Ezekieli 22:3 - LAWA A BOO SONBORE

³ N die n pɛ nɛ mà masɛ Lawa n kɛ pii: «Zeruzalɛmu, nsɛ kiwi ke mà kiɛ tán, n dɔlɔ bɔ ǹ lɛawaa á die. N nə n dìn zɛnɛɛ, bɛ lɛ nɛ, n gɔgɔrɛ kɔ.

LAWA A BOO SONBORE 2011

³ N die n pɛ nɛ mà masɛ Lawa n kɛ pii: «Zeruzalɛmu, nsɛ kiwi ke mà kiɛ tán, n dɔlɔ bɔ ǹ lɛawaa á die. N nə n dìn zɛnɛɛ, bɛ lɛ nɛ, n gɔgɔrɛ kɔ.

Ezekieli 22:3 ပူးပေါင်းရင်းမြစ်များ

Kiin2 24:3

Dɛnaa Lawa din na á toa bɛa sii kɛ lɛ Zudaa gána yɛ. Dɛnaa Lawa lɛ na á goã giɛ li a Zudaa minin lɛn wɔlɔ lui a din-a, Manaasee a sii baraan kɛn tumaa taman yii,

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Ezekieli 12:25

A giala, masɛ din nə Dɛnaa Lawa lɛa. Bɛ̀ ma màn mɛn pɛ, bɛa zɛnaa ba ǹ lɔloɛ wa. Man die ka toɛ ka yii n koo tɔrɔ piã-wɔlen lɛn, ma bɛ́ màn mɛn pii, ma bɛ zɛnaa. Ma din Dɛnaa Lawa a da ǹ boo ne.»

Ezekieli 22:2

– Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 22:4

N mà mɛn kaa, ma nə́ n sii da n din mìi ni. N dìn mɛnɛn zɛnaa, ma n nə́ n din gɔgɔrɛ kɔ. Ma n nə́ n din a lɛawaa kunu kɔ, n gɛ̀ na á dɔ. Bɛ lɛ nɛ, ma á re toɛ tɔrɔ kɔsɔn nə sìi da n ganaa, gána kɔsɔn tumaa nə n da yaa lɛa.

Ezekieli 22:6

«Á ke Zeruzalɛmu, Izirayeli nyɛɛnaandɛnan mɛnɛn bɛ́ n nɛ, bɛn manə ǹ pàã zɛnɛɛ, ǹ nə́ mà kiɛ tán.

Ezekieli 23:37

A giala, maǹ nə́ naarɛbaa zɛnaa, ǹ nə́ gɛ̀ dɛ. Ǹ dìn guguru kɔ kɛ lɛ n naarɛbaa lɛa ǹ nə́ zɛnaa. Ǹ nɛnyaanan mɛnɛn yɛ maa wɔn lɛa, ǹ nə́ wúlu bɔ ka bɛn dɔn dinin ni dìn lɛn ganaa.

Ezekieli 23:45

Sɛnɛ, giĩn mɛnɛn bɛ́ pepere, bɛn tá re kiri we ǹ ganaa. Lɔn mɛnɛn bɛ́ kɔrɔbaa zɛnɛɛ ǹ nə́ gɛ̀ dii, ǹ tá re bɛn dɔlɔ kɛ tɔrɔ diɛ ǹ mìi ni. A giala, lɔ naarɛn manɛ, gɛ̀-dɛlen dɔn manɛ.

Ezekieli 23:7

Oholaa nə́ n din kɔ Asiirii minin goledɛnan kɛn tumaa la. Ǹ mɛnɛn tumaa sii bɛ́ á goã a ganaa, a na á goã naarɛbaa zɛnɛɛ kun ka bɛn nɛ. Á naarɛbaa zɛnaa ka ǹ dìn kɛn tumaa nɛ, á goã ǹ guguru koe.

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Misee 3:10

Ka n ká mà kaa, ká tɔ́n *Siɔn kiwi kɛ dɔ nɛ. Ka n ká sii baraa zɛnaa, ká tɔ́n Zeruzalɛmu kiwi kɛ dɔ nɛ.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.