Bɔ bɛ̀rɛbaa nɛ 34:16 - LAWA A BOO SONBORE

¹⁶ Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

LAWA A BOO SONBORE 2011

¹⁶ Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Bɔ bɛ̀rɛbaa nɛ 34:16 ပူးပေါင်းရင်းမြစ်များ

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Kiin1 11:1

Salomɔn lɔ gigiã narɛ. Eziptin kii a nɛlɔ kɛ dinsɔɔ̃ bie á goã á saa wa. Á Moabu tɔrɔn dɔn goa, Amɔn tɔrɔn nɛ, Edɔmu tɔrɔn nɛ, ka Sidɔn tɔrɔn laanka Ɛti tɔrɔn nɛ.

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Ɛsidrasi 9:12

Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Ɛsidrasi 9:2

A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Nehemii 10:30

ǹ nə́ ǹ wɔ kaa kun ka ǹ dɔɔ̃nɔn kɛn nɛ, min yii guguru-an lɛa ǹ tumaa bii. Ǹ nə́ n lɛ kɔ ka liɛ-n kun ni. Lawa a dí-nyali Muizu dí-pɛn mɛnɛn kɔ ǹ la, mà ǹsɛn tá re tɔ we a kɔnpɛ ka bɛn nɛ. Mà ǹsɛn Dɛnaa Lawa a gɔn waa ǹ boon kɛn tumaa, a sii yɔrɔ bɔ ǹ boon kɛn laanka a landa boon kɛn nɛ, mà ǹsɛn tá re bɛn tamaɛ ǹ nə ǹ siin zɛnaa.

Nehemii 10:31

Bɛ lɛ tɔ ganaa, wɔ ba re wɔa nɛlɔn koe gána lɛ a minin la wa, wɔ ba re ǹ nɛlɔn goɛ wɔ ǹ kɔ wɔa nɛgiĩn la wa.

Nehemii 13:23

A din biikoo lɛ dɔ gɔ́ɔ̃ nɛ, má Zuifun yɛ ǹ nə́ lɔn goa, bɛa lɔn lɛn nə́ Asidɔdi minin lɛa, Amɔn tɔrɔn laanka Moabu tɔrɔn lɛa.

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Lawa a wúlu-bɔlen 21:15

màn mɛn bɛ́ toɛ, a baran tɔrɔ kɔsɔn lɔlɔ a din tɔrɔ wúlu-bɔlen kɛn ganaa wa. A giala, masɛ Dɛnaa Lawa din ni má bɔ má koa maa dí mìi la.

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Zozoe 23:13

ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Sii yɔrɔ-bɔlen 14:3

Ǹ di laanka ǹ dan tɔ́n pɛ nɛ: «Lɔ na a ba wɔ dɔɔ̃nɔn nɛlɔn kɛn laanka ma tɔrɔn kɛn bii wa, yǎa n woe lɔ siɛ Filisiti min soroman kɛn li?» Sɛnɛ, Sansɔn pɛ ǹ di ni mà a bɛ lɛ saa a kɔ asɛ la, a giala, mà bɛ lɛ sii n kɔɔ̃n asɛ ganaa.

Sii yɔrɔ-bɔlen 3:5

Izirayeli minin lɛn nə́ giã kun ka Kanaan minin lɛn nɛ, Ɛti tɔrɔn nɛ, Amɔɔrɔ wɔn nɛ, Perɛzi wɔn nɛ, Ivii laanka Zebuzu tɔrɔn nɛ.

Sii yɔrɔ-bɔlen 3:6

Ǹ nə́ bɛa tɔrɔn lɛn nɛlɔn goa lɔn lɛa, ǹ dɔn nə́ ǹ nɛlɔn kɔ bɛn nɛgiĩn la. Ǹ nə́ dí nya ǹ lawan manɛ.

Sii yɔrɔ-bɔlen 8:27

Zediɔ̃ bɛa sana lɛ saa, á màn nyín zɛnaa nɛ, á koa a kiwi Ofra. Sɛnɛ, Izirayeli min tumaa na á goã woe bɛa dí nya ǹ mɔnaa kɛ lɛ guguru koe, ǹ nə́ kɔrɔbaa zɛnɛɛ. A din lɛ dɔ na á Zediɔ̃ laanka a kion minin da sii ni.