Ezekieli 24:3 - LAWA A BOO SONBORE

³ Boo giməə da piã-wɔlen kɛn manɛ, n pɛ ǹ nɛ, mà masɛ din Dɛnaa Lawa n kɛ pii ǹ ni: Fɔlɔ donkolon da tɛ la, a da la, n mu kaa a nɛ.

LAWA A BOO SONBORE 2011

³ Boo giməə da piã-wɔlen kɛn manɛ, n pɛ ǹ nɛ, mà masɛ din Dɛnaa Lawa n kɛ pii ǹ ni: Fɔlɔ donkolon da tɛ la, a da la, n mu kaa a nɛ.

Ezekieli 24:3 ပူးပေါင်းရင်းမြစ်များ

Kiin2 4:38

Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

Loen 78:2

Man die n lɛ buĩ ma boo giməə da, man die lɛlɛ siin pii ka nɛ.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 29:2

Sɛnɛ, man die n ziziɛ̃ Zeruzalɛmu. N tá re gungunun sii, n yii mu pã a kaa, sɛnɛ ma n die goɛ̃ masɛ wɔ lɛa.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 1:13

Ka a paabaa ǹ wɔ nɛ, Dɛnaa Lawa boo da ma nɛ, á pɛ: «Kanna kəni, n yii n wàa ganaa?» Má a lɛ si kɛnɛn: «Ma yii n donkolon ganaa pipi, a lɛ n kanaa nɛ dia-n gɔsɛ a lɛ̀gɔn la.»

Zeremii 1:14

Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

Ezekieli 11:11

Kiwi kɛ lɛ a re kaa fɔlɔ donkolon biɛ, ka dinin nə́ siĩ lɛa a nɛ wa. A giala, man die maa dɔlɔ lɛ boe ka ganaa Izirayeli gána lɛ din ni.

Ezekieli 11:3

Maǹ pii: «Kion-dɔ biikoo bie ke wa. Kiwi lɛ n fɔlɔ donkolon lɛa, wɔsɛn man siĩ lɛa a nɛ.»

Ezekieli 11:7

Bɛ lɛ na á toa masɛ Dɛnaa Lawa á pii: Kiwi lɛ n ka fɔlɔ donkolon bɛ́ lɔn sonbore. Ka min mɛnɛn lɛn dɛ ka ǹ kaa tán-a a nɛ, siĩ lɛ n ka bɛ nɛ. Sɛnɛ, ma á re kasɛn wɛɛ ma soo ka nɛ.

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Ezekieli 12:25

A giala, masɛ din nə Dɛnaa Lawa lɛa. Bɛ̀ ma màn mɛn pɛ, bɛa zɛnaa ba ǹ lɔloɛ wa. Man die ka toɛ ka yii n koo tɔrɔ piã-wɔlen lɛn, ma bɛ́ màn mɛn pii, ma bɛ zɛnaa. Ma din Dɛnaa Lawa a da ǹ boo ne.»

Ezekieli 17:12

– Wo pɛ piã-wɔlen lɛn manɛ mà ǹ tá boo kɛ giala miɛ ke? A giala á ke, Baabiloniin kii na á daa Zeruzalɛmu. Á Zeruzalɛmu a kii laanka a nyɛɛnaandɛnan kũ, á woo ǹ ne *Baabilonii gána nɛ.

Ezekieli 17:2

«Minbuiin a nɛ, boo tì da Izirayeli tɔrɔn lɛn manɛ, giməə da ǹ nɛ.

Ezekieli 2:2

A bɛ́ bɛa boo lɛ diɛ ma nɛ ǹ mɛn waáraa, Lawa yiri daa wɔ ma nɛ, á ma saa á ma da lon. Min mɛn bɛ́ boo lɛ diɛ ma nɛ, má tɔ́n nə n too kɔ bɛ lon.

Ezekieli 2:3

Á tɔ́n pɛ ma-n kɛnɛn: – Nsɛ minbuiin a nɛ, man die n diɛ Izirayeli minin kɛn li, bɛa piã-wɔlen kɛn lɛn ǹ nə́ n gòãn dii masɛ ganaa. Ǹ digolon nə ma bɔlɔ tii lɔn, a din lɛ n ke ǹ dɔn tá la, a da pelo kɛ lɛ yaa.

Ezekieli 2:5

Ǹ bɛ́ n piã-wɔlen lɛn lɛa, bɛ̀ ǹ nə́ n too kɔ n lon, ta ǹ nə n too kɔ ǹ lon wa, ǹ tá re doɛ̃, mà Lawa a boo gii-dali tá ǹsɛn bii.

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Ezekieli 2:8

Nsɛ minbuiin a nɛ, masɛ bɛ́ re boo mɛn pii n ni, n too kɔ bɛ li: N nyan toa n piã-wɔle baa ka minin kɛn bɛ́ lɔn wa dɛ. Má bɛ́ re màn mɛn koe n la, n lɛ bũ n bɛ si n sɔ̃.

Ezekieli 24:6

Bɛ lɛ nɛ, masɛ Dɛnaa Lawa á kɛ pii: Kiwi gɛ̀-dɛle ke, bɔ̀n na á yɛ! Fɔlɔ donkolon soedɛnaa, a soe bɛ́ a boe wa. Ǹ tá re a siĩ-kurii lɛ wɛɛ gogoon ǹ bɔ a nɛ, "ka daa wɔ n pã" din ba re goɛ̃ a sii-n doo wa.

Ezekieli 3:9

Man die n too laɛ ka kɔlɔ bɛ́ lɔn, a kaka kɔ a la gɛ̀fu ni. N nyan nyɛ́ɛ baa wa, n nyan toa ǹ sii nyɛ́ɛ da n ganaa wa. A giala, piã-wɔlen manɛ.

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»

Marki 12:12

Zuifun goledɛnan nə́ ga Yezu kũ ǹ gɔn li, a giala, ǹ nə́ dɔ̃ mà a na á bɛa boo giməə lɛ da ǹsɛn ganaa. Sɛnɛ, ǹ bɛ́ ǹ nə́ goã nyɛ́ɛ biɛ zaman lɛ nɛ, ǹ nə́ toa walan ǹ nə́ woo.

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.