Ezekieli 17:4 - LAWA A BOO SONBORE

⁴ a gùrù mɛn bɛ́ sasa á bɛ yiɛ, á woo ne pii-kɔlen gána nɛ, á woo da tán màn-sãlin kiwi.

LAWA A BOO SONBORE 2011

⁴ a gùrù mɛn bɛ́ sasa á bɛ yiɛ, á woo ne pii-kɔlen gána nɛ, á woo da tán màn-sãlin kiwi.

Ezekieli 17:4 ပူးပေါင်းရင်းမြစ်များ

Kiin2 24:12

Zudaa gána a kii Zoakini tɔ́n soo, kun ka ǹ dan nɛ, a dí-nyalin ni, a kiodɛnan nɛ, a sɔraasin goledɛnan nɛ, ǹ nə́ woo n da Baabilonii gána a kii lɛ lɛ. Baabiloniin kii Nebukadenezɔɔrɔ a kiibaa lɛ̀ kiwisibaa ǹ wɔ, á Zoakini baa kòso nɛ lɛa.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Izayii 47:15

N nə́ n din nɔmaa ka gɔn nɔɔ nɛ bɛa minin lɛn li, a kũ n tenmaa waáraa ganaa. Ǹ bɛ́ màn mɛn lɛa n gɔn kanna kəni, bɛ n ke: Kanna, maǹ woe paǹ tumaa li, ǹ kɔn ba boe la a n kirisibaa wa.

Zeremii 24:1

Baabiloniin kii Nebukadenezɔɔrɔ Zudaan kii Zoakimu a nɛgiĩ Yekonia laanka a nyɛɛnaandɛnan goa Zeruzalɛmu á woo ǹ ne *Baabilonii kɔnlɛ ka a fuũn ni, ka a gɔn dí-nyalin ni. Bɛ kio, Dɛnaa Lawa gɔ́rɔ nɛ káka màn paa nyaa ma nɛ koa-n tán Lawa a kion yɔrɔ-a.

Zeremii 51:13

Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

Ezekieli 17:3

A pɛ ǹ nɛ, mà Dɛnaa Lawa n kɛ pii: Giogialatã-a gole ne, a nyàan nə́ dadara kɔ, a nyàa kan nə́ sɔsɔrɔ kɔ, á ka pã ka kɛkɛ, a ka lɛ n sɛsia wɔkaka. A na á daa Liban kele la, á da kaka kɛ goon mìi na,

Ezekieli 17:5

Á wusoo á gána lɛ a da goon gùrù saa, ǹ bǎã mɛn kɔsɔ, á zumu walan, á woo ne mu gigiã bǎã nɛ, á zumu walan ka tàaraa da bɛ́ lɔn.

Ezekieli 31:3

Á ke Asiirii na á goã ka Liban da kaka kɛ bɛ́ lɔn, A gùrùn nə́ siĩni, luu lɛa ka kɛkɛ, a wúlu ná a tan. A na á goã sasa taãn-taãnɛ, a mìi la woo n doa labaran ganaa.

Sii-nyaan 18:3

A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»