiɛnlɛn lɛ-a.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 33:4

Masɛ Dɛnaa Lawa, Izirayeli a Lawa n kɛ pii Zeruzalɛmu a kionən laanka Zudaa a kii kionən wɔ paǹ li. Ǹ wuriimaa nɛ. Là ba a ganaa ka zia baa *Baabilonii minin sɔraasin ganaa wa. Bɛ̀ ka bɛ zɛnaa, kiwi lɛ n die piɛ̃ ka geren ne, maa foo yoo gole kɛ taman yii. Zeruzalɛmu minin sii baraa la yii ni, bɛ lɛ nɛ má n dɔ̀ɔ̃ wɔ ǹ nɛ.

Zeremii 52:4

Bɛ lɛ nɛ, Baabiloniin kii Nebukadenezɔɔrɔ yoo Zeruzalɛmu gialaa ka a sɔraasin tumaa nɛ. A sɔraasin nə́ ǹ giã ǹ bǎãn koa kiwi lɛ yɔrɔ-a, ǹ nə́ ziabaa ǹ kungɔn dɔ ǹ ná a lɛnpɛnɛ nɛ. Bɛ na á n zɛnaa Sedekiasi a kiibaa lɛ̀ manangɔrɔbaa ǹ wɔ li, a mui fùbaa ǹ wɔa lɛawaa fù.

Zeremii 6:6

Dɛnaa Lawa Pàãyiidɛnaa a da ǹ boo á ke: «Ka dan kuru, ka ziabaa ǹ kungɔn dɔ Zeruzalɛmu ganaa.» Kiwi mɛn doamaa bɛ-n ka dɔlɔ nɛ, asɛ mɛn a sii tumaa bɛ́ ka kakaarɛbaa nɛ.

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.