Ezekieli 16:3 - LAWA A BOO SONBORE

³ N die n pɛ ǹ nɛ, ma masɛ Dɛnaa Lawa n kɛ pii Zeruzalɛmu kiwi ni. Kanaan gána nə ǹ digolon bǎã lɛa, ka n ka yɛ walan. N díi n Amɔɔrɔ tɔrɔ lɛa, n náa n Ɛti tɔrɔ lɛa.

LAWA A BOO SONBORE 2011

³ N die n pɛ ǹ nɛ, ma masɛ Dɛnaa Lawa n kɛ pii Zeruzalɛmu kiwi ni. Kanaan gána nə ǹ digolon bǎã lɛa, ka n ka yɛ walan. N díi n Amɔɔrɔ tɔrɔ lɛa, n náa n Ɛti tɔrɔ lɛa.

Ezekieli 16:3 ပူးပေါင်းရင်းမြစ်များ

Siin Giala 11:25

Teraa a yɛ kio, Nahɔɔrɔ wusoo á lɛ̀ paabiɛ ka fulumanangɔrɔ (119) zɛnaa kanaa. Á nɛgiĩ kɔsɔn laanka nɛlɔn yɛ.

Siin Giala 11:29

Abramu laanka Nahɔɔrɔ lɔn wɔ. Abramu a lɔ tɔ mà Sarayii. Nahɔɔrɔ wɔ tɔ mà Milkaa. Aaran a nɛlɔ n ka Milkaa nɛ, Iska dɔ na a nɛ lɛa.

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Kiin1 21:26

Akaabu dí bɔbɔnɛɛ nya, á dìn guguru kɔ ka Amɔɔrɔ tɔrɔn kɛn bɛ́ lɔn Dɛnaa Lawa goã á ǹ loo Izirayeli minin nyɛɛnɛ, ǹ nə́ giã ǹ bǎã nɛ.

Kiin2 21:11

– Zudaa gána a kii Manaasee sii bɔbɔnɛɛn zɛnaa. Á sii baraa zɛnaa á la Amɔɔrɔ tɔrɔn sii baraan kɛn tumaa nɛ, ǹ nə́ zɛnaa a nyɛɛnɛ lɛlɛ. Á Zudaa minin dɔn kaa sii baraa zɛnaa ganaa ka ǹ dìn ni,

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Nehemii 9:7

N din Dɛnaa Lawa goon lɛ nə́ ń Abramu yii gɔgɔɔ̃, ń bɔ ń bɔ Uuru kiwi, Kaldee minin gána nɛ, ń Abrahamubaa wɔ a ganaa.

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Ezekieli 16:2

– Minbuiin a nɛ, Zeruzalɛmu minin giã ǹ gɔn bɔbɔnɛɛ kɛ lɛ boo da ǹ dinin manɛ.

Ezekieli 16:4

N yɛ pinaa, ǹ nə n bùũ lɛ kuru wa. Ǹ nə n zoo mu li n bɔ wa, ǹ yìsi dɔ tuturu n ganaa wa, ǹ mɔnaa gɔnɔn pɛpɛnɛ n ganaa wa.

Ezekieli 16:45

Lɔ mɛn nə́ ke ǹ zuũ laanka a nɛgiĩn tìĩ bɔ a nyin ni, n nə n bɛa nɛlɔ lɛa. N dɔɔ̃nlɔn dɔn man miɛ̃. N dɔn zuũn laanka ǹ nɛgiĩn tìĩ na á bɔ ǹ nyin ni. Ka dan na á goã Ɛti tɔrɔ lɛa, ka di na á goã Amɔɔrɔ tɔrɔ lɛa.

Ezekieli 21:30

«Nsɛ, Izirayeli minin nyɛɛnaandɛnaa, min kooro babaraa ke, n too kɔ: N tá re n sii baraa zɛnaa kɛ lɛ diɛ, a lɛawaa á die.

Matiə 11:24

Bɛ lɛ taman yii, masɛ n pii ka nɛ, kiri kurii pinaa, kaa dɔlɔ á die gole koe á la Sodɔmu minin wɔ nɛ.»

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 3:7

Zaman gigiã na á goã die ZAÃ li, mà a batɛmu da ǹsɛn ganaa. A na á goã pii ǹ ni kɛnɛn: «Ka màn kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka tá boe la ka baa si ka la bɛ la?

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Timəə dí-pɛn 20:17

Ɛti tɔrɔn kɛn, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, tɔrɔn kɛn ǹ nə́ bíi Evitin, Zebuzu tɔrɔn nɛ, ka die ka bɛn tumaa dɛ lenlen, ka kaa Lawa, Dɛnaa Lawa á ke á pɛ ka-n lɔn.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 13:4

A n siɛ gusin a lɛ̀gɔn la ganaa, Kanaan minin gána kɛ tumaa ka Meyaraa kiwi kɛ nɛ Sidɔn minin wɔ lɛa yǎa Afɛki kiwi, a wo kaa Amɔɔrɔ tɔrɔn gèlè lɛ.

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.