Bɔ bɛ̀rɛbaa nɛ 9:27 - LAWA A BOO SONBORE

²⁷ Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

LAWA A BOO SONBORE 2011

²⁷ Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

Bɔ bɛ̀rɛbaa nɛ 9:27 ပူးပေါင်းရင်းမြစ်များ

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

KZS2 12:6

Izirayeli kiãn laanka kii nə n dinin gisĩ, ǹ nə́ pɛ: «Sonbore a Dɛnaa Lawa lon!»

Loen 129:4

Sɛnɛ, Dɛnaa Lawa a kiri kɔkɔrɔ we wa. Min baraan nə ma yii ka biɛ mɛn nɛ, á bɛ na.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Bɔ bɛ̀rɛbaa nɛ 10:16

Faarahɔn nə́ n nanaa á lɛ dia Muizu laanka Aarɔn la, á pɛ ǹ nɛ: «Má sã má wɔ kaa Dɛnaa Lawa lɛ lon, ma wɔ ka dinin dɔn lon.

Bɔ bɛ̀rɛbaa nɛ 10:17

Kanna kəni, man ka nyankoe, máa ka maa sã toa ma-n doo. Ka kaa Dɛnaa Lawa lɛ nyankɔ, a bǐɛ̃ kɔ a dɔlɔ baraa kɛ saa a bɔ ma mìi ni.»

Bɔ bɛ̀rɛbaa nɛ 8:25

Muizu pɛ: «Sonbore, man die soe man bɔ n li, ma Dɛnaa nyankɔ, biɛ̃ gɔrɔ nyuun sɔn-dɔlen lɛn tá re woe ǹ nə n bɔ n ganaa, ka n kiodɛnan nɛ, ka n gána minin ni. Sii goon nə́ ke, n bɛ́ sàn mɛn koe ka zaman kɛ nɛ, n nə n ba toɛ ǹ nə́ soe woe wúlu boe wɔa Dɛnaa-n wa, bɛ toa walan.»

Bɔ bɛ̀rɛbaa nɛ 8:8

Muizu laanka Aarɔn soo ǹ nə́ n bɔ Faarahɔn li, Muizu Dɛnaa nyankɔ sɔmɔnɔn lɛn sii ganaa, a sɔmɔnɔn mɛnɛn kaa Faarahɔn ganaa, ǹ nə́ nɔmaa.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Minin nimi 21:7

Zaman lɛ tɔ́n daa dɔ Muizu li, ǹ nə́ pɛ nɛ: «Wɔsɛn nə́ sii baraa zɛnaa, a giala, wɔ boo da n laanka Dɛnaa Lawa ganaa. Dɛnaa Lawa nyankɔ, a miɛ̃n lɛn wɔlɔ lui wɔ ganaa.» Muizu Lawa nyankɔ zaman lɛ a lɛa.

Minin nimi 22:34

Balaamu pɛ Dɛnaa Lawa a lon dia dí-a wole lɛ nɛ: «Má sii baraa zɛnaa, a giala ma goã doɛ̃, máa n din nə ke ń goã doa nɛ, ma nyɛɛn zii lɛ la wa. Kanna, bɛ̀ zii-tɔ lɛ á baraa n yii li, man wusii.»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Zozoe 7:20

Aakan tɔ́n Zozoe lɛ si, á pɛ nɛ: «Taãn nɛ, masɛ sii baraa zɛnaa Dɛnaa Lawa nɛ, Izirayeli minin Lawa lɛ. Ma sii mɛn zɛnaa, á ke:

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»

Samayeli1 26:21

Sayulu nə́ n toa: «Má sii baraa zɛnaa. N bɔyaa n daa, maa nɛgiĩ Davida! Ma ba re sii baraa zɛnɛɛ n nɛ doo wa, a giala, pelo kɛ lɛ nɛ, n sàn kɔ ka masɛ a yiikoonaabaa-n wa. Taãnɛ, ma gaãnaabaa ǹ sii zɛnaa, má sã gole wɔ.»