Ezekieli 38:9 - LAWA A BOO SONBORE

⁹ «N din ni, n sɔraasin tumaa laanka tɔrɔ gigiã kɔsɔn mɛnɛn bɛ́ kunun n ni, ka die ka yoo ka piɛ̃ gole bɛ́ lɔn ka wo gána lɛ gialaa, ka wo kɔ lɛ ka labara wɔ bɛ́ lɔn.»

LAWA A BOO SONBORE 2011

⁹ N din ni, n sɔraasin tumaa laanka tɔrɔ gigiã kɔsɔn mɛnɛn bɛ́ kunun n ni, ka die ka yoo ka piɛ̃ gole bɛ́ lɔn ka wo gána lɛ gialaa, ka wo kɔ lɛ ka labara wɔ bɛ́ lɔn.»

Ezekieli 38:9 ပူးပေါင်းရင်းမြစ်များ

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 5:28

Ǹ kiɛn lɛn man pɛpɛnɛ, ǹ san maǹ dii ni. Ǹ sùin gòon tɔnɔn maǹ kaka ka kɔlɔ bɛ́ lɔn. Ǹ ziabaa ǹ wotoron yii n fuu ka la piɛ̃ bɛ́ lɔn.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Ezekieli 13:11

Min mɛnɛn lɛn bɛ́ a gialaa tɔrɛ, a pɛ ǹ nɛ ma kungɔn lɛ á re kiɛ. A giala, la gole á re die, á re kiɛ ka gii ni, piɛ̃ gole á re boe.

Ezekieli 30:18

Bɛ̀ má Ezipti minin pàã kɛ ziziɛ̃ ǹ mɛn pinaa, wɔlɔ a re fúli Tapanɛsi bɛa pinaa wa. Ǹ pàã mɛn lɛ á ke toɛ ǹ tá n dinin gole koe, ma á re bɛ lɛ nyɛɛ ma bɔ kiwi lɛ nɛ. Labara tì á re n kumii kiwi lɛ ganaa, bǎã lɛ a minin tá re woe bɛ̀rɛbaa ǹ bǎã nɛ.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Sii-nyaan 20:9

Ǹ nə́ ke ǹ nə́ soo kanaa paǹ tumaa li, ǹ nə́ die, Zeruzalɛmu kiwi mɛn bɛ́ kɔɔ̃n Lawa ganaa, a din a minin giã ǹ bǎã lɛa, ǹ nə́ bɛ lɛnpɛnɛ. Sɛnɛ, tɛ bɔ lon á daa ǹ tumaa kũkũ.