Ezekieli 13:9 - LAWA A BOO SONBORE

⁹ Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

LAWA A BOO SONBORE 2011

⁹ Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Ezekieli 13:9 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Ɛsidrasi 2:59

Min mɛnɛn nə n toa Teli-Melaa kiwi, ka Teli-Arsaa kiwi ni, ka Kerubu-Adan kiwi laanka Imɛɛrɛ kiwi ni ǹ nə́ daa, ǹ nə́ ǹ boo la, ǹ nə́ nyaa mà ǹsɛn dikion taãn nə Izirayeli wa, mà ǹsɛn man Izirayeli tɔrɔn lɛa wa, bɛn nə́ ke:

Nehemii 7:62

Delazaa a tanlɛ minin manɛ, Tobiya a tanlɛ minin ni, Nekodaa a tanlɛ minin ni: min biɛsɔrɔ ka posoorowenpaa (652).

Nehemii 7:64

Bɛa minin kɛn lɛn tɔrɔ basa bɛ́ kiɛ̃ nɛ sɛ́wɔ mɛn nɛ, ǹ nə́ ga li, sɛnɛ ǹ yɛ wa. Ǹ nə́ tɔ́n ga ǹ ganaa min gɔgɔrɛn lɛa, ǹ nə́ ǹ gòɛ̃ bɔ ǹ nə́ bɔ Lawa a wúlu bɔ sii ni.

Loen 101:7

Koɛɛ̃n-kɔle ba re goɛ̃ kun ma nɛ maa kion wa, soɛ-bɔle kɔn ba re giɛ̃ ma yɔrɔ-a wa.

Loen 69:28

Ǹ sãn lɛn tumaa nimi ǹ ni, n baran toa n sii sonbore kɔn dɔ ǹ ganaa doo wa.

Loen 69:5

Min mɛnɛn bɛ́ ma biɛ zɔ́ɔ, mìi ná a ba la wa, bɛn nə́ mɔnaa, ǹ nə́ la ma din mìi ka nɛ. Min mɛnɛn bɛ́ giɛ ma li kooro kooro, bɛa basaã-kɔle kɛn lɛn pàã á gole. Ma bɛ́ ma màn mɛn koã wa, mà yǎa ma bɛ sarɛɛ.

Loen 87:6

Dɛnaa Lawa din nə tɔrɔn tɔ kiɛ̃ sɛ́wɔ nɛ, a n kiɛ̃ ǹ min gogoonmaa wɔ paǹ li, mà ǹ dikion taãn nə ka Siɔn nɛ. Doa

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Izayii 4:3

Bɛ kio, min mɛn tumaa bɛ́ re goɛ̃ Zeruzalɛmu, yiikoonaan lɛa *Siɔn kiwi, ǹ tá re bɛn bíi mà "Dɛnaa Lawa wɔn". Dɛnaa Lawa min mɛnɛn tɔ kiɛ̃ sɛ́wɔ nɛ, màn mɛn bɛ́ toɛ ǹ yii goã koo, bɛn man ka kɛn nɛ Zeruzalɛmu.

Zeremii 14:15

Bɛ lɛ nɛ, masɛ Dɛnaa Lawa n kɛ pii Lawa a boo gii-dalin kɛn wɔ paǹ li: «Bɛa minin kɛn lɛn mà ǹsɛn man boo diɛ ka masɛ tɔ nɛ, a da yaa ma ǹ dia wa. Maǹ pii mà zia laanka bòo á re yii gána kɛ-n wa. A da yaa, zia laanka bòo n die ǹ tumaa papaɛ̃ lenlen!

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Zeremii 4:9

Bɛa pinaa lɛ nɛ, kiin laanka nyɛɛnaandɛnan foo á re ziziɛ̃, Dɛnaa Lawa a da ǹ boo ne. Lawa a wúlu-bɔlen yiri á re n lɔloɛkɔn, nyɛ́ɛ á re Lawa a boo gii-dalin kuĩ.

Ezekieli 11:10

Ka á re giɛ̃ zia la. Man die maa dɔlɔ lɛ boe ka ganaa Izirayeli gána din ni. Ka á re doɛ̃ kəni, mà ma din nə Dɛnaa Lawa lɛa.

Ezekieli 12:20

Minin bɛ́ kiwin mɛnɛn nɛ, bɛa kiwin lɛn kɛbɔlɔn tá re kiɛ, gána lɛ á re don biɛ. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Ezekieli 13:14

Ka kungɔn mɛn lɛ tɔrɔ, ma á re nyɛnɛɛ ma duwəə tán, a gòã daa ǹ bǎã kɛ yɛ kanaa. Kungɔn lɛ á re kiɛ, ka dinin tá re papaɛ̃ a bii walan. Ka á re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 13:23

Sisia kəni, ka a re sii-nyaa kooron kɛn yii doo wa, ka a re n gɔn noɛ̃ doo wa. Ma á re maa zaman lɛ kuĩ ma si ka la. Ka á re doɛ̃ kəni, mà masɛ din nə Dɛnaa Lawa lɛa.»

Ezekieli 20:38

Min mɛnɛn nə n piã ka ma nɛ, ǹ nə́ ma bɔlɔ tii, má á re bɛn wɛɛ ma ǹ bɔ kun ka nɛ. Ǹ bɛ́ ǹ nə́ woo giã gána kɔsɔ mɛn nɛ, ma á re ǹ wɛɛ ma ǹ bɔ walan, sɛnɛ, ǹ gòã na a re miɛ̃ Izirayeli gána-n wa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Ozee 4:5

N tá re talɛɛ penleen tiɛɛ̃nɛ, n bɛ́ kun ka Lawa a boo gii-dali mɛn nɛ, bɛ dɔ din tá re talɛɛ a mɛnaa tèlò-n. Ma á re n dan Izirayeli nyin nyɛɛ lenlen.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Misee 3:6

A bɛ́ miɛ̃, á nya kəni! Ma a die sii kɔn nyɛɛ ǹ nɛ doo wa, ǹ yii ba re sii kɔn yii doo wa. Lɛawaa á die tèlò biɛ ǹ ganaa, wasa yii á die wɔlɔ tì biɛ ǹ ganaa.

Luku 10:20

Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»

Filipi minin 4:3

Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.