Bɔ bɛ̀rɛbaa nɛ 34:6 - LAWA A BOO SONBORE

⁶ Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

LAWA A BOO SONBORE 2011

⁶ Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Bɔ bɛ̀rɛbaa nɛ 34:6 ပူးပေါင်းရင်းမြစ်များ

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Samayeli2 24:14

Davida tɔ́n pɛ Gaadi ni: «Ma foo ziziɛ̃ á la yii ni. Dɛnaa Lawa dɔlɔ bɔ ma ganaa, bɛ á soɛ minbuiinin nə dɔlɔ bɔ ma ganaa nɛ, a giala Dɛnaa Lawa a makara-doɛ̃ á gole.»

Kiin1 19:11

Dɛnaa Lawa pɛ nɛ: «Soo n golee bii-a kele lɛ la, masɛ din Dɛnaa Lawa yɔrɔ-a.» Á ke man die kiɛ̃. Dɛnaa Lawa tɔ́n piɛ̃ gole gole kɔn da bɔ ganaa bɔrɔ a nyɛɛnɛ. Bɛa piɛ̃ lɛ kelen yuyu, á paran yɔyɔrɛ, sɛnɛ Dɛnaa Lawa goã kun ka bɛa piɛ̃ lɛ-n wa. Piɛ̃ lɛ a bɔ kio, tán bìn da sɛnɛ, Dɛnaa Lawa goã kun ka bɛa tán bìn diɛ lɛ-n wa.

Kiin1 8:30

N too kɔ, bɛ̀ n dí-nyali laanka, n din a zaman Izirayeli minin lɛn nə́ n yɔrɔ dia kion lɛ la wɔ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Loen 108:4

Man die barka diɛ n nɛ tɔrɔn bii, Dɛnaa Lawa, man die loe loe, man tɔ bɔ tɔrɔ kɔsɔn bii.

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 111:8

Ǹ ba n bɔyɛɛ duduu wa, a giala, maǹ taãnɛ, ǹ nə́ pepere.

Loen 112:4

Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Loen 116:5

Dɛnaa Lawa n makara doɛ̃ wole sonbore lɛa. Wɔa Lawa lɛ n makara boe min ganaa.

Loen 138:2

Man die n musin koɛ tán, ma yɔrɔ nə́ n kion sonbore kɛ la, ma barka da n nɛ, n kɔn-narɛɛ gole kɛ laanka n bǐɛ̃ duduu kɛ a lɛa. A giala, n kɔ n da ǹ boo lɛ, wɔ yiri din bɛ́ a ba màn mɛn-a wa, ń bɛ zɛnaa wɔ nɛ.

Loen 145:8

Dɛnaa Lawa din nə Lawa bǐɛ̃ lɛa, a tá min makara doɛ̃. A foo a yui fufuu wa, kɔn-narɛɛ ná a foo pã.

Loen 146:6

Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Loen 57:10

Man die barka diɛ n nɛ tɔrɔn bii, Dɛnaa, man die loe loe, ma n tɔ bɔ tɔrɔ kɔsɔn bii.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 22:27

«Ka baran sɔ kɔ Lawa ganaa wa. Ka baran boo baraa dɔ da ka tɔrɔ minin nyɛɛnaandɛnaa kɔ́n ganaa wa.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Suusun 3:3

Toa n min sonborebaa, n bɔlɔgoondɛnaa baa baraabaraa. N paraa bɛa sɔ̀nɔn lɛn ganaa, n nə ǹ tamaa n foo ne.

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Izayii 12:4

Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 65:16

Gána lɛ gɔ́ɔ̃ nɛ, min woo min tá li a Lawa bǐɛ̃ bíi a din li, ǹ dɛnaa n bíi ka Lawa bɔlɔgoondɛnaa tɔ nɛ. Min woo min a n lɛ kɔ we tán la, a n die n liɛ ka Lawa bɔlɔgoondɛnaa tɔ nɛ. Dɛnaa Lawa pɛ: «Yiri á re boe ka lɛlɛ ǹ koen kɛn nɛ. Ǹ tá re papaɛ̃, ǹ nə n bɔ ma yɔrɔ-a.»

Zeremii 32:18

N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Busii pɛ 3:23

Maǹ màn dii lɛa baraabaraa baayɛlɛ. A bɔlɔgoondɛnaabaa miã banban.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Timəə dí-pɛn 32:3

Ma á re Dɛnaa Lawa tɔ boe, ka wɔa Lawa lɛ a golebaa dɔ̃.

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.

Timəə dí-pɛn 5:10

Sɛnɛ, min mɛnɛn bɛ́ masɛ narɛ, ǹ nə masɛ a gɔn waa ǹ boon kɛn tamaɛ, man maa bǐɛ̃ kɛ zɛnɛɛ bɛn tɔrɔ duu gigiã nɛ.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.