Bɔ bɛ̀rɛbaa nɛ 6:6 - LAWA A BOO SONBORE

⁶ Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

LAWA A BOO SONBORE 2011

⁶ Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 6:6 ပူးပေါင်းရင်းမြစ်များ

Kiin2 17:36

Dɛnaa Lawa mɛn lɛ bɛ́ á sii kakan zɛnaa á ka waa ka pàã nɛ á soo ka nɛ Ezipti gána nɛ, ka doamaa nɛ ka nyɛ́ɛ baa bɛ lɛ nɛ, ka kaa tán a din lɛ giulun, ka wúlu mànan kɔ a din lɛ la.

KZS1 17:21

Tɔrɔ kɔn tá yii tán la a n kɔnboe ka n zaman Izirayeli ni? Ń wɔ si, ń wɔ baa n din a zaman lɛa. Ń kaãbaa ǹ siin dadaran zɛnaa wɔ a lɛa, ń nə́ n din tɔ bɔ nɛ. Ń nə́ n zaman lɛ si Ezipti minin la, ń tɔrɔn loo ǹ nyɛɛnɛ.

Nehemii 1:10

Wɔ nə n din a dí-nyalin lɛa, wɔ nə n din a zaman lɛa! Wɔ dinin lɛn manɛ, ń wɔ bɔ sii ni ka n pàã gole laanka n boo sii la nɛ.

Loen 77:16

Zakɔba laanka Zozɛfu a nɛnyaanan kɛn, n din a zaman lɛa, n din nə ń bɛn bɔ bɛ̀rɛbaa nɛ, ka n din pàã nɛ. Doa.

Loen 81:11

A giala, mà masɛ din nə n Dɛnaa Lawa lɛa, ma din nə má soo n ne, má n bɔ Ezipti gána nɛ. N lɛ bũ gole, ma á re piɛ̃.

Loen 81:6

A din na á bɛa sii zɛnaa ǹ gɔn pɛ, á da Zozɛfu a minin mìi ni, bɛ̀ a bɛ́ á yoo Ezipti gána gialaa ǹ mɛn waáraa. Man lɛn kɔn miɛ̃, boo diɛ ma nɛ, sɛnɛ, ma a lɛn lɛ doɛ̃ wa. Á n pii kɛnɛn:

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Bɔ bɛ̀rɛbaa nɛ 1:11

Bɛ lɛ taman yii, Ezipti minin lɛn nə́ kənən koa ǹ mìi la, maǹ nə ǹ kaa pàã dí nyɛɛ ganaa. Ǹ nə́ màn-bii koa ǹ kiwin dɔ Ezipti gána a kii *Faarahɔn nɛ, Pitomu laanka Ramusɛsi kiwin kɛn manɛ.

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:16

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 15:13

N din zaman mɛn si, n baa n wɔ lɛa, n bɛ nyɛɛnaa ǹ bɔ ka n din a bɔlɔgoondɛnaabaa nɛ, n zii nyaa nɛ ka n din pàã nɛ, n woo ne n lɛ kɔ ǹ gána kɛ nɛ.

Bɔ bɛ̀rɛbaa nɛ 16:6

Muizu laanka Aarɔn pɛ Izirayeli nɛnyaanan lɛn tumaa nɛ: «Wasamiɛ̃nɛ, Dɛnaa á re siĩ koe ka la ka sɔ̃, a giala, ka zùũzùũ mɛn si a ganaa, á ma. Ka á re doɛ̃ kəni, mà a din lɛ na á soo ka nɛ, á ka bɔ Ezipti gána nɛ. Biɛ̃ baayɛlɛ dɔn, á re màn-bii koe ka la a ka bɔ, ka á re a gugurubaa yii. Muizu laanka Aarɔn pɛ ǹ nɛ: Wɔsɛn mìi á kiɛrɛ ka zùũzùũ si wɔsɛn ganaa. Bɛ̀ ka tá zɛnɛɛ dɔn, ka bie wɔsɛn gialaa wa, ka n Dɛnaa din gialaa.»

Bɔ bɛ̀rɛbaa nɛ 18:1

Zetro n Madiã gána a wúlu-bɔlen goledɛnaa lɛa, Muizu ǹ daãgiĩ dɔ nɛ. Lawa màn mɛn tumaa zɛnaa a laanka Izirayeli a zaman kɛ nɛ, a soo ǹ ne, á ǹ bɔ Ezipti gána-n lɔn, Zetro bɛ yii ma.

Bɔ bɛ̀rɛbaa nɛ 2:11

Muizu bɛ́ á gole kɔ, biikoo kɔ́n dɔ, á soo á woo ǹ dɔɔ̃n Izirayeli minin li, á ǹ nɔmaa ǹ dí babaraan kɛn yɛ. Á Ezipti gána min goon yɛ a din dɔɔ̃n Ebrəə min goon dii.

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 32:11

Sɛnɛ, Muizu Dɛnaa Lawa nyankɔ, mà a n foo basã. Á pɛ nɛ: – Dɛnaa, wàa na á baa, n foo-yoo gɔ́ɔ̃ nɛ, n nə yui n din a zaman kɛ gialaa, n din bɛ́ ń zaman mɛn bɔ Ezipti gána nɛ, ń soo ne ka n din pàã gole kɛ nɛ?

Bɔ bɛ̀rɛbaa nɛ 6:2

Lawa boo da Muizu ni, á pɛ-n kɛnɛn: «Ma din nə "Dɛnaa Lawa" lɛa.

Bɔ bɛ̀rɛbaa nɛ 6:29

a na á pɛ-n kɛnɛn: – Ma din nə Dɛnaa Lawa lɛ lɛa! Woo, ma din nə màn mɛn tumaa pɛ nnɛ, n bɛ pɛ Ezipti gána a kii Faarahɔn nɛ doo.

Bɔ bɛ̀rɛbaa nɛ 6:8

Ma din nə n liɛ, máa ma á re gána mɛn koe Abrahamu la, ka Izaaki laanka Zakɔba nɛ, man woe bɛa gána lɛ koe ǹ dinin kɛn lɛn la, ǹ nɛnyaanan lɛa. Man die koe ǹ la, a ǹ wɔ baa. Ma din lɛ n Dɛnaa Lawa lɛa.»

Bɔ bɛ̀rɛbaa nɛ 7:4

Faarahɔn ba re n too koe n lon wa. Ma á re dɔlɔ boe Ezipti gána ganaa, man pàã nyaa nɛ, ma tɔn soo ka maa zaman kɛ nɛ, Izirayeli nɛnyaanan lɛn, kun ka zia-balin bɛ́ lɔn, ma ǹ bɔ Ezipti gána kɛ nɛ.

Bɔ bɛ̀rɛbaa nɛ 7:5

Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 21:5

Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 32:21

N nə́ n zaman Izirayeli minin waa n soo ǹ ne Ezipti gána nɛ ń sii kakan zɛnaa, kaãbaa sii dadaran lɛa, ń nyɛ́ɛ gole da ǹ nɛ.

Ezekieli 20:33

A ma toa ma yii n koo, man die giɛ̃ ka mìi la, ma maa foo-yoo kɛ nyaa ka nɛ. Man die pàã zɛnɛɛ ka nɛ, ma maa boo sii la nyaa. Ma din Dɛnaa Lawa a da ǹ boo ne.

Nya ǹ dín 13:17

Wɔsɛn Izirayeli minin Lawa lɛ na á wɔsɛn digolon yii gɔgɔɔ̃. Wɔsɛn tɔrɔ minin lɛn bɛ́ Ezipti gána nɛ, á màn da ǹ li ǹ nə́ gigiã kɔ. Bɛ kio, á ǹ bɔ bɛa gána lɛ nɛ ka a din pàã nɛ.

Timəə dí-pɛn 11:2

Ma bɛ́ re màn mɛn pii sisia, ma bie kaa nɛnyaanan kɛn ganaa wa. A giala, kaa Lawa, Dɛnaa Lawa lɛ minin doroo ǹ siin mɛnɛn zɛnaa, ǹ bɛn yɛ wa, ǹ ba ǹ doɛ̃ wa: Kaa Lawa, Dɛnaa Lawa lɛ a golebaa kɛ nɛ, a boo sii la nɛ,

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 26:8

Dɛnaa Lawa na á tɔ́n sii kakan zɛnaa, kaãbaa ǹ sii dadaran lɛa, á nyɛ́ɛ gole da ǹ nɛ, á wɔ waa ka pàã nɛ, á wɔ bɔ Ezipti gána nɛ.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.

Timəə dí-pɛn 7:8

A giala, Dɛnaa Lawa na á ka narɛ. A lɛ kɔ kɔn la mɛn wɔ ka ka digolon ne dɔn, á bɛ lɛ pã. Bɛ lɛ nɛ, Dɛnaa Lawa din ka si ka pàã nɛ. Á ka bɔ bɛ̀rɛbaa nɛ, á ka bɔ *Faarahɔn gɔn, Ezipti minin kii ke.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»