Ezekieli 27:3 - LAWA A BOO SONBORE

³ Kɛ pɛ Tiiri kiwi lɛ nɛ, nsɛ mɛn bɛ́ yìsi mu lɛkoro lɛ-a, pii koe kun ka tɔrɔ kɔsɔn nɛ. Masɛ Dɛnaa Lawa n kɛ pii n ni: Nsɛ Tiiri kiwi, táa ma nə́ n pɛ mà nsɛ siĩn kɔ á la yii ni.

LAWA A BOO SONBORE 2011

³ Kɛ pɛ Tiiri kiwi lɛ nɛ, nsɛ mɛn bɛ́ yìsi mu lɛkoro lɛ-a, pii koe kun ka tɔrɔ kɔsɔn nɛ. Masɛ Dɛnaa Lawa n kɛ pii n ni: Nsɛ Tiiri kiwi, táa ma nə́ n pɛ mà nsɛ siĩn kɔ á la yii ni.

Ezekieli 27:3 ပူးပေါင်းရင်းမြစ်များ

Loen 50:2

Zeruzalɛmu, siĩnbaa lɛ piɛ̃ n walan, a giala, Lawa wɔlɔ fúlu kaa walan.

Loen 83:7

Bɛa lɛ kaa kun wolen lɛn, Edɔmu minin man ka Isimayeli minin ni, Moabu minin ni ka Agaara a nɛnyaanan nɛ.

Suusun 31:14

Ká pii kɔ ǹ mu la ǹ goo bɛ́ lɔn, a n boe ka a màn-bii-n wɔlɔ sɔsɔɔ nɛ a n die ne.

Izayii 23:11

Dɛnaa Lawa na á n gɔn waa yìsi mu ni, á bìn da gánan ganaa, Kanaan kiwin mɛnɛn bɛ́ tamaa nɛ, á zii kɔ mà ǹ bɛn ziziɛ̃.

Ezekieli 16:15

Ma n nə́ n saa n siĩnbaa kɛ li, n tɔ a bɔ kɛ taman yii, n kɔrɔbaa zɛnaa. N nə́ n din kɔ kiɛ̃ wolen tumaa la, ń kɔrɔbaa zɛnaa kunun ǹ ni, n nə́ n goã bɛn lɛn wɔ lɛa.

Ezekieli 26:12

Ǹ tá re n naforo kɛ goɛ, ǹ tá re n pii mànan kɛn kokoe. Ǹ tá re n kungɔnɔn kɛn dii ǹ nə ǹ kaa, ǹ tá re n kion sonboren kɛn wurii. N dɔn kɔlɔn nɛ, ǹ gɔnɔn nɛ ka a tii ni, ǹ tá re bɛn zuĩ mu giala-n.

Ezekieli 26:17

Ǹ tá re gɛ̀ loe loe n la, ǹ kɛ pɛ n wɔ paǹ li: Yìsi mu lɛ-a minin kiwi lɛ, kiwi sonbore lɛ, a na á saa lɔn ń papaã? N laanka n minin pàã na á goã ka yìsi mu kɛ nɛ, Ma nə n goã nyɛ́ɛ diɛ min tumaa ganaa.

Ezekieli 27:4

N kiwi lɛ a golebaa n woe yǎa yìsi mu kɛ bii. Min mɛnɛn nə n dɔ, n siĩn kɔ ka mu la ǹ goo bɛ́ lɔn.

Sii-nyaan 18:3

A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»