Ezekieli 32:2 - LAWA A BOO SONBORE

² «Minbuiin a nɛ, foo ziziɛ̃ ǹ loe lɔ Eziptin kii *Faarahɔn la, n pɛ: Ma nə́ n goã ka yàra ten bɛ́ lɔn tɔrɔn bii, ma nə́ n goã ka mu li ǹ màn babaraa bɛ́ lɔn mu gole li. Ma nə́ n goã n doe n tàn kɛn mu li, bɛ̀ n nə ǹ mu yii lɔlɔkɔn ka n gòãn nɛ, bɛ̀ n nə ǹ mu yii gɔgɔrɛ kɔ.

LAWA A BOO SONBORE 2011

² «Minbuiin a nɛ, foo ziziɛ̃ ǹ loe lɔ Eziptin kii *Faarahɔn la, n pɛ: Ma nə́ n goã ka yàra ten bɛ́ lɔn tɔrɔn bii, ma nə́ n goã ka mu li ǹ màn babaraa bɛ́ lɔn mu gole li. Ma nə́ n goã n doe n tàn kɛn mu li, bɛ̀ n nə ǹ mu yii lɔlɔkɔn ka n gòãn nɛ, bɛ̀ n nə ǹ mu yii gɔgɔrɛ kɔ.

Ezekieli 32:2 ပူးပေါင်းရင်းမြစ်များ

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Ezekieli 27:2

Minbuiin a nɛ, gɛ̀ loe lɔ Tiiri kiwi kɛ la.

Ezekieli 38:13

Saabaa minin laanka Dedan minin ni, Tarsisi a pii-kɔlen kɛn laanka a lɛkoro-a kiwin wɔn nɛ, bɛn tá re nɔ̀n goon diɛ n la ǹ pɛ: «Ma n nə́ n sɔraasin lɛn sɔkɔn, n nə́ die basaã koe n minin mànan goa? Wɔrɔ nɛ, sana nɛ, tɔɔn laanka gɔn màn kɔsɔn nɛ, ma n li n bɛn goa?»

Ezekieli 34:18

Buu sonbore ke ka á soɛ̃, bɛ na a doe ka yii li wa? Buu mɛn bɛ́ á goã, wàa na á baa, ka á tɔtɔrɛ bɛ la? Ka bɛ́ mu sonbore yii ka á mii, bɛ na a doe ka yii li wa? Wàa na á baa, ka tá a gialakun kɛ yii lɔlɛkɔn ka ka gòãn nɛ?

Ezekieli 32:16

«Foo ziziɛ̃ ǹ loe lɛ n ka bɛ nɛ, a n die n loe, là-paparɛɛ taman yii. Tɔrɔn lɔn die ǹ lɔ, ǹ bɛa foo ziziɛ̃ ǹ loe lɛ lɔ Ezipti gána laanka a zaman tumaa la. Ma din Dɛnaa Lawa a da ǹ boo ne.»

Ezekieli 28:12

«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii: Nsɛ lɛ a sii tumaa lɛ na á goã piɛ̃ nɛ, n sii-doɛ̃ ke, bɛ dɔ kɔn, n siĩnbaa kɛ dɔ lɛ pã.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Ezekieli 32:18

– Minbuiin a nɛ, makara bɔ ǹ wuu pɛ Ezipti gána a zaman kɛ la. Wuu pɛ n Ezipti minin lɛn da zii, ǹ wo kun ka tɔrɔ kakan kɛn minin ni tán giulun, geren bǎã nɛ.

Ezekieli 27:32

Ǹ là-paparɛɛ gɔ́ɔ̃ nɛ, maǹ nə́ goã loe loe n la, ǹ yɔrɔ-kɔsiɛ gɔ́ɔ̃ nɛ, maǹ nə́ goã loe loe kɛnɛn: «Tiiri kiwi, die na á goã ka n bɛ́ lɔn, ka kiwi kɛ bɛ́ lɔn ǹ nə́ ziziɛ̃ yìsi mu bii?»

Zeremii 46:8

Ezipti gána a kɔnboe n ka Niili tà kɛ nɛ, a mu n dii, a pã a toɛ̃. A n pii: «Man die dii, ma tán si man kɔ lɛ, ma tán tumaa ziziɛ̃, kiwin tumaa nɛ ka zaman mɛn tumaa bɛ́ ǹ nɛ.»

Zeremii 9:18

Hiĩ, foo busu ǹ loe n boe *Siɔn. «Ebe, wɔ́ ziziɛ̃, sìi nə́ n kɔ wɔ lɛ. Wɔ doamaa nɛ wɔ soo wɔ n bɔ wɔa gána nɛ, a giala, wɔa kionən nə́ kaa.»

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Siin Giala 49:9

Zudaa n kaka ka yàra ten bɛ́ lɔn. Maa nɛgiĩ n boe a siĩ kũ ǹ bǎã nɛ, die a waa ǹ bǎã ganaa. Á n musi yiɛ, á waa tán ka yàra sà bɛ́ lɔn. Kakaarɛ ka yàra nɛ ǹ dan bɛ́ lɔn, die n boe la a pɛ, mà a yoo?

Matiə 7:24

Ma boon mɛnɛn da, bɛ̀ min mɛn nə́ n too kɔ ǹ ganaa, á ǹ si, bɛa dɛnaa n kɔnboe ka yiridɛnaa mɛn bɛ́ a ná a kion dɔ tataã la.

Zɔbu 7:12

Wàa na á baa, n tá ma lɛduĩ kɛnɛn, ka mu li ǹ màn babaraa n ma nɛ?

Suusun 25:26

Min mɛn bɛ́ pepere, sɛnɛ a gɔ̀nɔn nə́ bìn diɛ min baraa nyɛɛnɛ, a n goon ka mu yala hinlaa tù mu ni, ǹ na a mu zaãbaa.

Zeremii 46:7

Die a kɔnboe n ka Niili tà kɛ nɛ, a mu n dii, a pã a toɛ̃?

Ezekieli 26:17

Ǹ tá re gɛ̀ loe loe n la, ǹ kɛ pɛ n wɔ paǹ li: Yìsi mu lɛ-a minin kiwi lɛ, kiwi sonbore lɛ, a na á saa lɔn ń papaã? N laanka n minin pàã na á goã ka yìsi mu kɛ nɛ, Ma nə n goã nyɛ́ɛ diɛ min tumaa ganaa.

Ezekieli 29:15

Á re goɛ̃ boɛɛnɛ gána kɔsɔn ganaa, a re liɛ tɔrɔ kɔsɔn kɛn man doo wa. Masɛ á re a kiɛɛrɛ koe, màn mɛn bɛ́ toɛ, a baran giã tɔrɔ kɔsɔn kɛn mìi la doo wa.

Zɔbu 41:23

A n nyankɔrɔ gole kɛ a mu diɛ pipii ganaa, ka fɔlɔ donkolon nə tɛ lan. A n kɔ̀ gɔ́ɔ̃ bɔyɛɛ a baa ka nyɔɔ gìĩ kɔɔ̃n tã ǹ bǎã bɛ́ lɔn.

Suusun 30:30

Yàra nɛ, foo tãnaa nɛ don mànan tumaa bii, a baa sii màn kɔn nyɛɛ-n wa.