Bɔ bɛ̀rɛbaa nɛ 33:12 - LAWA A BOO SONBORE

¹² Muizu pɛ Dɛnaa lɛ nɛ: «Á ke, n din nə ń pɛ masɛ nɛ, mà ma wo ka zaman kɛ lɛ nɛ. Sɛnɛ, n bɛ́ re min mɛn diɛ kun ka masɛ nɛ dɔmalɛ wole lɛa, n bɛ nyaa ma-n wa. A da yaa, n din dɔ nə ń goã ń pɛ mà n tá ma doɛ̃ ka ma tɔ nɛ, mà ma kɔɔ̃n kɔ n ganaa.

LAWA A BOO SONBORE 2011

¹² Muizu pɛ Dɛnaa lɛ nɛ: «Á ke, n din nə ń pɛ masɛ nɛ, mà ma wo ka zaman kɛ lɛ nɛ. Sɛnɛ, n bɛ́ re min mɛn diɛ kun ka masɛ nɛ dɔmalɛ wole lɛa, n bɛ nyaa ma-n wa. A da yaa, n din dɔ nə ń goã ń pɛ mà n tá ma doɛ̃ ka ma tɔ nɛ, mà ma kɔɔ̃n kɔ n ganaa.

Bɔ bɛ̀rɛbaa nɛ 33:12 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Samayeli2 15:25

Bɛ kio, kii pɛ Sadɔki ni: «Lawa a lɛ kɔ kɔn la ǹ goo lɛ saa, n wusoo n wo ne kiwi gɔ́ɔ̃ nɛ. Bɛ̀ Dɛnaa Lawa wusoo á bǐɛ̃ kɔ ma ganaa, á die wusii a n bɔyaa ka ma nɛ, á die toɛ ma yii wusoo a lɛ kɔ kɔn la ǹ goo lɛ yɛ, kun ka a koa ǹ bǎã kɛ nɛ.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Bɔ bɛ̀rɛbaa nɛ 3:10

Kanna, woo, man die n diɛ *Faarahɔn li, n soo ka maa zaman lɛ nɛ, Izirayeli nɛnyaanan lɛn, n nə ǹ bɔ Ezipti gána nɛ.»

Bɔ bɛ̀rɛbaa nɛ 3:4

Dɛnaa yɛ mà à n bɔyaa a n die giɛ, Lawa tɔ́n nə n toa daãn lɛ bii á lɛ dia la: «Muizu! Muizu!» A ná a lɛ si: «Ma á ke!»

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Bɔ bɛ̀rɛbaa nɛ 33:1

Dɛnaa boo da Muizu ni, á pɛ: «N bɔ bǎã kɛ nɛ, n din laanka zaman kɛ lɛ, ń soo ǹ ne n nə ǹ bɔ Ezipti gána nɛ. Man liɛ má n lɛ kɔ Abrahamu la, Izaaki ni ka Zakɔba nɛ ka gána mɛn nɛ, má pɛ ǹ nɛ, máa ma á re koe ǹ nɛnyaanan la, ka bɛa zii kũ.

Bɔ bɛ̀rɛbaa nɛ 33:17

Dɛnaa tɔ́n pɛ Muizu ni: «N boo mɛn da sisia ke, ma á re bɛ lɛ dɔ zɛnɛɛ. A giala, ma á doɛ̃ taãn-taãnɛ, máa n kɔɔ̃n kɔ ma ganaa.»

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 45:3

Naforon mɛnɛn bɛ́ koa-n wɔlɔ tì li ka ǹ mɛnɛn bɛ́ durii ni, ma á re bɛn koe n la. Ka bɛ nɛ, n tá re doɛ̃ kəni, mà masɛ din Dɛnaa Lawa nə n bíi ka n tɔ nɛ, masɛ n Izirayeli a Lawa lɛa.

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Azee 2:5

Ma lɛ kɔ kɔn la mɛn wɔ ka ka nɛ bɛ̀ ka bɛ́ ka soo Ezipti gána nɛ, ma yiri tá kun ka nɛ biikoo tumaa li, ka nyan nyɛ́ɛ baa màn kɔn nɛ wa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»