Ezekieli 26:3 - LAWA A BOO SONBORE

³ Bɛ lɛ na á toa, masɛ Dɛnaa Lawa á kɛ pii: Nsɛ Tiiri kiwi lɛ, ma á die n gialaa. Man die tɔrɔ kɔsɔn yiɛ gigiã, ma ǹ kaa n ganaa, ka mu tii bɛ́ lɔn.

LAWA A BOO SONBORE 2011

³ Bɛ lɛ na á toa, masɛ Dɛnaa Lawa á kɛ pii: Nsɛ Tiiri kiwi lɛ, ma á die n gialaa. Man die tɔrɔ kɔsɔn yiɛ gigiã, ma ǹ kaa n ganaa, ka mu tii bɛ́ lɔn.

Ezekieli 26:3 ပူးပေါင်းရင်းမြစ်များ

Loen 107:25

Á pɛ mà piɛ̃ gole bɔ, bɛ́ yoo ka mu koreen ne.

Izayii 5:30

A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 51:42

Yìsi mu na á yoo Baabilonii gialaa, A gùrù lɛ-a mu ke bɛ̀ á yoo lon, a n gini, bɛ́ daa n kɔ lɛ.

Zeremii 6:23

Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

Ezekieli 21:3

Kɛ pɛ gusin a lɛ̀gɔn la a daã lɛ wɔ paǹ li: «Ka n too kɔ masɛ Dɛnaa Lawa a da ǹ boo li: Á ke, man die tɛ diɛ n ganaa. Da buruu tumaa nɛ, a gere tumaa nɛ, á re bɛn kuĩ. Bɛa tɛ gole kɛ lɛ a re nimi wa. Á re màn tumaa kuĩ, a saa gusin a lɛ̀gɔn la ganaa, a wo gɔsɛ a lɛ̀gɔn la yaa.

Ezekieli 26:19

«A giala, masɛ Dɛnaa Lawa n kɛ pii: Man die n biɛ kɛbɔlɔ lɛa, goon ka kiwi-soen kɛn nɛ, ma yìsi mu kɛ da yoo ganaa, a da kɔ n lɛ.

Ezekieli 27:26

N mu la ǹ goo-bɔlen lɛn nə́ woo n ne mu gigiã li, sɛnɛ lɛ̀giala piɛ̃ kɛ nə n ziziɛ̃ yìsi mu bii.

Ezekieli 28:22

Masɛ Dɛnaa Lawa n kɛ pii: Á ke, nsɛ Sidɔn kiwi kɛ lɛ, ma á die n gialaa. Maa zɛnaa ǹ siin taman yii, minin tá re ma guguru koe Sidɔn kiwi. Ma bɛ́ re dɔlɔn mɛnɛn boe n ganaa, ma maa Lawa sonborebaa kɛ nyaa nɛ, minin tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 29:10

«Bɛ lɛ n ke, ma á re die n laanka n tà lɛ gialaa. Ma á re Ezipti gána lɛ biɛ kɛbɔlɔ lɛa, kɛbɔlɔ kooro lɛa, a saa Migidɔli ganaa, yǎa Siyɛni kiwi, a wo yǎa Etiopii gèlè la.

Ezekieli 38:3

n pɛ nɛ, mà masɛ Dɛnaa Lawa n kɛ pii: «Nsɛ Gɔgu kɛ lɛ, Mesɛki tɔrɔn laanka Tubaali tɔrɔn nyɛɛnaandɛnaa gole lɛa, man die yui n gialaa.

Ezekieli 5:8

Bɛ lɛ taman yii, masɛ Dɛnaa Lawa n kɛ pii: «Ma dɔ á die ka gialaa. Man die dɔlɔ boe ka ganaa kiwi lɛ bii, tɔrɔ kɔsɔn kɛn tumaa yɛ.

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Nahumu 2:12

Lɛlɛ, Ninivu na á goã ka yàran bǎã bɛ́ lɔn. A na á goã yàra sa laanka yàra dan a woo ǹ bǎã lɛa, Maǹ nə ǹ nɛn toe ǹ nə́ ǹ tamɛɛ a nɛ, ǹ ba nyɛ́ɛ biɛ màn kɔn nɛ wa.

Nahumu 3:5

Dɛnaa Lawa Pàãyiidɛnaa na á kɛ pɛ: Á ke, ma lɛ nə n li. Ma á re n mɔnaa lusi ma kɔ ǹ yɔrɔ lɛ, ma n tontoro nyaa tɔrɔ kɔsɔn manɛ. Gána kɔsɔn kɛn tá re n sìi yii.

Zakarii 14:2

Ma á re tɔrɔn tumaa soekɔn ǹ yoo kaa kiwi gialaa. Ǹ tá re Zeruzalɛmu kiwi kuĩ, ǹ na a gɔn mànan kokoo a kionən ne. Ǹ tá re ǹ lɔn kuĩ ka pàã nɛ. Ǹ tá re ǹ zaman talɛɛ goɛ ǹ wo ǹ ne, sɛnɛ, ǹ gialakun kɛ á re goɛ̃ kiwi lɛ nɛ.

Zakarii 9:4

Sɛnɛ, Dɛnaa Lawa á re sii. A kiwi tamaa ǹ kungɔnɔn kɛn, á re bɛn noɛ̃ a ǹ kaa Yìsi mu gole li. Tɛ á re bɛa kiwi lɛ kuĩ.

Luku 21:25

«Sii giala pɛ ǹ mànan tá re yii wasa nɛ ka mui ni ka leeren ne. Kanaa gɔ́ɔ̃ nɛ gánan tá re goɛ̃ foo biɛ niɛ̃ nɛ, yìsi mu wuu laanka a bìn diɛ á die nyɛ́ɛ diɛ ǹ ganaa.