Ezekieli 22:2 - LAWA A BOO SONBORE

² – Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.

LAWA A BOO SONBORE 2011

² – Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.

Ezekieli 22:2 ပူးပေါင်းရင်းမြစ်များ

Nahumu 3:1

Koe n ke, Ninivu ganaa, kiwi mɛn bɛ́ mà n baa sii a nɛ. A piɛ̃maa nɛ ka soɛ nɛ, wurumubaa nɛ, ka mɛnaa kɔn la nɛ a ná a nyɛɛ wa.

Ezekieli 24:9

Bɛ lɛ na á toa masɛ Dɛnaa Lawa á kɛ pii: Kiwi gɛ̀-dɛle ke, bɔ̀n na á yɛ! Man die tɛ gole koɛ.

Ezekieli 24:6

Bɛ lɛ nɛ, masɛ Dɛnaa Lawa á kɛ pii: Kiwi gɛ̀-dɛle ke, bɔ̀n na á yɛ! Fɔlɔ donkolon soedɛnaa, a soe bɛ́ a boe wa. Ǹ tá re a siĩ-kurii lɛ wɛɛ gogoon ǹ bɔ a nɛ, "ka daa wɔ n pã" din ba re goɛ̃ a sii-n doo wa.

Ezekieli 20:4

Minbuiin a nɛ, n doamaa bie n kɛn toa walan wa. Ǹ zɛ̀rɛ baa. Ǹ digolon nə sii bɔbɔnɛɛn mɛnɛn zɛnaa, bɛn pɛ ǹ nɛ.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Timote1 5:20

Ǹ mɛnɛn bɛ́ sii baraan zɛnɛɛ, yiɛ ǹ ganaa min tumaa yɔrɔ-a, màn mɛn bɛ́ toɛ nyɛ́ɛ gialakunun kũ.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Luku 11:50

Bɛ lɛ taman yii, ka Lawa a boo gii-dalin mɛnɛn tumaa dɛ, a kũ kanaa diɛ biikoo ganaa, bɛa dɔlɔ á die n boe pelo minin kɛn ganaa.

Matiə 23:35

Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Ezekieli 11:6

Ka min gigiã dɛ kiwi lɛ nɛ, gere n tán zii la bǎã yii ni.

Ezekieli 22:1

Dɛnaa Lawa boo da ma nɛ á pɛ:

Ezekieli 22:3

N die n pɛ nɛ mà masɛ Lawa n kɛ pii: «Zeruzalɛmu, nsɛ kiwi ke mà kiɛ tán, n dɔlɔ bɔ ǹ lɛawaa á die. N nə n dìn zɛnɛɛ, bɛ lɛ nɛ, n gɔgɔrɛ kɔ.