Bɔ bɛ̀rɛbaa nɛ 32:8 - LAWA A BOO SONBORE

⁸ Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

LAWA A BOO SONBORE 2011

⁸ Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Bɔ bɛ̀rɛbaa nɛ 32:8 ပူးပေါင်းရင်းမြစ်များ

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Nehemii 9:18

Ǹ nə́ goã ǹ nə́ sana yo ǹ nə́ diin nɛ nyín zɛnaa nɛ, ǹ nə́ pɛ: «Wɔa lawa lɛ á ke, kɛ lɛ, á wɔ waa Ezipti gána nɛ á soo wɔ nɛ.» Ǹ nə́ sã dadaran wɔ.

Loen 106:19

Izirayeli minin lɛn bɛ́ Orɛbu kele lɛ li, ǹ nə́ diin nɛ nyín zɛnaa. Ǹ nə́ kaa tán, ǹ nə́ fɔlɔ màn kooro guguru kɔ.

Loen 78:36

Sɛnɛ, ǹ lɛ na á goã Lawa bebele, ǹ lɛwɔn na á goã soɛ boe ne.

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Bɔ bɛ̀rɛbaa nɛ 22:20

«Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Bɔ bɛ̀rɛbaa nɛ 32:4

Aarɔn bɛa sana kɛ lɛ si ǹ gɔn, á yo á zɛnaa diin nɛ nyí lɛa. Ǹ nə́ tɔ́n pɛ kəni: «Haya, Izirayeli minin lɛn! Kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ!»

Bɔ bɛ̀rɛbaa nɛ 34:15

Ka baran toa ka wo lɛ kɔ wɔ ka bɛa gána kɛ lɛ a minin ni wa. Bɛ bie wa, bɛ̀ ǹ tá ǹ dìn guguru koe, ǹ nə́ ǹ wúlun boe, ǹ tɔn kiɛ̃ ǹ ka bíi, ka wo ǹ wúlu siĩn sɔ̃ kooro.

Izayii 46:6

Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Timəə dí-pɛn 32:17

Maǹ wúlu mànan koe nɔ̀ɔnɔn la, a da ya bɛn dɔn bie Lawa lɛa wa. Maǹ wúlu mànan koe dìn la, a da yǎa ǹ ba ǹ doɛ̃ lɛlɛ wa. Maǹ koe dì soreen la, a da yaa, ǹ din dinin nə bɛn guguru kɔ wa.

Timəə dí-pɛn 9:12

Dɛnaa Lawa tɔ́n pɛ ma nɛ: «N nanaa n gisĩ, n nə n bɔ kànaa. A giala, n tɔrɔn lɛn, má ǹ waa má ǹ bɔ Ezipti gána nɛ, ǹ nə́ n dinin ziziɛ̃. Masɛ zii mɛn nyaa ǹ nɛ mà ǹ kɔ lɛ, ǹ nə́ kanaa, ǹ nə́ n bɔ bɛ la gɔrɔ, ǹ nə́ sana yo, ǹ nə́ màn nyín zɛnaa nɛ.»

Timəə dí-pɛn 9:16

Má daa yaa, bɛ̀ ka á ke ká sii babaraa la kaa Lawa, Dɛnaa Lawa la: ka n ká sana yo, ka diin nɛ nyín zɛnaa nɛ. Dɛnaa Lawa zii mɛn nyaa ka nɛ mà ka kɔ lɛ, ká kanaa ká n bɔ bɛ la gɔrɔ.

Zozoe 22:15

Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

Sii yɔrɔ-bɔlen 8:24

Zediɔ̃ wusoo á pɛ ǹ nɛ: «Man die sii goon nyankoe ka lon: Ka bɔ zia la ka sana kaaranan mɛnɛn nɛ, didie bɛ kɔn kɔ masɛ la.» Sonbore, sana kaaranan man nə́ goã Madiã minin lɛn too ne, a giala, maǹ nə́ goã nyɔɔsɔ᷉ gána minin lɛa.