Ezekieli 3:7 - LAWA A BOO SONBORE

⁷ Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

LAWA A BOO SONBORE 2011

⁷ Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Ezekieli 3:7 ပူးပေါင်းရင်းမြစ်များ

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Zeremii 6:17

Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

Zeremii 7:27

Nsɛ Zeremii, n die n bɛ tumaa pɛ ǹ nɛ. Sɛnɛ, ǹ ba re n too koe n lon wa. N tá re ǹ bíi, sɛnɛ ǹ ba re n nyii wa.

Ezekieli 2:4

Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

Ezekieli 24:7

A giala, a gɛ̀ mɛn dɛ, bɛa mà á tɔn tan kiwi lɛ nɛ. A na á mà lɛ kaa gɛ̀fu la tán kooro, á kaa tán kooro la, a tii kɔ lɛ wa.

Ezekieli 3:6

Ta ma nə n diɛ tɔrɔ kɔsɔn kɛn li ǹ bɔlɔn ma ń kaka, n nə́ n ba miɛ wa, bɛn dinin tá re n too koe n lon.

Ezekieli 3:8

Á ke, man die n dɔ yii we sii la, ka ǹ dɔn yii á ke we sii la lɔn, ma n too kaka kɔ, ka ǹ dɔn too á ke kaka lɔn.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Zakarii 7:12

Ǹ nə́ n foo kaka kɔ ka kɔlɔ bɛ́ lɔn. Ǹ nə́ n piã ka Dɛnaa Lawa Pàãyiidɛnaa a dí-pɛ laanka a boon ne, a ǹ mɛnɛn kɔ a lɛlɛ a Lawa a boo gii-dali la a din yiri barka nɛ. Bɛ lɛ nɛ, Dɛnaa Lawa Pàãyiidɛnaa foo yoo parsiini

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Samayeli1 8:7

Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.