Bɔ bɛ̀rɛbaa nɛ 34:11 - LAWA A BOO SONBORE

¹¹ «Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

LAWA A BOO SONBORE 2011

¹¹ Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Bɔ bɛ̀rɛbaa nɛ 34:11 ပူးပေါင်းရင်းမြစ်များ

KZS1 1:14

Zebuzu minin ni, Amɔɔrɔ minin ni, Girgazi wɔn nɛ,

Nehemii 13:23

A din biikoo lɛ dɔ gɔ́ɔ̃ nɛ, má Zuifun yɛ ǹ nə́ lɔn goa, bɛa lɔn lɛn nə́ Asidɔdi minin lɛa, Amɔn tɔrɔn laanka Moabu tɔrɔn lɛa.

Bɔ bɛ̀rɛbaa nɛ 23:28

Ma á re sìnbìrin diɛ ka nyɛɛnɛ, ǹ Ivii minin loo, ǹ nə ǹ bɔ ka nyɛɛnɛ, ka Kanaan minin laanka Ɛti minin ni.

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Bɔ bɛ̀rɛbaa nɛ 8:27

Dɛnaa dí nya á kɔnpɛ ka Muizu a gòã kuĩ diɛ lɛ nɛ. Nyuun sɔn-dɔlen lɛn nə́ n bɔ Faarahɔn ganaa, ka a kiodɛnan nɛ, ka a gána minin ni. Nyuunun lɛn giala kɔ́n din goã wa.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Timəə dí-pɛn 12:28

Ma bɛ́ n gɔn wɛɛ ka-n ka boon mɛnɛn nɛ, ka bɛn lɛn si, ka ǹ tamaa. Bɛ̀ ká zɛnaa miɛ̃, ka n ká sii sonbore zɛnaa, sii mɛn bɛ́ pepere kaa Lawa, Dɛnaa Lawa yii li. Bɛ lɛ dɔ n die toɛ kaa wɔ bǐɛ̃ kɔ miɛ̃ duduu, ka dinin laanka kaa nɛnyaanan nɛ.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Timəə dí-pɛn 6:25

A gɔn waa ǹ boon mɛnɛn kɔ wɔsɛn la, bɛ̀ wɔ tá n yiri koɛ li, wɔ á bɛn tumaa tamaɛ, wɔa Lawa, Dɛnaa Lawa yɔrɔ-a, bɛ lɛ n nyɛɛ, mà wɔ tá a bɔlɔ sii.»

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.

Zozoe 23:5

Dɛnaa Lawa lɛ, kaa Lawa lɛa, a din tá re ǹ lui, a ǹ bɔ ka nyɛɛnɛ, a din tá re baa diɛ ǹ gòã li, ka tá re ǹ gána sii ka n kɔ lɛ, ka kaa Lawa, Dɛnaa Lawa bɛ́ á goã á pɛ ka-n lɔn.