Bɔ bɛ̀rɛbaa nɛ 34:9 - LAWA A BOO SONBORE

⁹ á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

LAWA A BOO SONBORE 2011

⁹ á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Bɔ bɛ̀rɛbaa nɛ 34:9 ပူးပေါင်းရင်းမြစ်များ

Loen 135:4

A din na á Zakɔba tɔrɔn bɔ a wɔn lɛa, a din na á Izirayeli tɔrɔn baa a din a minin lɛa.

Loen 25:11

Dɛnaa Lawa, maa sã lɛ gole kɔ, á la yii ni. N din tɔ kɛa lɛa, a toa ma nɛ.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Loen 78:62

A foo yoo a minin lɛn li, á toa ǹ nə́ ǹ dɛ ka gɔya sa nɛ.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 32:9

Á siĩni! Má zaman kɛ lɛ dɔ̃ kəni! Tɔrɔ too kaka-a nɛ!

Bɔ bɛ̀rɛbaa nɛ 33:12

Muizu pɛ Dɛnaa lɛ nɛ: «Á ke, n din nə ń pɛ masɛ nɛ, mà ma wo ka zaman kɛ lɛ nɛ. Sɛnɛ, n bɛ́ re min mɛn diɛ kun ka masɛ nɛ dɔmalɛ wole lɛa, n bɛ nyaa ma-n wa. A da yaa, n din dɔ nə ń goã ń pɛ mà n tá ma doɛ̃ ka ma tɔ nɛ, mà ma kɔɔ̃n kɔ n ganaa.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Minin nimi 14:19

Dɛnaa Lawa, a kũ zaman lɛ a soo a bɔ Ezipti gána-n kɛ ganaa, n nə́ ǹ sii baraan toa ǹ nɛ yǎa kànaa. Wusoo doo n nə ǹ sã toa-n miɛ̃, n din a bǐɛ̃ gole lɛ taman yii.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Timəə dí-pɛn 9:18

Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.

Timəə dí-pɛn 9:26

Má gòã-kũ da Dɛnaa Lawa ganaa, má pɛ kɛnɛn: «Dɛnaa Lawa, n baran n minin lɛn dɛ wa! Tɔrɔn kɛn lɛn manə n din wɔn lɛa, ń nə́ ǹ si ka n din a boo sii la nɛ, ń nə́ ǹ waa ka pàã nɛ Ezipti ń soo ǹ ne.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»