Bɔ bɛ̀rɛbaa nɛ 4:31 - LAWA A BOO SONBORE

³¹ Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

LAWA A BOO SONBORE 2011

³¹ Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Bɔ bɛ̀rɛbaa nɛ 4:31 ပူးပေါင်းရင်းမြစ်များ

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Siin Giala 24:26

Giĩ lɛ kaa tán, á barka da Dɛnaa nɛ, bɛ̀ á n pii:

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

KZS2 20:18

Zozafati kaa a musin la á n nyanlɛ doa tán. Zeruzalɛmu laanka Zudaa min gialakunun kɛn nɛ, ǹ dɔn nə́ kaa ǹ musin la ǹ nə́ Dɛnaa Lawa guguru kɔ.

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

KZS2 7:3

Izirayeli minin tumaa tɛ lɛ yɛ boe lon gisĩ ka Dɛnaa Lawa a gugurubaa kɛ nɛ, Lawa a kion lɛ la. Ǹ nə́ n mìi kuməə ǹ nə́ n nyanlɛ doa tán, ǹ nə́ Lawa tɔ laakalaa ǹ loe loe ǹ nə́ pii: «Hiĩ, á bǐɛ̃ biɛ, a minin narɛɛ n duduu wɔ lɛa!»

Nehemii 8:6

Ɛsidrasi barka da Dɛnaa Lawa, Lawa gole lɛ nɛ, zaman lɛ tumaa tɔ́n na a lɛ si, ǹ nə́ n gɔnɔn goa lon "mà a n miɛ̃! Mà a n miɛ̃!" Bɛ kio, ǹ nə́ n kuməə tán ǹ lɛ la Dɛnaa Lawa yɔrɔ-a, ǹ ná a guguru kɔ.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Bɔ bɛ̀rɛbaa nɛ 12:27

ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Bɔ bɛ̀rɛbaa nɛ 14:31

Izirayeli nɛnyaanan nə́ Dɛnaa Lawa Pàãyiidɛnaa kɛ a sii nyaa Ezipti minin ni ǹ gɔn yɛ. Zaman lɛ nyɛ́ɛ baa Dɛnaa nɛ. Ǹ nə golee Dɛnaa li, ka Muizu mɛn dɔ bɛ́, a dí-nyali lɛa.

Bɔ bɛ̀rɛbaa nɛ 19:8

Zaman lɛ tumaa na a lɛ si kun: «Dɛnaa din màn mɛn tumaa pɛ, wɔsɛn tá re bɛ tumaa zɛnɛɛ.» Muizu wusoo á daa zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 19:9

Dɛnaa pɛ nɛ: – Á ke, masɛ á re die n li tɛmaa bara kaara kɛ bii, màn mɛn bɛ́ toɛ, bɛ̀ ma á boo diɛ n nɛ, zaman lɛ ma, ǹ boo la ǹ golee n dɔ li yǎa duduu. Muizu wusoo á zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 2:25

Lawa yii Izirayeli nɛnyaanan lɛn yɛ, á ǹ sii lɛ dɔ̃.

Bɔ bɛ̀rɛbaa nɛ 3:16

Woo, n Izirayeli a min golen lɛ sɔkɔn, n pɛ ǹ nɛ kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á n din nyaa ma nɛ. Á pɛ mà ǹ bɛ́ màn mɛn tumaa zɛnɛɛ ka nɛ Ezipti gána nɛ, mà asɛ n die n doe ka lɛ, bɛa lɛa.

Bɔ bɛ̀rɛbaa nɛ 3:18

Izirayeli a min golen lɛn tá re n too koe ka lon, ǹ laanka n din tá re woe Ezipti gána a kii lɛ li, ka pɛ-n kɛnɛn: «Dɛnaa lɛ, Ebrəən Lawa lɛa, bɛ na á n din nyaa wɔsɛn manɛ. Kanna, wɔ doamaa nɛ wɔ lɛawaa sɔɔ zii tɔ wɔ, wɔ wo don bii, wɔ *wúlu mànan bɔ wɔa Dɛnaa Lawa nɛ.»

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 33:10

Bɛ̀ zaman lɛ yii tá bara lɛ ganaa golee-n kion lɛ a kiɛnlɛ-a lɔn gɔrɔ, ǹ tumaa n yui, didie nə n musin kumii tán a din a kion kiɛnlɛ-a.

Bɔ bɛ̀rɛbaa nɛ 34:8

A din bǎã-n gɔrɔ, Muizu kaa tán, á Dɛnaa guguru kɔ,

Bɔ bɛ̀rɛbaa nɛ 4:5

Dɛnaa pɛ-n kɛnɛn: «A zɛnaa miɛ̃, n nyaa ǹ nɛ, mà má n din nyaa n nɛ, ma din Dɛnaa lɛ, ǹ digolon Lawa lɛa, Abrahamu ni, Izaaki ni ka Zakɔba nɛ, màn mɛn bɛ́ toɛ, ǹ golee n li.»

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Uruti 1:6

Bɛ kio, Naomii bɛ́ á ma, mà Dɛnaa Lawa wusoo á bǐɛ̃ kɔ a tɔrɔ minin lɛn ganaa á màn-bii kɔ ǹ la, á yoo, a laanka ǹ manaan nɛ, ǹ nə́ wusoo ǹ nə́ woo Zudaa gána nɛ.