Bɔ bɛ̀rɛbaa nɛ 34:24 - LAWA A BOO SONBORE

²⁴ Sonbore, bɛ̀ masɛ tɔrɔ kɔsɔn loo ma ǹ bɔ ka nyɛɛnɛ, maa kaa gána gole kɔ, min kɔ́n ba re a lɛn zoɛ̃, mà a n die kaa gána lɛ kuĩ bɛa biikoo sɔɔ kɛ lɛ gɔ́ɔ̃-n wa, ka bɛ́ re woe kaa Dɛnaa Lawa yɔrɔ-a biikoon mɛnɛn li ke lɛn.

LAWA A BOO SONBORE 2011

²⁴ Sonbore, bɛ̀ masɛ tɔrɔ kɔsɔn loo ma ǹ bɔ ka nyɛɛnɛ, maa kaa gána gole kɔ, min kɔ́n ba re a lɛn zoɛ̃, mà a n die kaa gána lɛ kuĩ bɛa biikoo sɔɔ kɛ lɛ gɔ́ɔ̃-n wa, ka bɛ́ re woe kaa Dɛnaa Lawa yɔrɔ-a biikoon mɛnɛn li ke lɛn.

Bɔ bɛ̀rɛbaa nɛ 34:24 ပူးပေါင်းရင်းမြစ်များ

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 35:5

Ǹ bɛ́ ǹ nə́ soo, ǹ nə́ n bɔ bǎã lɛ nɛ, Lawa nyɛ́ɛ tɔrɔ kɔ́n da lɛkoro lɛ-a kiwi minin ganaa. Min kɔ́n yii wɔ, á Zakɔba a nɛnyaanan lɛn kio loo wa.

Kiin1 5:1

A kũ tà kɛ ganaa ǹ nə́ bíi Efrati a wo Filisiti minin gána laanka Ezipti gána gèlè yaa, gánan mɛnɛn bɛ́ walan, Salomɔn nə́ ǹ yii kaa a pàã giulun. A Salomɔn yii toa koo, maǹ nə́ goã dí nyɛɛ nɛ miɛ̃, ǹ nə́ nyín giɔ̀mɔ sarɛɛ la.

KZS1 4:10

Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

KZS2 17:10

Gána mɛn tumaa bɛ́ Zudaa lɛnpɛnɛ, Dɛnaa Lawa nyɛ́ɛ kaa ǹ nɛ, ǹ kɔn yii wɔ á zia baa Zozafati ganaa wa.

Zɔbu 1:10

N din bɛ́ n nə n kɔ Zɔbu paǹ tumaa lɛ, bɛ lɛ bie wa? A din ni, a kion ne, ka a gɔn màn tumaa nɛ, n bɛ́ ń bɛ tamaa, bɛ lɛ a lɛa bie wa? N din ni ń barka da a nya ǹ dí ganaa. A tɔɔn nə́ ke wɔlɔ yii-n sababa gána lɛ gɔ́ɔ̃ nɛ.

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Loen 80:8

Lawa Pàãyiidɛnaa, wusoo n barka wɔ wɔ nɛ, n wɔ kũ doɛ̃, wɔ á re kirisibiɛ.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Lawa a wúlu-bɔlen 18:24

Ka baran bɛa sii kɛ lɛ kɔn zɛnaa, ka gɔ̀ da ka dinin ganaa wa. A giala, ma bɛ́ tɔrɔn mɛnɛn lɛn lui ǹ boe ka nyɛɛnɛ, bɛa siin kɛn lɛn man nə́ ǹ gɔgɔrɛ kɔ.

Nya ǹ dín 18:10

Masɛ Lawa tá kunun n ni taãn-taãnɛ, min kɔ́n ba re boe la a n kũ a fuu nyaa nɛ wa, a giala, kiwi kɛ lɛ nɛ, min gigiã tan, ǹ nə́ die masɛ wɔn biɛ.»

Timəə dí-pɛn 12:20

Bɛ̀ kaa Lawa, Dɛnaa Lawa kaa bǎã lɛ giala bɔ li ǹ mɛn waáraa, ká a din bɛ́ á n lɛ kɔ ka la lɔn, bɛ̀ siĩ sii ka kũ ǹ mɛn pinaa, ká pɛ mà ka n die siĩ soɛ̃, ka á boe la ka sɔ̃ a ka bɔ.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 19:8

Ma bɛ́ n gɔn wɛɛ ka nɛ ka boon mɛnɛn tumaa-n pelo, bɛ̀ ká bɛn tamaa ká kɔ ǹ lɛ, bɛ̀ ká kaa Lawa, Dɛnaa Lawa lɛ narɛ, ká kɔ a foo sii lɛ biikoo tumaa li, a din tá re màn diɛ kaa gána lɛ li ǹ kɔn pinaa, ka a bɛ́ á n liɛ ka digolon man lɔn. Á re gána lɛ tumaa koe ka la, ka a bɛ́ á n lɛ kɔ ka digolon la ka a sii-n lɔn. Bɛa biikoo li kəni, ka wusoo ka kiwi sɔɔ ti sɔɔ bibinaa kɛ lɛ ganaa.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.