Ezekieli 1:1 - LAWA A BOO SONBORE

¹ Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

LAWA A BOO SONBORE 2011

¹ Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

Ezekieli 1:1 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 46:2

Lawa daa Zakɔba la ka narɛɛ-n tèlò-n, á pɛ nɛ: «Zakɔba! Zakɔba!» Zakɔba nə́ n nyəə mà asɛ á ke.

Loen 137:1

Wɔ bɛ́ *Baabilonii tà lɛ-a, bɛ̀ wɔ́ n taasɛ Zeruzalɛmu ni, wɔ n giɛ̃ tán, bɛ̀ wɔ wuu pɛ.

Bɔ bɛ̀rɛbaa nɛ 24:10

Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn.

Izayii 1:1

Boon kɛn man Amɔsi a nɛgiĩ Izayii a sii yɛn lɛa, Zudaa gána laanka Zeruzalɛmu kiwi a paǹ li. Bɛa sii yɛn lɛn biikoo na á kɔnpɛ kii Oziasi a biikoo ne, Zoatamu wɔ nɛ, Ahaazi ni ka Ezekiasi wɔ nɛ, Zudaa gána mìi la.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Zeremii 29:15

A da yaa ka ǹ pii mà Dɛnaa Lawa na á boo gii-dalin kɔ ka la Baabilonii gána nɛ!

Ezekieli 1:3

Dɛnaa Lawa boo da ka masɛ Buuzi a nɛ Ezekieli ni, *Baabilonii minin gána nɛ, Kebaara tà lɛ-a. Dɛnaa Lawa a pàã gisĩ masɛ la walan.

Ezekieli 10:1

Labara mɛn goã lon màn yiikoonaan lɛn mìi la, masɛ Ezekieli goã giɛ bɛ ganaa. Ma bɛ́ giɛ, bɛ̀ kɔlɔ sonbore goon nə́ ke, tɛ pii ka kii dankan bɛ́ lɔn.

Ezekieli 10:10

Bɛ̀ n nə́ ǹ yɛ, ǹ tumaa n goon ǹ siimaa tumaa n ka maǹ we-n kɔn nɛ.

Ezekieli 10:15

Lon màn yiikoonaan lɛn nə́ yoo lon. A din mànan lɛn manɛ, má goã má ǹ yɛ Kebaara tà lɛ-a.

Ezekieli 10:20

Ma goã má màn yiikoonaan mɛnɛn yɛ Izirayeli a Lawa a siĩnbaa lɛ giulun Kebaara tà lɛ-a, ǹ dinin lɛn manɛ. Má dɔ̃ bɛa biikoo li, máa lon màn yiikoonaan manɛ.

Ezekieli 10:22

Ma goã má màn yiikoonaan mɛnɛn yɛ Kebaara tà lɛ-a, ǹ yɔrɔn lɛn man nə́ goã ka bɛn wɔ bɛ́ lɔn. Ǹ gogoonmaa na á goã woe a din nyɛɛn perepere.

Ezekieli 11:24

Lawa yiri daa ma saa á woo ma nɛ goa wolen lɛn li *Baabilonii gána nɛ. Lawa yiri na a bɛ nyaa ma nɛ sii-nyaa gɔ́ɔ̃ nɛ. Ma yii goã màn mɛn ganaa, bɛ daa á papaã á n bɔ ma lalan.

Ezekieli 3:15

Má dɔ goa-wolen lɛn li Tɛl-Abibu. Maǹ nə́ goã giã-n Kebaara tà lɛ-a. Má giã kunun ǹ ni walan ma lɛawaa sɔbaa, boo din ná a n diɛ ma la wa.

Ezekieli 3:23

Má yoo, má woo nyankɔrɔ lɛ lɛ nɛ. Ma bɛ́ giɛ, bɛ̀ Dɛnaa Lawa a gugurubaa á ke walan dɔ nɛ, ka bibinaa wɔ kɛ lɛ bɛ́ lɔn má yɛ Kebaara tà lɛ-a. Má tɔ́n bɔ má mɛnaa tán ma lɛ la.

Ezekieli 40:2

Lawa a sii-nyaa gɔ́ɔ̃ nɛ, má woo ma din yaa Izirayeli gána nɛ. Á ma da kele sasasa goon mìi ni walan, gusin a lɛ̀gɔn la. Mànan mɛnɛn nə goã bɛa kele lɛ a gusin a lɛ̀gɔn la, maǹ ka kiwi kɔn a kionən bɛ́ lɔn.

Ezekieli 43:3

Ma yii màn mɛn yɛ bɛa biikoo li, a n ka màn kɛ nɛ má goã má yɛ, bɛ̀ Lawa bɛ́ re die kiwi lɛ yui, a n ka màn kɛ dɔ nɛ má yɛ, bɛ̀ ma bɛ́ Kebaara tà kɛ lɛ-a. Bɛa biikoo li, má na má kaa tán ma lɛ la.

Ezekieli 8:3

Á màn kɔn dia ma la ka gɔn bɛ́ lɔn, á ma kũ ma mìi ka ganaa. Bɛ kio, Lawa a sii-nyaa gɔ́ɔ̃ nɛ, Lawa yiri ma saa lon, á woo ma nɛ Zeruzalɛmu. Wɔ ǹ kiɛnlɛ mɛn bɛ́ gɔ́ɔ̃ li, a yɔrɔ n dia-n gɔsɛ a lɛ̀gɔn la, a na á ma da tán walan. Ga Lawa lɛ li ǹ dì kɛ dɔ na á goã walan, Lawa bɛ́ a goã lɛ koe ǹ mɛn lɛ ganaa duduu wa.

Ozee 12:10

Sɛnɛ, masɛ nə n Dɛnaa Lawa lɛa, a kũ Ezipti gána ganaa. Man die toɛ n wusoo doo n giã mɔnaa kionən ne, ká maa da ka lɛ pinaa kɛ bɛ́ lɔn.

Minin nimi 12:6

Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

Matiə 17:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ: «Sii mɛn nə́ n nyaa ka-n ke, ka nyan toa ka a boo da min kɔ́n yii-n wa, yǎa Min a Nɛgiĩ yii kiɛ a n boe geren bii.»

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Marki 1:10

Bɛa bǎã-n gɔrɔ, Yezu a soomaa mu li, á lon yɛ n lɛ buĩ, á Yiri Fu yɛ gisĩ a din la ka zɛrɛkantoan bɛ́ lɔn.

Luku 3:21

Min tumaa bɛ́ batɛmu lɛ yii, Yezu dɔ́ woo bɛa batɛmu lɛ si. Yezu bɛ́ Lawa nyankoe, lon lɛ nə́ n bũ,

Luku 3:23

Yezu bɛ́ a dí giala koe, bɛ̀ a lɛ̀ pɔsɔɔ kɛ miã nɛ. Yezu n digolo bibinaan man ka kɛn nɛ: Aadã nɛ, min mɛn bɛ́ Lawa zɛnaa, bɛ kio Sɛɛti, Enɔɔsi, Kayinamu, Maleleeli, Zarɛdi, Enɔɔki, Matuuselaa, Lamɛki, Nowee, Sɛmu, Arpaksaadi, Kayinamu, Saalaa, Ebɛɛrɛ, Falɛki, Rago, Seruku, Nakɔɔrɔ, Taaraa, Abrahamu, Izaaki, Zakɔba, Zudaa, Farɛsi, Esirɔmu, Arnii, Admɛn, Aminaadaabuu, Naasɔn, Saalaa, Boozi, Obɛdi, Zesee, Davida, Natan, Matataa, Mɛnaa, Meleyaa, Eliakimu, Zonaamu, Zozɛfu, Zudaa, Simiɔn, Levii, Maati, Zorimu, Eliezɛrɛ, Zozoe, Erii, Ɛlmadamu, Kozamu, Adiidi, Mɛlaki, Nɛrii, Salatieli, Zorobabeli, Reza, Zoanan, Zodaa, Zozɛki, Sɛmɛyini, Matatiasi, Matati, Nagayii, Esili, Nahumu, Amɔɔsi, Matatiasi, Zozɛfu, Zanayi, Mɛlaki, Levii, Matati, Yilii, Zozɛfu. Bɛa Zozɛfu lɛ nɛ, minin man nə́ goã biɛ Yezu ǹ di lɛa.

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Nya ǹ dín 10:11

Á goã giɛ lon lɛ ganaa buĩ ni. Màn kɔ́n nə́ bɔ lon, ka mɔnaa gole bɛ́ lɔn, kuĩ ni a gùrù sii tumaa ganaa, á n die gisĩ.

Nya ǹ dín 10:3

Ǹ kɔ́n pinaa, wasa lɛ kanaa n nɛ, biikoo a sɔɔbaa ǹ wɔ kɛ miã li, a yii màn yɛ buə̃buə̃ ne, lon a dia dí-a wole goon wɔ a kion, á lɛ dia la: «Kɔrnɛyi.»

Nya ǹ dín 7:56

Á pɛ: «Á ke, masɛ yii-n lon lɛ ganaa buĩ ni, Min a Nɛgiĩ n golee-n Lawa gusin.»

Korɛnti2 12:1

Á kɔnboe man din kalaa, a laanɛ a siĩn wa. Sɛnɛ, Dɛnaa toa ma siin mɛnɛn yɛ, man die bɛn boo diɛ kanna.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 4:1

Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»