Bɔ bɛ̀rɛbaa nɛ 33:14 - LAWA A BOO SONBORE

¹⁴ Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

LAWA A BOO SONBORE 2011

¹⁴ Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

Bɔ bɛ̀rɛbaa nɛ 33:14 ပူးပေါင်းရင်းမြစ်များ

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Bɔ bɛ̀rɛbaa nɛ 13:21

Dɛnaa dinmaa na á goã ǹ nyɛɛnaa ǹ boe. Lɛawaa li, tɛmaa bara goon nə ǹ nyɛɛnɛ, zii nyɛɛ ǹ nɛ. Tèlò-n tɛ bara goon ne, a n wɔlɔ fúli ǹ ni. Bɛa yɔrɔ kɛ lɛ la, maǹ nə́ goã boe la ǹ nə́ tɔ we penleen laanka tèlò.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:2

Dɛnaa Lawa n kɛ pii: Zaman mɛn nə kanbaa gɛ̀ ganaa, má maa bǐɛ̃baa nyaa bɛn manɛ diə gole ne. Izirayeli á re susui yii.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Timəə dí-pɛn 12:10

Sɛnɛ, ka á re Zurdɛ̃ tà kuri, kaa Lawa, Dɛnaa Lawa bɛ́ gána mɛn lɛ koe ka la kaa wɔ lɛa, ka wo giã walan. Kaa zɔ́ɔn mɛnɛn bɛ́ ka lɛnpɛnɛ, á re ka kanbiɛ bɛn ganaa, á re là nyantoro koe ka la.

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Timəə dí-pɛn 3:20

Ka n dɔ ka dɔɔ̃nɔn lɛn lɛ, yǎa Dɛnaa Lawa susui koe ǹ la, ka a bɛ ke á kɔ ka dɔn la lɔn. Kaa Lawa, Dɛnaa Lawa bɛ́ gána mɛn koe ǹ dɔn la, Zurdɛ̃ tà kio lɛ̀nyɛɛnɛ, bɛ̀ ǹ dɔn nə́ ǹ wɔ gii yɛ, ma bǎã mɛn kɔ ka la, didie tɔn nə n bɔyaa kəni, a da giã a wɔ nɛ.»

Timəə dí-pɛn 31:8

Dɛnaa Lawa din tá re miɛ̃ n nyɛɛnɛ, á re goɛ̃ kun n ni. A re n gɔn boe n ganaa wa, a re n toɛ walan wa. N baran nyɛ́ɛ baa wa, n baran toa màn kɔn nyɛ́ɛ da n ganaa wa.»

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 21:44

Dɛnaa Lawa là nyantoro kɔ ǹ la paǹ tumaa li, ka a bɛ́ á goã á pɛ ǹ digolon man lɔn. Ǹ zɔ́ɔn lɛn tumaa, ǹ kɔn boo la á golee ǹ nyɛɛn wa. Dɛnaa Lawa nə́ ǹ zɔ́ɔn lɛn tumaa wɔ ǹ gɔn.

Zozoe 22:4

Dɛnaa Lawa lɛ, kaa Lawa lɛa, á susu ǹ bǎã kɔ ka dɔɔ̃nɔn lɛn la kanna kəni, ka a bɛ́ á goã á pɛ ǹ nɛ lɔn. A bɛ́ miɛ̃, ka á boe la ka wusoo ka wo piɛ sisia. Dɛnaa Lawa a dí-nyali Muizu gána mɛn kɔ ka la Zurdɛ̃ tà kio lɛ̀giala-n, ka wo giã bɛ nɛ.

Zozoe 23:1

A kũ biikoo sɔsɔɔ ganaa, Izirayeli minin lɛn zɔ́ɔn mɛnɛn tumaa goã ǹ lɛnpɛnɛ, Dɛnaa Lawa nə́ ǹ si bɛn la, á là nyantoro kɔ ǹ la. Bɛ́ daa yaa bɛ̀ Zozoe zizi kɔ taãn-taãnɛ. Bɛ lɛ kio ne,