Bɔ bɛ̀rɛbaa nɛ 6:3 - LAWA A BOO SONBORE

³ Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

LAWA A BOO SONBORE 2011

³ Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Bɔ bɛ̀rɛbaa nɛ 6:3 ပူးပေါင်းရင်းမြစ်များ

Siin Giala 13:18

Abramu yoo ka a zìãn nɛ, á daa giã Manbre a dan gòã li, kunu Ebrɔn ganaa. Á wúlu bɔ ǹ bǎã dɔ walan Dɛnaa wɔ lɛa.

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 22:14

Abrahamu bɛa bǎã lɛ bíi mà "Dɛnaa din tá re bɛ yɔrɔ boe". Bɛ lɛ na á toa, ǹ nə́ tɔn pii pelo mà "Dɛnaa din tá re bɛ yɔrɔ boe kele la".

Siin Giala 28:3

Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 48:3

Zakɔba tɔ́n pɛ Zozɛfu ni: – Lawa Pàãyiidɛnaa nə́ n din nyaa ma nɛ Luuzu kiwi, Kanaan gána nɛ, á barka da ma ganaa.

Loen 68:4

Sɛnɛ, min peperen sɛn manə n nyɛnyɛɛ, ǹ foo n kɔɔ̃n Lawa yɔrɔ-a, ǹ nə́ foo kɔɔ̃nbaa ǹ bɛ̀ biɛ.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 15:3

Dɛnaa lɛ n zia-baali lɛa. A tɔ n Dɛnaa.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Zeremii 16:21

Dɛnaa Lawa pɛ: Á bǐɛ̃ kɔ! Kanna kəni ma á re ma pàã laanka maa boo sii la baa nyɛɛ ǹ nɛ taãn-taãnɛ. Ǹ tá re doɛ̃ ka bɛ-n kəni mà ma tɔ n "Dɛnaa Lawa".

Zeremii 33:2

«Dɛnaa Lawa n kɛ pii asɛ mɛn bɛ́ màn tumaa a zɛnaali lɛa, á ǹ yɔrɔ boe, á ǹ koɛ. A tɔ n Dɛnaa Lawa.

Ezekieli 20:5

A pɛ ǹ nɛ mà masɛ Dɛnaa Lawa n kɛ pii: «Ma bɛ́ má Izirayeli tɔrɔn lɛn yii gɔgɔɔ̃ ǹ mɛn pinaa, má n liɛ Zakɔba tɔrɔn lɛn nɛ. Má n din nyaa ǹ nɛ Ezipti gána nɛ, má n liɛ má pɛ: Ma din Dɛnaa Lawa n kaa Lawa lɛa.

Ezekieli 37:13

Maa minin lɛn, bɛ̀ má kaa yalan lɛn bũ ǹ mɛn waáraa, bɛ̀ má ka waa má ka bɔ kaa yalan lɛn nɛ ǹ mɛn waáraa, ka á re doɛ̃ bɛa biikoo li, mà ma din nə Dɛnaa Lawa lɛa.

Ezekieli 37:6

Ma á re biɛn kiɛ ka nɛ, ma siĩ da ka ganaa, ma gɔ̀nɔn ki kɔ lɛ, ma fɔfoã da ka nɛ, màn mɛn bɛ́ toɛ, ka yii wusoo a kaa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Uruti 1:20

Sɛnɛ, asɛ na á goã pii ǹ ni: «Ka baran masɛ bíi Naomii doo wa, ka ma bíi Maaraa, a giala, Pàãyiidɛnaa na á kanaa kɔsɛ masɛ ganaa á la yii ni.