Bɔ bɛ̀rɛbaa nɛ 33:4 - LAWA A BOO SONBORE

⁴ Zaman lɛ bɛ́ á bɛa makara boo kɛ ma, ǹ yɔrɔ kɔsɛ parsiini, min goon din yɛ, a ná a nyaǹ bɔ ǹ mànan wɔ wa.

LAWA A BOO SONBORE 2011

⁴ Zaman lɛ bɛ́ á bɛa makara boo kɛ ma, ǹ yɔrɔ kɔsɛ parsiini, min goon din yɛ, a ná a nyaǹ bɔ ǹ mànan wɔ wa.

Bɔ bɛ̀rɛbaa nɛ 33:4 ပူးပေါင်းရင်းမြစ်များ

Samayeli2 19:24

Bɛ kio, kii pɛ Simeyii ni: «Ǹ ǹ ba re dii wa. Á n liɛ nɛ ka bɛa boo lɛ nɛ.»

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Kiin2 19:1

Kii Ezekiasi bɛa boon kɛn lɛn ma lɔn, a foo ziziɛ̃, á ná a mɔnaan kũ á ǹ tɔtoɛ̃, á gɛ̀ koa ǹ mɔnaa wɔ a din-a á woo Dɛnaa Lawa a kion.

Ɛsidrasi 9:3

Ma bɛ́ má bɛ ma, má maa mɔnaan kũ má ǹ tɔtoɛ̃, má ma mìi ka laanka ma lɛtoro ka kũ má wɔ̃woɛ̃, má giã tán ma foo ń busii ni.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Zɔbu 2:12

Ǹ bɛ́ ǹ nə́ n toa tìãlɛa ǹ nə́ Zɔbu yɛ, ǹ nə́ fɔ̃ a ganaa. A giaáran lɛn nə́ n lɛ da wuu-n kɔsɛkɔsɛ. Foo-ziziɛ̃ gɔn, ǹ nə́ ǹ mɔnaan tɔtoɛ̃, ǹ nə́ tii goa ǹ nə́ kaa ǹ dinin mìi ni.

Bɔ bɛ̀rɛbaa nɛ 33:6

Izirayeli nɛnyaanan lɛn nə yoo lɔn, ǹ nə́ n bɔ Orɛbu kele kɛ li, ǹ nə́ ǹ nyaǹ bɔ ǹ mànan wɔ toa.

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Ezekieli 24:17

«Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Ezekieli 24:23

Ka baran gɛ̀ koa wa, ka baran n duduwəə wa. Sɛnɛ, ka á re pɛrɛ kaa sii baraan lɛn gɔ́ɔ̃ nɛ, ka dinin nə n bɔyaa ka gú wɔ kɔn la.

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Lawa a wúlu-bɔlen 10:6

Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Zonaasi 3:6

Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Zakarii 7:5

«Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

Minin nimi 14:1

Izirayeli zaman lɛ tumaa nə́ n lɛ wurəə, ǹ nə́ n lɛ dɛ tèlò tumu gɔ́ɔ̃ nɛ.

Minin nimi 14:39

Muizu bɛa boon lɛn gũ á ǹ pɛ Izirayeli minin lɛn tumaa nɛ. Boon lɛn nə́ zaman lɛ foo ziziɛ̃ parsiini.

Samayeli1 6:19

Dɛnaa Lawa dɔlɔ bɔ Bɛti-Semɛsi minin ganaa, a giala, ǹ nə́ goã ǹ nə́ n yiin doa Dɛnaa Lawa a goo lɛ la. Zaman duu posooro bii a na á min pɔsɔbaa dɛ. Zaman lɛ foo ziziɛ̃ bɛn lɛn gɛ̀ taman yii, a giala, Lawa na á dɔlɔ gole bɔ ǹ ganaa.