Bɔ bɛ̀rɛbaa nɛ 35:22 - LAWA A BOO SONBORE

²² Giĩn nə́ daa, lɔn dɔn nə́ daa ka foo kɔɔ̃n nɛ, ǹ nə́ sana màn tɔrɔ tumaa bɔ, ǹ nə́ kɔ Dɛnaa la, á kɔnpɛ ka sii lɛ a zɛnaa ǹ gɔn nɛ. Ǹ mànan mɛnɛn bɔ: nyin ni ǹ mànan manɛ, ka too ne ǹ wɔn nɛ, ka gòon ganaa ǹ kaaranan nɛ, ka bɔlɔ-a ǹ mànan nɛ.

LAWA A BOO SONBORE 2011

²² Giĩn nə́ daa, lɔn dɔn nə́ daa ka foo kɔɔ̃n nɛ, ǹ nə́ sana màn tɔrɔ tumaa bɔ, ǹ nə́ kɔ Dɛnaa la, á kɔnpɛ ka sii lɛ a zɛnaa ǹ gɔn nɛ. Ǹ mànan mɛnɛn bɔ: nyin ni ǹ mànan manɛ, ka too ne ǹ wɔn nɛ, ka gòon ganaa ǹ kaaranan nɛ, ka bɔlɔ-a ǹ mànan nɛ.

Bɔ bɛ̀rɛbaa nɛ 35:22 ပူးပေါင်းရင်းမြစ်များ

Kiin2 12:4

Sɛnɛ, wúlu bɔ ǹ bǎãn kɛn nə papaã wa. Zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ nə́ da yon gìĩ kɔɔ̃n dɔ tiɛ̃ ǹ la.

KZS2 29:31

Ezekiasi wusoo á boo saa á pɛ zaman lɛ nɛ: «Kanna kəni, kasɛn mɛnɛn gɔn bɛ́ piɛ̃-n ka wúlu màn nɛ Dɛnaa Lawa wɔ lɛa, ka wo Lawa a kion, ka wúlu màn tiɛ̃n nɛ, ka Lawa gɔ ǹ mànan nɛ ka Lawa tɔ bɔ nɛ.» Minin man die ka tɔɔn nɛ bɛa wúlun kɛn lɛn lɛa ka Lawa gɔ ǹ mànan nɛ. Min mɛnɛn gɔn bɛ́ siɛ, bɛn man wúlu màn tiɛ̃ koe.

Bɔ bɛ̀rɛbaa nɛ 32:2

Aarɔn pɛ ǹ nɛ: «Sana mànan kɛn lɛn kaa lɔn toon ne, ka kaa nɛgiĩn laanka kaa nɛlɔn wɔn nɛ, ka bɛn waa, ka da ǹ nɛ ma li.»

Bɔ bɛ̀rɛbaa nɛ 32:3

Zaman lɛ tumaa nə́ ǹ too ne ǹ sana mànan waa, ǹ nə́ daa ǹ nɛ Aarɔn li.

Bɔ bɛ̀rɛbaa nɛ 35:21

A kɔɔ̃n kɔ min mɛn tumaa foo ganaa, á dɔ ǹ yiri dɔ nɛ, bɛn nə́ daa ka ǹ màn bòen ne, ǹ nə́ ǹ kɔ Dɛnaa la, kɔn yɛ ka Lawa nɛ ǹ kion kɛ lɛ a dí a lɛa, a sii yɔrɔ bɔ tumaa a lɛa, mɔnaa sonboren kɛn dɔn lɛa.

Bɔ bɛ̀rɛbaa nɛ 35:23

Gɛ̀sɛ goã min mɛn lon, a korebore ne, a tã nɛ, a tã zenzen ne ka mɔnaa guguru sonbore ne, ka bòe ka nɛ, ka sère gɔ̀lɔ̀ kin mɛnɛn bɛ́ ǹ nə́ màn tã kaa ǹ la, hinlaa don siĩ ki sonboren, bɛa dɛnaa daa ka bɛ nɛ.

Suusun 25:12

Min mɛn bɛ́ n too koe doɛ̃, sii-dɔ̃li a doroo ǹ boon ka sana zan bɛ́ lɔn a yii li, hinlaa ka bɔlɔ-a gii bɛ́ lɔn sana yoreen lɛa.

Izayii 3:19

too ganaa ǹ kaaranan nɛ, zanan nɛ, lankanan nɛ,

Izayii 60:13

Liban da siĩn-siĩnin kɛn tá re die n li, ka da tɔrɔ sonboren kɛn nɛ, ma maa kion lɛ gɔ́ɔ̃ nyaǹ kɔ ka ǹ nɛ. Bɛa yɔrɔ lɛ la, ma bɛ́ bǎã mɛn nɛ, ma á re maa gugurubaa nyɛɛ walan.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Ezekieli 16:11

Má nyaǹ bɔ ǹ mànan kaa n gana: Má zanan kaa n gɔn wìin-a, má gii da n bɔlɔ-a.

Minin nimi 31:50

Bɛ lɛ n ke, wɔ á die ka mànan nɛ Dɛnaa Lawa gɔ ǹ wɔ lɛa, màn mɛn bɛ́ toɛ wɔ nyin nə goã. Wɔ sanan mànan mɛnɛn yɛ, gɔn ganaa ǹ zanan nɛ, nyàan ganaa ǹ mànan nɛ, gòon ganaa ǹ kaaranan nɛ, too mànan nɛ, ka bɔlɔ ganaa ǹ mànan nɛ, wɔsɛn didie n die a wɔ koe.»

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.