Bɔ bɛ̀rɛbaa nɛ 34:14 - LAWA A BOO SONBORE

¹⁴ Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

LAWA A BOO SONBORE 2011

¹⁴ Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Bɔ bɛ̀rɛbaa nɛ 34:14 ပူးပေါင်းရင်းမြစ်များ

Kiin1 14:15

Dɛnaa Lawa tá re dɔlɔ boe Izirayeli gána ganaa, a tá re bìn diɛ ka kɔ̀buu bɛ́ bìn diɛ lɔn. Dɛnaa Lawa n die tán sonbore kɛ kuĩ a si Izirayeli minin la, tán mɛn lɛ bɛ́ á kɔ ǹ digolon la. A tá re ǹ sawɛɛ a ǹ kaa Efrati tà kɛ kio, a giala, ǹ nə́ dì gɔnɔn zɛnaa guguru kɔ ǹ mànan lɛa, ǹ nə́ wɔ Dɛnaa Lawa lon.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Ezekieli 23:25

Ma foo mɛn yoo n li ke, ma á re toɛ, ǹ kakaarɛbaa ǹ sii zɛnaa n nɛ. Ǹ tá re n nyin kuri, ka n toon ne. N minin mɛnɛn bɛ́ re goɛ̃, ǹ tá re bɛn dii zia la. Ǹ tá re n nɛgiĩn laanka ǹ nɛlɔn kɛn goɛ, min mɛnɛn dɔn bɛ́ re goɛ̃ kiwi lɛ nɛ, tɛ á re bɛn kuĩ.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Matiə 4:10

Yezu tɔ́n pɛ nɛ: – N tan n nə n bɔ kànaa, Sɛtaan! A giala, a kiɛ̃maa tá Lawa a boo ne: «Kaa tán n Dɛnaa Lawa dinsɔɔ̃ yɔrɔ-a n na a guguru kɔ.»

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 4:24

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Timəə dí-pɛn 5:24

Ǹ nə́ pɛ: «Wɔa Lawa, Dɛnaa Lawa lɛ á ke á ná a gugurubaa laanka a golebaa nyaa wɔ nɛ. Wɔ́ a lɛ ma tɛ lɛ bii. Wɔ́ yɛ pelo kəni, wɔa Lawa á boe la a boo da ka min ni, ǹ dɛnaa yii wusoo a goã koo.

Timəə dí-pɛn 5:7

Máa ka baran lawa kɔsɔ guguru kɔ masɛ kio wa,

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Sii yɔrɔ-bɔlen 6:10

Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.