Ezekieli 3:3 - LAWA A BOO SONBORE

³ Á tɔ́n pɛ ma nɛ: Nsɛ minbuiin a nɛ, ma sɛ́wɔ-munii mɛn lɛ kɔ n la, n din too ka bɛ nɛ, n kã. Ma bɛ́ soɛ̃, a na á goã kɔɔ̃n ma lɛ-n ka zoo bɛ́ lɔn.

LAWA A BOO SONBORE 2011

³ Á tɔ́n pɛ ma nɛ: Nsɛ minbuiin a nɛ, ma sɛ́wɔ-munii mɛn lɛ kɔ n la, n din too ka bɛ nɛ, n kã. Ma bɛ́ soɛ̃, a na á goã kɔɔ̃n ma lɛ-n ka zoo bɛ́ lɔn.

Ezekieli 3:3 ပူးပေါင်းရင်းမြစ်များ

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Loen 119:103

N lɛ kɔ ǹ boon lɛn tá kɔɔ̃n ma lɛ-n parsiini. Ǹ tá paparɛ ma lɛ-n ǹ nə́ la zoo ne.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 119:97

N landa boon kɛn tá kɔɔ̃n ma ganaa parsiini. Lɛawaa tumaa li, ma nə n taasɛ ǹ nɛ.

Loen 19:10

Nyɛ́ɛ baa Dɛnaa Lawa-n lɛ n sii siĩn lɛa, bɛ lɛ n goɛ̃ yǎa duduu. Dɛnaa Lawa a sii yɔrɔ-bɔn man sonbore lɛa, a sii yɔrɔ-bɔ tumaa n pepere.

Loen 19:11

Ǹ sii á min kuĩ á la sana nɛ, ǹ nə́ la sana sonbore gigiã nɛ. Ǹ tá kɔɔ̃nɛ ǹ nə́ la zoo ne, zoo mɛn din bɛ́ ǹ nə́ bɔ sisia.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Ezekieli 2:10

Á bɛa sɛ́wɔ lɛ lɛ bũ ma yɔrɔ-a. Màn na á goã kiɛ̃ nɛ a yɔrɔ laanka a dɔ̀ɔ̃ la. Màn mɛn goã kiɛ̃-n sɛ́wɔ lɛ nɛ, gɛ̀ loen manɛ, yɔrɔ-kɔsɛ ǹ siin ni, ka lɛ-dɛ ǹ siin ni.

Ezekieli 2:8

Nsɛ minbuiin a nɛ, masɛ bɛ́ re boo mɛn pii n ni, n too kɔ bɛ li: N nyan toa n piã-wɔle baa ka minin kɛn bɛ́ lɔn wa dɛ. Má bɛ́ re màn mɛn koe n la, n lɛ bũ n bɛ si n sɔ̃.

Ezekieli 3:4

Á wusoo á pɛ ma nɛ: Nsɛ minbuiin a nɛ, wo Izirayeli tɔrɔn lɛn li, n masɛ lɛ gɔ́ɔ̃ ǹ boon pɛ ǹ nɛ.

Zaã a sɛ́wɔ 7:38

Bɛ̀ min mɛn golee masɛ li, yiikoonaabaa kɔ ǹ mu á die bɛa dɛnaa foo basɛ̃, min kɔsɔ dɔ wɔ bǐɛ̃ kɔ a gɔ́ɔ̃ nɛ, ka mu bɛ́ n toɛ tà nɛ, a baa si a wo bǎã kɔsɔ dɔ bǐɛ̃ kɔ lɔn. Lawa a boo na á pɛ miɛ̃.»

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.