Bɔ bɛ̀rɛbaa nɛ 33:16 - LAWA A BOO SONBORE

¹⁶ Man die doɛ̃ wàa dɔ li dɔn, mà wɔ tá kɔɔ̃nɛ n ganaa, ma din laanka maa zaman kɛ nɛ? Bɛ̀ n din tá tɔ we wɔ nyɛɛnɛ, wɔ bie re doɛ̃ bɛ lɛ li wa? Hiĩ! N nə n die nyɛɛ wɔ-n dɔn, mà wɔ ba goon ka tɔrɔ gialakun kɛ kɔ́n nɛ kanaa kɛ gɔ́ɔ̃-n wa, ma din laanka maa zaman kɛ nɛ.»

LAWA A BOO SONBORE 2011

¹⁶ Man die doɛ̃ wàa dɔ li dɔn, mà wɔ tá kɔɔ̃nɛ n ganaa, ma din laanka maa zaman kɛ nɛ? Bɛ̀ n din tá tɔ we wɔ nyɛɛnɛ, wɔ bie re doɛ̃ bɛ lɛ li wa? Hiĩ! N nə n die nyɛɛ wɔ-n dɔn, mà wɔ ba goon ka tɔrɔ gialakun kɛ kɔ́n nɛ kanaa kɛ gɔ́ɔ̃-n wa, ma din laanka maa zaman kɛ nɛ.»

Bɔ bɛ̀rɛbaa nɛ 33:16 ပူးပေါင်းရင်းမြစ်များ

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

Kiin1 8:53

A giala, Dɛnaa Lawa, n din ni ń nə́ ǹ yii gɔgɔɔ̃ kanaa tɔrɔn tumaa bii ń nə́ ǹ baa n kíɛ̃ lɛa ka n goã ń nə́ n dí-nyali Muizu da a pɛ ganaa lɔn, bɛ̀ a bɛ́ á wɔsɛn digolon lɛn waa á soo ǹ ne Ezipti gána nɛ.

Loen 147:20

A kɛ miã zɛnaa tɔrɔ kɔsɔ kɔn nɛ wa, Tɔrɔn mɛnɛn bɛ́ ǹ ba a dí-pɛn doɛ̃ wa. Aleluya, ka Dɛnaa Lawa tɔ bɔ!

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Bɔ bɛ̀rɛbaa nɛ 8:22

Muizu pɛ nɛ: «A siĩni a n zɛnaa miɛ̃ wa, a giala, wɔsɛn bɛ́ màn mɛn boe, wɔ́ n koe wɔa Dɛnaa Lawa lɛ la, wúlu màn lɛa, bɛ n *gɔ̀ màn lɛa Ezipti minin gɔn. Ǹ bɛ́ giɛ màn mɛn-a gɔ̀ màn lɛa, wɔ á re boe la wɔ bɛ bɔ, wɔ kɔ Dɛnaa la, bɛ̀ ǹ nə́ ǹ ba wɔ dii ka kɔlɔ-n wa?

Lawa a wúlu-bɔlen 20:24

Bɛ lɛ na á toa má tɔ́n pɛ kɛnɛn: Ǹ tán lɛ n die ka dinin wɔ biɛ, ma din nə die ǹ tán lɛ koe ka la, gána kɛ lɛ tɔɔ too laanka tán-kɔsiɛ n bǐɛ̃ koe a nɛ. Ma din Dɛnaa Lawa n kaa Lawa lɛa, má ka na, má ka bɔ kɔn ka tɔrɔ kɔsɔn nɛ.

Lawa a wúlu-bɔlen 20:26

Ka goã ma din wɔn lɛa yoreene. A giala, Dɛnaa Lawa dinmaa n yoreene. Ma din ni má ka na má ka bɔ kɔn ka tɔrɔ kɔsɔn nɛ, màn mɛn bɛ́ toɛ, ka maa wɔn baa.

Minin nimi 14:14

Ǹ ná a boo laakalaa gána lɛ a minin manɛ. Bɛn dɔn nə́ bɔ a siére-a kəni, mà n din Dɛnaa Lawa tá kun ka zaman kɛ lɛ nɛ, n tá n din nyɛɛ nɛ buə̃buə̃. Ǹ nə́ bɔ a siére-a dɔn, mà n din nə zaman lɛ tamaɛ, a giala, man tɔ we ǹ nyɛɛnɛ lɛawaa li, tɛmaa bara bii, tèlò-n, tɛ bara bii.

Minin nimi 23:9

Bɛ̀ má n toa gɛ̀fun mìi ni, má ga zaman kɛ ganaa, bɛ̀ má n toa kelen mìi ni, má n yii doa la, a n zaman lɛa, zaman mɛn nə́ ke giã nɛ a mìi ni, á n doɛ̃ mà asɛ a goon ka tɔrɔ kɔsɔn kɛn nɛ wa.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 4:7

Sonbore ne, tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a lawa nə n nyii ǹ la, ka wɔa Lawa, Dɛnaa Lawa á ke n nyii wɔ la lɔn, bɛ̀ wɔ́ a bii wɔ sii mɛn ganaa.