Bɔ bɛ̀rɛbaa nɛ 6:7 - LAWA A BOO SONBORE

⁷ Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

LAWA A BOO SONBORE 2011

⁷ Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 6:7 ပူးပေါင်းရင်းမြစ်များ

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin1 8:60

Bɛ á re toɛ kanaa tɔrɔn tumaa dɔ̃, mà Dɛnaa Lawa lɛ n Lawa lɛa, mà kɔsɔ bie a tan wa.

Nehemii 1:10

Wɔ nə n din a dí-nyalin lɛa, wɔ nə n din a zaman lɛa! Wɔ dinin lɛn manɛ, ń wɔ bɔ sii ni ka n pàã gole laanka n boo sii la nɛ.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 81:6

A din na á bɛa sii zɛnaa ǹ gɔn pɛ, á da Zozɛfu a minin mìi ni, bɛ̀ a bɛ́ á yoo Ezipti gána gialaa ǹ mɛn waáraa. Man lɛn kɔn miɛ̃, boo diɛ ma nɛ, sɛnɛ, ma a lɛn lɛ doɛ̃ wa. Á n pii kɛnɛn:

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 14:18

Bɛ̀ má ma din tɔ bɔ ǹ sii zɛnaa Faarahɔn ganaa, ka a wotoron laanka a sùi lɛ-kũlin ni bɛa yɔrɔ kɛ la, Ezipti minin tá re doɛ̃, mà ma din nə Dɛnaa Lawa lɛa.»

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 16:12

«Má Izirayeli nɛnyaanan zùũzùũ sii lɛ ma. A pɛ ǹ nɛ kɛnɛn: Wɔlɔ nyin giɛ̃ biikoo li, ǹ tá re siĩ soɛ̃, baayɛlɛ, ǹ tá re màn bii ǹ kã, ǹ tá re doɛ̃ mà ma din Dɛnaa lɛ nə ǹ Lawa lɛa.»

Bɔ bɛ̀rɛbaa nɛ 16:6

Muizu laanka Aarɔn pɛ Izirayeli nɛnyaanan lɛn tumaa nɛ: «Wasamiɛ̃nɛ, Dɛnaa á re siĩ koe ka la ka sɔ̃, a giala, ka zùũzùũ mɛn si a ganaa, á ma. Ka á re doɛ̃ kəni, mà a din lɛ na á soo ka nɛ, á ka bɔ Ezipti gána nɛ. Biɛ̃ baayɛlɛ dɔn, á re màn-bii koe ka la a ka bɔ, ka á re a gugurubaa yii. Muizu laanka Aarɔn pɛ ǹ nɛ: Wɔsɛn mìi á kiɛrɛ ka zùũzùũ si wɔsɛn ganaa. Bɛ̀ ka tá zɛnɛɛ dɔn, ka bie wɔsɛn gialaa wa, ka n Dɛnaa din gialaa.»

Bɔ bɛ̀rɛbaa nɛ 2:11

Muizu bɛ́ á gole kɔ, biikoo kɔ́n dɔ, á soo á woo ǹ dɔɔ̃n Izirayeli minin li, á ǹ nɔmaa ǹ dí babaraan kɛn yɛ. Á Ezipti gána min goon yɛ a din dɔɔ̃n Ebrəə min goon dii.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 7:17

Bɛ lɛ nɛ, Dɛnaa á boo diɛ kɛnɛn: «N tá re doɛ̃ kɛ li, mà n laanka masɛ din Dɛnaa Lawa n kɔn. Man die tà lɛ a mu duwii ka bàlà kɛ lɛ-n ma gɔn, a n bɔyaa a mà baa.

Izayii 41:20

Ka bɛ nɛ, min tumaa á re yii, min tumaa á re doɛ̃, min tumaa á re n yiri koɛ li, ǹ na a giala ma, mà Dɛnaa Lawa na á siin kɛn lɛn zɛnaa, mà Izirayeli a Lawa sonbore na á ǹ zɛnaa.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Zeremii 30:22

Ka á re maa zaman biɛ, ma dɔ á re kaa Lawa biɛ.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Ezekieli 20:19

Ma din Dɛnaa Lawa n kaa Lawa lɛa. Ka tɔ wɔ a kɔnpɛ maa landa boon kɛn nɛ, ka maa sii yɔrɔ bɔ ǹ boon kɛn tamaa, ka kɔ ǹ lɛ.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Minin nimi 15:41

Masɛ din Dɛnaa Lawa, kaa Lawa lɛ nɛ, kɛ lɛ á ka waa á ka bɔ Ezipti gána nɛ, màn mɛn bɛ́ toɛ a goã kaa Lawa lɛa. Ma din Dɛnaa Lawa n kaa Lawa lɛa.»

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 29:12

A n giɛ li, a ka baa a din a minin lɛa pelo, a dinmaa nə n baa kaa Lawa lɛa, ka a bɛ́ á n lɛ kɔ ka la lɔn, ka a bɛ́ á n liɛ ka digolon man lɔn: Abrahamu ni, Izaaki ni ka Zakɔba nɛ.

Timəə dí-pɛn 29:13

Bɛa lɛ kɔ kɔn la ke ma wɔ ka nɛ, má a boo da ka nɛ, má n liɛ má da la, ma bie má wɔ ka kasɛn dininsɔɔ̃nɔn nɛ wa.

Timəə dí-pɛn 29:5

Ka màn mɛn sɔ̃, buuru bie wa, ka màn mɛn mi, duvɛ̃ laanka yɔ kakaarɛ bie wa. Man má bɛ zɛnaa, màn mɛn bɛ́ toɛ ka dɔ̃, mà ma din Dɛnaa Lawa lɛ n kaa Lawa lɛa.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Piɛrɛ1 2:10

Ka goã Lawa a tɔrɔ minin lɛa lɛlɛ wa, sɛnɛ kanna, ka na a tɔrɔ minin lɛa; kasɛn mɛnɛn bɛ́, Lawa makara bɔ ka ganaa lɛlɛ wa, sɛnɛ kanna, á makara bɔ ka ganaa.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.