Bɔ bɛ̀rɛbaa nɛ 40:34 - LAWA A BOO SONBORE

³⁴ Tɛmaa bara lɛ daa n kuməə kɔn yɛ ǹ kion lɛ la, Dɛnaa a gugurubaa kion lɛ pã.

LAWA A BOO SONBORE 2011

³⁴ Tɛmaa bara lɛ daa n kuməə kɔn yɛ ǹ kion lɛ la, Dɛnaa a gugurubaa kion lɛ pã.

Bɔ bɛ̀rɛbaa nɛ 40:34 ပူးပေါင်းရင်းမြစ်များ

Samayeli2 7:6

A giala, ma Izirayeli minin lɛn waa ǹ mɛn pinaa má ǹ bɔ Ezipti, a da kaa pelo lɛ, masɛ bin tɔn kion baa maa giã ǹ bǎã lɛa wa. Sɛnɛ, man má goã mɔnaa kion giulun kɔn yɛ ka Lawa nɛ ǹ kion kɛ nɛ má n Izirayeli minin lɛn diɛ zii.

KZS2 5:13

Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 7:2

Lawa a wúlu-bɔlen lɛn ba we Lawa a kion lɛ n doɛ̃ wa, a giala, Dɛnaa Lawa pã ka a gugurubaa nɛ.

Loen 26:8

Dɛnaa Lawa, n giã ǹ kion kɛ tá kɔɔ̃n ma ganaa. N gugurubaa kɛa giã ǹ bǎã á kɔɔ̃n ma ganaa.

Bɔ bɛ̀rɛbaa nɛ 14:24

Baayɛlɛ yiisoo lɛn li, Dɛnaa nə n toa tɛ laanka tɛmaa bara lɛ bii, á ga Ezipti minin lɛn ganaa, á lɔlɔkɔn wɔ ǹ bii.

Bɔ bɛ̀rɛbaa nɛ 16:10

Aarɔn bɛ́ boo diɛ zaman lɛ nɛ, ǹ nə́ n yɔrɔ bɔyaa ǹ nə́ dia don la, Dɛnaa a fulu tɛ-pɛle tɔn nə n din nyaa tɛmaa bara lɛ bii.

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Bɔ bɛ̀rɛbaa nɛ 29:43

«Man die n diɛ Izirayeli nɛnyaanan lɛ bǎã kɛ lɛ nɛ, ma din bɔ, má maa gugurubaa koa a nɛ.

Bɔ bɛ̀rɛbaa nɛ 33:9

Bɛ̀ Muizu á kion lɛ gɔ́ɔ̃ nɛ, bara kɛ n gisĩ, a da golee kion lɛ a kiɛnlɛ-a, Dɛnaa boo da nɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 6:4

Ǹ lɛn nə bìn diɛ Lawa a kion a kiɛnlɛ-a ǹ goon ganaa. Lawa a kion lɛ gɔ́ɔ̃ piɛ̃maa-n ka tɛmaa nɛ.

Ezekieli 10:4

Dɛnaa Lawa a siĩnbaa yoo á n bɔ lon màn yiikoonaan lɛn la, á woo kion lɛ a kiɛnlɛ-a. Kion lɛ gɔ́ɔ̃ ná goã piɛ̃-n ka tɛmaa nɛ, a sumu gɔ́ɔ̃ kɛ dɔ na á goã piɛ̃-n ka Dɛnaa Lawa a siĩnbaa kɛa tɛ-pɛ nɛ.

Lawa a wúlu-bɔlen 16:2

á pɛ nɛ: a pɛ ǹ dɔɔ̃ngiĩ Aarɔn nɛ: Bǎã sonbore sonbore ke, kion bii kuru kɔn-a ǹ mɔnaa lɛ nyɛɛnɛ, Lawa a *lɛ kɔ kɔn la ǹ goo laanka a lɛpii kɛ yɔrɔ-a, a nyan toa a wɔ walan biikoo tumaa li wa, màn mɛn bɛ́ toɛ, a baran gã wa. A giala, ma á re goɛ̃ bɛ̀ man din nyaa goo lɛpii lɛ lalan tɛmaa bara bii.

Azee 2:7

Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Azee 2:9

Lawa a kion dii ke a gugurubaa á re n gɔn sii a zizi kɛ wɔ la lenlen. Ma á re yii-nyɛɛ diɛ a nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Sii-nyaan 15:8

Bɛ ganaa, Lawa a Kion lɛ pã ka tɛmaa nɛ, Lawa a gugurubaa laanka a pàãyiidɛnaabaa a lɛa. Min kɔ́n boo la, á wɔ Lawa a kion lɛ-n wa, yǎa lon a dia dí-a wole sɔbaan kɛn, ǹ nə́ woo ǹ koe sɔbaa kɛ bɔ ǹ nə́ nya.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.