Ezekieli 2:4 - LAWA A BOO SONBORE

⁴ Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

LAWA A BOO SONBORE 2011

⁴ Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

Ezekieli 2:4 ပူးပေါင်းရင်းမြစ်များ

Kiin1 22:14

Sɛnɛ, Misee tɔ́n nə n toa: «Dɛnaa Lawa Yiikoonaa tɔ lɛ taman yii, Dɛnaa Lawa bɛ́ re màn mɛn pii ma nɛ, bɛ nɛ masɛ tá re pii!»

KZS2 30:8

Kanna kəni, ka nyan nə n gòan dii ka kaa díin wɔ bɛ́ lɔn wa, ka n dinin kɔ Dɛnaa Lawa la, ka wusoo ka da Lawa a kion kɛ nɛ, á bɔ á koa a din wɔ lɛa duduu. Ka Dɛnaa Lawa kaa Lawa guguru kɔ, màn mɛn bɛ́ toɛ a na a foo-yoo baraa kɛ saa a bɔ ka la.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Loen 95:8

Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

Suusun 21:29

Min baraa nə n din biɛ sii doɛ̃ wole lɛa. Min pepere a sii zɛnaan gòãn we tán.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Zeremii 1:7

Sɛnɛ, Dɛnaa Lawa pɛ ma nɛ: «N nyan pɛ mà n yii á kiɛɛrɛ á la yii-n wa.» Ma bɛ́ re n diɛ bǎã mɛn tumaa nɛ, n tá re woe. Ma bɛ́ re boo mɛn diɛ n nɛ, n tá re woe bɛ pii.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 36:21

Kii tɔn Yewudi dia mà a wo sɛ́wɔ munii lɛ saa. Á woo saa Elisamaa a dí nya ǹ kion, á bɔ á mɛ la á n pii ka lɛn gole ne kii yɔrɔ-a ka a dí-nyali dadaran nɛ, ǹ mɛnɛn bɛ kun ni walan.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Ezekieli 3:11

Bɛ kio, ǹ minin mɛnɛn bɛ́ ǹ nə́ ǹ goa ǹ nə́ woo ǹ ne bɛ̀rɛbaa ǹ bǎã nɛ, wo dɔ bɛn li, n pɛ ǹ nɛ: «Dɛnaa Lawa n kɛ pii.» Ta ǹ tá n too koe, ta ǹ ba n too koe wa, Dɛnaa Lawa a da ǹ boo ne.

Ezekieli 3:27

Sɛnɛ, bɛ̀ ma boo da n nɛ ǹ mɛn waáraa, ma á re n lɛwɔn fore, n pɛ ǹ nɛ: «Dɛnaa Lawa n kɛ pii.» Bɛ̀ min mɛn tá n too koe, bɛa dɛnaa nə n too kɔ. Bɛ̀ min mɛn ba li a n too kɔ wa, bɛa dɛnaa baran n too kɔ wa: Tɔrɔ piã-wɔlen manɛ.

Ezekieli 3:4

Á wusoo á pɛ ma nɛ: Nsɛ minbuiin a nɛ, wo Izirayeli tɔrɔn lɛn li, n masɛ lɛ gɔ́ɔ̃ ǹ boon pɛ ǹ nɛ.

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Amɔɔsi 7:15

Sɛnɛ, Dɛnaa Lawa masɛ kũ tɔɔn kio, á tɔ́n pɛ ma nɛ mà ma wo asɛ a boo gii da asɛ a zaman, Izirayeli tɔrɔn kɛn manɛ.

Zakarii 7:12

Ǹ nə́ n foo kaka kɔ ka kɔlɔ bɛ́ lɔn. Ǹ nə́ n piã ka Dɛnaa Lawa Pàãyiidɛnaa a dí-pɛ laanka a boon ne, a ǹ mɛnɛn kɔ a lɛlɛ a Lawa a boo gii-dali la a din yiri barka nɛ. Bɛ lɛ nɛ, Dɛnaa Lawa Pàãyiidɛnaa foo yoo parsiini

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 31:27

A giala, masɛ Muizu tá kaa piã laanka ka too kakabaa doɛ̃. Á ke le! Pelo dinin, a ma toa ma yii n koo man tɔn kun ka nɛ bɔrɔ, kaa ke n gòãn dii Dɛnaa Lawa ganaa. Bɛ̀ ma gã, ka tɔn nə n baa lɔn?