Bɔ bɛ̀rɛbaa nɛ 34:15 - LAWA A BOO SONBORE

¹⁵ Ka baran toa ka wo lɛ kɔ wɔ ka bɛa gána kɛ lɛ a minin ni wa. Bɛ bie wa, bɛ̀ ǹ tá ǹ dìn guguru koe, ǹ nə́ ǹ wúlun boe, ǹ tɔn kiɛ̃ ǹ ka bíi, ka wo ǹ wúlu siĩn sɔ̃ kooro.

LAWA A BOO SONBORE 2011

¹⁵ Ka baran toa ka wo lɛ kɔ wɔ ka bɛa gána kɛ lɛ a minin ni wa. Bɛ bie wa, bɛ̀ ǹ tá ǹ dìn guguru koe, ǹ nə́ ǹ wúlun boe, ǹ tɔn kiɛ̃ ǹ ka bíi, ka wo ǹ wúlu siĩn sɔ̃ kooro.

Bɔ bɛ̀rɛbaa nɛ 34:15 ပူးပေါင်းရင်းမြစ်များ

KZS1 5:25

Urubɛn tɔrɔn laanka Gaadi tɔrɔn nɛ, ka Manaasee tɔrɔn talɛɛ nɛ, ǹ nə́ n baa bɔlɔgoonbaãdɛnan lɛa, ǹ digolon Lawa nɛ. Lawa goã á tɔrɔn mɛnɛn bɔ̀n baa ǹ dɔ lɛ a biikoo li, maǹ nə́ Lawa lɛ din toa walan ǹ nə́ bɛn dìn guguru koe. Bɛ lɛ nɛ, Lawa tɔ́n Asiirii gána a kii min paa gòãn sɔmɔ, Puli laanka Teglati-Falasaara nɛ, bɛn nə́ ǹ goa ǹ nə́ kiɛ̃ ǹ nɛ Halaa, Abɔɔrɔ nɛ, Aara nɛ, ka Goozan tà lɛ-a nɛ, yǎa á daa dɔ pelo ganaa.

Ɛsidrasi 6:9

Laadoo bɛ́ re doe mànan mɛnɛn ganaa, lon a Lawa a *wúlu màn tiɛ̃n wɔ lɛa, dii gɔ̀lɔ̀ tenən ne, sère gɔ̀lɔ̀n laanka sère tenən ne, *belee nàn nɛ, yìsi ni, duvɛ̃ laanka nyɔɔ nɛ, a kɔnpɛ ka Lawa a wúlu-bɔlen kɛn sii yɔrɔ pɛ nɛ, bɛa mànan kɛn lɛn tá re n koe Zuifun lɛn la baraabaraa, sã ná a ba yii wa.

Ɛsidrasi 9:12

Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Loen 106:28

Ǹ bɛ́ ǹ nə́ dɔ Pewɔrɔ gána dɔ nɛ, ǹ nə́ woo ǹ dinin kɔ bɛ dɔ a dì kɛ la, a tɔ n *Baali. Ǹ nə́ geren zɔ́n wúlu mànan sɔ̃ walan.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Bɔ bɛ̀rɛbaa nɛ 22:19

«Bɛ̀ min wúlu bɔ dì ganaa Dɛnaa goon toto kɛ kio, bɛa dɛnaa doamaa nɛ, a n dɛ a gã.

Bɔ bɛ̀rɛbaa nɛ 22:20

«Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Bɔ bɛ̀rɛbaa nɛ 23:32

ka baran lɛ kɔ kɔn la wɔ ka ǹ dinin ni wa, ka nyan wɔ ka ǹ dìn ni wa.

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Bɔ bɛ̀rɛbaa nɛ 34:12

Ka n dinin kũ, ka bɛ́ woe gána mɛn nɛ, ka baran toa ka lɛ kɔ kɔn la wɔ ka bɛa minin ni wa. Bɛ̀ ka bɛ zɛnaa, bɛ n die kan biɛ ka bii.

Zeremii 3:9

«A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Minin nimi 15:39

Bɛa yɔrɔ lɛ la, wɔ ǹ dɔnkɛn mɛnɛn nə́ ke ka pasa ka-a, ka die ka bɛn wɔ. Bɛ̀ ka bɛa pasa lɛ yɛ, ka yiri tá re gisĩ masɛ a dí-pɛn tumaa nɛ, ka kɔ ǹ lɛ. Bɛ á die toɛ ka n ka a re tɔ we ka foo dùũ laanka ka yii dùũ kio, ka màn kɔsɔn guguru kɔ wa.

Minin nimi 25:1

Izirayeli minin lɛn nə́ giã Sitimu. Ǹ ná a giala kɔ walan ǹ nə́ narɛbaa zɛnɛɛ kun ka Moabu gána lɔn nɛ.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Nya ǹ dín 15:20

Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.

Korɛnti1 10:27

Bɛ̀ goleemali baãnaa ka bíi màn-bii ganaa, bɛ̀ ká lɛ kɔ ká woo, bɛ̀ á màn mɛn kɔ ka la, ka bɛ bii, ka dinin gɔ́ɔ̃ nyan ka da nɔ̀n-diɛ ganaa wa.

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Korɛnti1 8:7

Sɛnɛ, min tumaa tɔn bɛa sonbore kɛ dɔ̃ wa. Haalɛ tɔn pelo, a bɛ́ á ǹ tɛnɛn lɛ-mui sii baa, maǹ tɔn woe dì *wúlu bɔ ǹ bǎã nɛ, bɛ̀ ǹ tá tɔn dì wúlu bɔ ǹ siĩ soɛ̃, ka n pɛ mà bɛa siĩ lɛ n dì lɛ din wɔ lɛa. Ǹ gɔ́ɔ̃gɔ́ɔ̃ ǹ taasiɛ bɛ́ a tɛ wa, bɛa màn-bii kɛ lɛ n *gɔ̀ loe ǹ ganaa gɔrɔ.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Timəə dí-pɛn 31:18

Bɛa pinaa kɛ lɛ-n sɛn, ma á re n yɔrɔ bɔyɛɛ ma bɔ ǹ la duduu, ǹ sii baraan kɛn lɛn tumaa a lɛa, ǹ nə́ die zɛnɛɛ. A giala, maǹ die lawa kɔsɔn guguru koe.

Timəə dí-pɛn 32:37

Bɛa biikoo li, á re pii: «Kaa lawan lɛn nə́ maa, ka bɛ́ ká goã n foo doɛ ǹ mɛnɛn lɛn ganaa, mà ǹ tá re ka tamaɛ, ǹ nə́ maa?

Timəə dí-pɛn 32:38

Ǹ dinin lɛn man nə́ goã kaa wúlu mànan lɛn nyɔɔ soɛ̃, ka goã die wúlu boe ka duvɛ̃ mɛn nɛ, bɛ̀ ǹ bɛ mi. Ǹ yoo kanna kəni, ǹ nə n dɔ ka lɛ, ǹ bǎã yɛ kəni, ǹ ka duru a nɛ!

Timəə dí-pɛn 7:2

Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Timəə dí-pɛn 7:3

Ka nyan toa kɔn-wɔ ka kaa kun wa: ka nyan kaa nɛlɔn kɔ ǹ nɛgiĩn la wa, ka baran ǹ dɔn nɛlɔn goa, ka ǹ kɔ kaa nɛgiĩn la wa.

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

Sii yɔrɔ-bɔlen 3:6

Ǹ nə́ bɛa tɔrɔn lɛn nɛlɔn goa lɔn lɛa, ǹ dɔn nə́ ǹ nɛlɔn kɔ bɛn nɛgiĩn la. Ǹ nə́ dí nya ǹ lawan manɛ.