Ezekieli 26:2 - LAWA A BOO SONBORE

² – Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

LAWA A BOO SONBORE 2011

² – Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 26:2 ပူးပေါင်းရင်းမြစ်များ

Samayeli2 5:11

Tiirin kii Iramu minin dia Davida la ka da kaka kɛa gɔn nɛ, ka da-sɛlɛlin ni, ka kɔlɔ-sɛlɛlin ni kungɔn dɔ ǹ wɔ lɛa, ǹ nə́ kii kion dɔ ǹ nə́ kɔ Davida la.

Loen 35:21

Maǹ nə́ n lɛ dii ma ganaa kɔsɛkɔsɛ mà haya, haya, mà ǹsɛn dinin yii sɔɔ̃n!

Loen 40:15

Min mɛnɛn bɛ́ zoɛ̃ mà ǹ ma nyin bɔ, sìi gole die a bɛn kũ kun! Min mɛnɛn bɛ́ giɛ maa bɔ̀n li, bɛn yii die a puusə kɔ, ǹ wusoo ka ǹ kio ne!

Loen 40:16

Min mɛnɛn bɛ́ yaa we ma ganaa, sìi die a bɛn dɛ!

Loen 70:3

Min mɛnɛn bɛ́ giɛ maa gɛ̀ li, toa sìi babaraa bɛn kũ. Min mɛnɛn bɛ́ giɛ li, mà sii baraa ma yɛ, toa bɛn nə puusə-kɔ yɛ, ǹ wusoo ǹ kio ne.

Loen 83:7

Bɛa lɛ kaa kun wolen lɛn, Edɔmu minin man ka Isimayeli minin ni, Moabu minin ni ka Agaara a nɛnyaanan nɛ.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 27:3

N tɔn nə ǹ kɔ Edɔmun kii a dí-nyali gole kɛ la kànaa, Moabu gána a kii wɔ nɛ, Amɔnitin kii wɔ nɛ, Tiirin kii wɔ nɛ ka Sidɔn gána kii wɔ nɛ, ǹ mɛnɛn bɛ́ ǹ nə́ daa Zeruzalɛmu Zudaan kii Sedekiasi li.

Zeremii 47:4

A giala, Filisiti minin sii tumaa ziziɛ̃ lɛawaa nɛ. Min mɛn tumaa bɛ́ re n doe Tiiri laanka Sidɔn kiwi lɛ, maǹ die bɛn ziziɛ̃. Filisiti minin li, Dɛnaa Lawa n màn tumaa ziziɛ̃, ka min mɛnɛn yii goã koo mu a bǎã da bii wole Krɛti ni.

Zeremii 49:1

Amɔn tɔrɔn wɔ paǹ li: Dɛnaa Lawa n kɛ pii: «A na á saa lɔn, Amɔn tɔrɔn kii Gaadi gána si á baa a wɔ lɛa? Ǹ zaman nə́ Izirayeli kiwin si ǹ nə́ n kɔ lɛ. Bɛ giala mà wàa kəni? Izirayeli minin nɛnyaanan ma nə ǹ banban ǹ nə́ boe la ǹ bɛa kiwin lɛn baa ǹ kíɛ̃ lɛa wa?»

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Ezekieli 25:10

Bɛa kiwin lɛn tá re lɛ̀giala gána minin kɛn wɔ biɛ, ka Amɔn tɔrɔn gána kɛ bɛ́ á ǹ wɔ baa lɔn. Ma din ni má kɔ ǹ la ǹ wɔ lɛa, min din yiri á die gisĩ Amɔn tɔrɔn gána kɛ nɛ tɔrɔn bii wa.

Ezekieli 25:6

Masɛ Dɛnaa Lawa gole a da ǹ boo á ke: «Sii mɛn Izirayeli gána yɛ, ka n ká foo kɔɔ̃nbaa gole yɛ bɛ gɔ́ɔ̃ nɛ, ká n gɔn dɛ, ká bɛ̀ baa, ká ǹ puusə kɔ á la yii ni.

Ezekieli 25:8

Masɛ Dɛnaa Lawa gole a da ǹ boo á ke: Moabu minin laanka Seyiiri minin man pii: «Zudaa minin dɔn nə́ ke, ǹ nə́ n baa ka tɔrɔ kɔsɔn kɛn tumaa bɛ́ lɔn.»

Ezekieli 26:1

Izirayeli minin goa lɛ a lɛ̀ fulugoonbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ:

Ezekieli 35:10

Kaa da ǹ boo á ke: «Gána màn paa kɛ lɛ laanka ǹ minin tá re wɔa wɔ biɛ, wɔ á re ǹ sii, wɔ ǹ baa wɔa wɔ lɛa.» A da yaa, masɛ Dɛnaa Lawa dɔ n bǎã lɛ-n walan.

Ezekieli 36:2

Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!»

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Zozoe 19:29

Gèlè lɛ nə n pɛnɛ a da bɔ Ramaa kiwi, ǹ kungɔn dɔ Tiiri kiwi kɛa bǎã mɛn ganaa, a kiɛ̃ a da yǎa walan. A nə n toɛ walan a n pɛnɛ a da Hosaa, a tɔn bɔ Mahalabu, Akziibu, Umaa, Afɛki ka Rehɔbu ni, a wo n doa kɔ̀ gole kɛ ganaa. A kaa kun kiwi dadara fuəwenpaa ka ǹ lɛkoro lɛ-a kiwi bisinin ni.